ლაპაროსკოპიული მეთოდის უპირატესობები

ექიმის კონსულტაცია

26 ოქტომბერი 12:00, 2016 წელი

რა უპირატესობები აქვს ლაპაროსკოპიულ ქირურგიას, რომელი დაავადებების დროს შეიძლება მისი გამოყენება და რა შედეგებით მთავრდება „დამზოგველი მეთოდით“ ჩატარებული ოპერაცია? ამ თემაზე საჩხერის რაიონული საავადმყოფოს ექიმი ქირურგი-ლაპაროსკოპისტი პეტრე ნეფარიძე გვესაუბრება. საჩხერის რაიონული საავადმყოფო საქართველოში ერთ-ერთია იმ რამდენიმე წამყვან კლინიკას შორის, სადაც ამ მეთოდს დღეს წარმატებით იყენებენ, როგორც სამკურნალოდ, ისე დაავადებების დიაგნოსტიკის მიზნით.  

- ბატონო პეტრე, რას გულისხმობს ლაპაროსკოპიული ქირურგია?
- ლაპაროსკოპია ქირურგიული ჩარევის მეთოდია, რომლის დროსაც  ოპერაცია პატარა, მცირე ზომის  განაკვეთებით კეთდება, რის გამოც ლაპაროსკოპია შედარებით „დამზოგველ“ მეთოდად მიიჩნევა და ე.წ. „ღია წესით“  მიდგომასთან შედარებით მთელი რიგი უპირატესობა აქვს.

- მაინც რით სჯობია ლაპაროსკოპიული ოპერაცია ღია მუცელკვეთას?
- ლაპაროსკოპიულ მეთოდს საკმაოდ ბევრი უპირატესობა აქვს. უპირველეს ყოვლისა, ის ნაკლებტრავმულია და შესაბამისად, პოსტოპერაციული რეაბილიტაციაც გაცილებით ხანმოკლე და მსუბუქია, გაცილებით ნაკლებია პოსტოპერაციული გართულებების რისკიც. ნაკერები, მათი ზომის წყალობით, უფრო ადვილად ხორცდება. ამას განსაკუთრებული მნიშვნელობა აქვს ქრონიკული დაავადებების მქონე პაციენტებისთვის - მაგალითად, დიაბეტით დაავადებულთათვის, რომლებთანაც შეხორცების პროცესი ძალიან რთულად მიმდინარეობს.
ლაპაროსკოპიული ოპერაციის დროს მუცლის ღრუ დახურული რჩება, ამიტომ ოპერაციის შემდგომი ინფექციების ალბათობა მინიმალურია.
ოპერაციის შემდეგ ჭრილობის დაჩირქებაც ძალზე იშვიათია, მაშინ როდესაც ღია ჩარევის დროს, განსაკუთრებით – ჭარბწონიანებთან, ეს პრობლემა საკმაოდ აქტუალურია, ვინაიდან კანქვეშა ცხიმოვანი ქსოვილი დაჩირქებისკენ არის მიდრეკილი.
ოპერაციისშემდგომი თიაქარი, რომელიც ძალზე ხშირია ღია წესით ოპერაციის შემდეგ, ლაპაროსკოპიულ ქირურგიას პრაქტიკულად არ ახასიათებს. ლაპაროსკოპიული ოპერაციის შემდეგ მუცლის ღრუში არ წარმოიშობა ოპერაციისშემდგომი შეხორცებები.  
დაბოლოს, ლაპაროსკოპიული ოპერაციის შემდეგ კანზე შესაძლოა, დარჩეს მხოლოდ რამდენიმე მცირე ზომის ნაწიბური, რომელიც, უმეტესად, 6-9 თვეში სრულიად შეუმჩნეველი ხდება.

- დიაგნოსტიკისთვის რამდენად ხშირად იყენებთ ამ მეთოდს?
- თავდაპირველად ლაპაროსკოპიის დანიშნულება სწორედ დიაგნოსტიკა იყო. შემდეგ ტექნიკა დაიხვეწა და ლაპაროსკოპიულად არამარტო დიაგნოსტიკა, არამედ მკურნალობაც გახდა შესაძლებელი. ლაპაროსკოპიას დიაგნოსტიკისთვის ახლაც ვიყენებთ, მხოლოდ იმ შემთხვევაში, როდესაც კლინიკური ინსტრუმენტული და ლაბორატორიული კვლევებით დაავადების ვერიფიცირება ვერ ხერხდება.

- უმთავრესად რომელ ორგანოებზე ტარდება ლაპაროსკოპიული ოპერაციები?
- ყველაზე ხშირად მას ნაღველკენჭოვანი და ნაღვლის ბუშტის სხვა დაავადებების დროს ვატარებთ. საქართველოში ლაპაროსკოპიის დანერგვა სწორედ ამ ორგანოზე ოპერაციებით დაიწყო.
ასევე, აქტიურად ვიყენებთ აღნიშნულ მეთოდს  სხვადასხვა  გინეკოლოგიური პათოლოგიების დროს.  
გარდა ამისა, ლაპაროსკოპიით შესაძლებელია აპენდექტომიის, ბარიატრიული, გასტრექტომიის, მსხვილი და წვრილი ნაწლავების, