გიორგი დონაძე: „ქართული ხალხური სიმღერისა და ტრადიციული გალობის გარეშე ქართული კულტურა წარმოუდგენელია“

ამბები

17 დეკემბერი 13:27, 2018 წელი

ცნობილია, რომ ქართული საგალობელი ქართული ხალხური სიმღერის განუყოფელი ნაწილია. ქართული ხალხური სიმღერა და ქართული ტრადიციული გალობა მსოფლიომაც აღიარა. 

ეს არის მიმართულება, რომლის გარეშეც ქართული კულტურა წარმოუდგენელია. საქართველოს ფოლკლორის სახელმწიფო ცენტრში სწორედ, ამ მიმართულების გასაძლიერებლად  გალობის სანოტო ჩანაწერები გაციფრდა.


მასალის აღწერილობა სპეციალურად შექმნილ მონაცემთა ბაზასთან ერთად ელექტრონულ სივრცეში განთავსდება და ხელმისაწვდომი იქნება ყველა დაინტერესებული პირისთვის. უნიკალურ პროექტს, რომელიც სხვადასხვა არქივებში დაცული ქართული საგანძურის, ტრადიციული საგალობლების ხელნაწერი ნოტების გაციფრებას და სამეცნიერო აღწერილობასთან ერთად ინტერნეტსივრცეში განთავსებას გულისხმობს, საქართველოს ფოლკლორის სახლმწიფო ცენტრი ახორციელებს.


"ქართული ტრადიციული გალობა არის ერთ-ერთი ის უნიკალური რამ, რითაც ჩვენ დღეს ვამაყობთ. დღეისათვის დაახლოებით 30 000 გვერდია გაციფრებული, რასაც დიდი დრო და ფინანსები დასჭირდა. ეს საქმე საკმაოდ შრომატევადია - თითოეულ ფურცელს ხელნაწერთა ინსტიტუტსა და ეროვნულ არქივში უმაღლესი ხარისხის აპარატურით იღებდნენ. რადგან მთლიან მასალას ერთბაშად ვერ გამოვცემდით, შევქმენით ვებ-გვერდი, რათა გაციფრებული მასალა ხელმისაწვდომი ყოფილიყო, როგორც ქართველებისათვის, ისე უცხოელთათვის. დაინტერესებულ პირებს შეუძლიათ ნახონ როგორია ეს ხელნაწერი,“ - განაცხადა ფოლკლორის სახელმწიფო ცენტრის დირექტორმა გიორგი დონაძემ.


შემდეგი პროექტი, რომელიც 2019 წელს განხორციელდება ქართული ტრადიციული საგალობლების ანთოლოგიის „ქართული გალობა“ გამოცემაა. ამჟამად, გამოცემულია ორი ტომი. საქველმოქმედო ფონდ „ქართულ გალობასთან" ერთად კიდევ რვა ტომის გამოცემა იგეგმება. მის მომზადებაზეც ერთობლივად იმუშავებენ ფოლკლორის სახელმწიფო ცენტრის, თბილისის სახელმწიფო კონსერვატორიისა და ფონდ „ქართული გალობის“ სპეციალისტები. ანთოლოგიის მომზადებისას გამოყენებული იქნება, ფოლკლორის ცენტრის პროექტის - „ქართული საგალობლების ხელნაწერთა მონაცემთა ბაზისა და აღწერილობის შექმნა“ - ქართული საგალობლების ხელნაწერების სრული ციფრული კოლექცია და მათი აღწერილობა. ფაქტობრივად, ანთოლოგიის პროექტი, გალობის ხელნაწერთა დიგიტალიზაციის პროექტის შემდგომ ეტაპს წარმოადგენს.


"ქართული ტრადიციული საგალობლების ანთოლოგიის ათტომეულში ძალიან დიდი რესურსი ჩავდეთ. გამოცემაზე მაღალი დონის სპეციალისტები მუშაობენ თბილისის სახელმწიფო კონსერვატორიიდან და ფოლკლორის ცენტრიდან. კოლოსალური სამუშაოა, ყოველი ტომი 700-800 გვერდიანია და თანაც უნიკალური“ - განაცხადა გიორგი დონაძემ.


ანთოლოგია „ქართული გალობა“ მიზნად ისახავს, XIX-XX საუკუნეებში ნოტირებული ქართული ტრადიციული საგალობლის ყველა ნიმუშის აკადემიური ხასიათის პუბლიკაციას. გამოცემა განკუთვნილია მგალობლების, საგუნდო კოლექტივების, მკვლევარებისა და საეკლესიო მუსიკის მოყვარულთათვის.


2015 წელს პირველად გაციფრდა ქართული საგალობლების სანოტო ხელნაწერთა მონაცემთა ბაზა და აღწერილობა (23000-დე გვერდი). ამჟამად, პროექტის მეორე ეტაპი მიმდინარეობს. პროექტის ფარგლებში სრულად გაციფრდება ფოლკლორის სახელმწიფო ცენტრში, საქართველოს ეროვნულ არქივსა და კორნელი კეკელიძის სახელობის ხელნაწერთა ეროვნულ ცენტრში დაცული ხელნაწერები, რომლებიც შესრულებულია ფილიმონ ქორიძის, ექვთიმე (ესტატე) კერესელიძის, ძმები კარბელაშვილების, რაჟდენ ხუნდაძისა და სხვა დიდი ქართველი მოღვაწეების მიერ.


პროექტი (ხელმძღვანელი სვიმონ ჯანგულაშვილი) საქართველოს ეროვნული არქივისა და ხელნაწერთა ეროვნული ცენტრის პარტნიორობით, კულტურის სამინისტროსა და ფონდი ,,ქართული გალობის” ფინანსური ხელშეწყობით ხორციელდება. მისი მიზანი კი ქართული ტრადიციული მრავალხმიანობის გამომზეურება, აღდგენა-შენარჩუნება და საერთაშორისო მასშტაბით პოპულარიზაციაა. ქართული გალობის ანთოლოგიის გამოცემა რამდენიმე ძირითად ფაქტორს ემყარება: ანთოლოგია სამეცნიერო-პრაქტიკული დანიშნულების გამოცემაა, რომლის მიზანია, შეძლებისდაგვარად, თავი მოუყაროს ქართული სამგალობლო ტრადიციის ყველა საგალობელს. ამ მიზნით, მის კრებულებში დაიბეჭდება სხვადასხვა სამგალობლო სკოლისა და ლიტურგიკული განგების კუთვნილი საგალობლები (საგალობელთა ზემოთ ჩამოთვლილი წყაროებიდან).

დღის ჰოროსკოპი

20 თებერვლის ასტროლოგიური პროგნოზი

რას გვირჩევენ ვარსკვლავები 20 თებერვლისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

„ქალები დილის 10 საათამდე“

სენსაციური ფოტოპროექტი, რომელიც ქალის ნამდვილ სილამაზეს ეძღვნება და რომელმაც ფრანგ ფოტოგრაფს ვერონიკა ვიალს საოცარი პოპულარობა მოუტანა. 
საკნატუნო ამბები

5 შემთხვევა, როდესაც სექსი არ ღირს

ექსპერტებმა დაადგინეს 5 მიზეზი, რომელთა მიხედვითაც ქალებმა უმჯობესია, სექსზე უარი თქვან.
დღის ჰოროსკოპი

19 თებერვლის ასტროლოგიური პროგნოზი

რას გვირჩევენ ვარსკვლავები 19 თებერვლისთვის ჯანმრთელობის, ბიზნესისა და სიყვარულის მიმართულებით?
ამბები

„ამ კომპანიაში არ არის აუცილებელი, იყო ვიღაცის ნათესავი, მთავარია, იშრომო შენი მიზნისთვის“

23 წლის ანანო სოხაძე დღეს სადაზღვევო კომპანია „ჯიპიაი ჰოლდინგის“ საცალო გაყიდვების სპეციალისტია. ამ სფეროში ის  დასაქმების ფორუმის მეშვეობით მოხვდა. ანანო თავად მოგვიყვება, რა ეტაპები გაიარა კომპანიაში მოხვედრამდე.
FUN-ტესტი

აირჩიეთ ზედმეტი ფიგურა

ეს უჩვეულო ტესტი დაგეხმარებათ, საკუთარი ხასიათის იდუმალი მხარეები გახსნათ...
საკნატუნო ამბები

როგორ უკავშირდება სექსის სურვილი ხორცის ჭამის სურვილს?

„კაცებს, რომლებიც სიამოვნებით კავდებიან სექსით, უფრო მეტად უყვართ ხორცი“. მართალია, გრილის მწარმოებელი სარეკლამო სლოგანივით ჟღერს, თუმცა, ავსტრალიელმა მეცნიერებმა აღმოაჩინეს კავშირი სექსსა და ხორცის ჭამის სურვილს შორის.
დღის ჰოროსკოპი

18 თებერვლის ასტროლოგიური პროგნოზი

რას გვირჩევენ ვარსკვლავები 18 თებერვლისთვის ჯანმრთელობის, ბიზნესისა და სიყვარულის მიმართულებით?
კულინარია

ქათმის ფილე რძეში

თუ აქცენტს ჯანსაღ კვებაზე აკეთებთ და არა დიეტებზე, რძეში მოხარშული ქათმის ფილე აუცილებლად დააგემოვნეთ.
დღის ჰოროსკოპი

17 თებერვლის ასტროლოგიური პროგნოზი

რას გვირჩევენ ვარსკვლავები 17 თებერვლისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

1980-90-იანი წლები - ქალის სხეული სილიკონის გარეშეც ულამაზესია

ეს იყო პერიოდი, როცა ვარსკვლავები ასე მასობრივად არ იყვნენ გატაცებულნი პლასტიკური ქირურგიით. ნახეთ, როგორ გამოიყურებოდნენ...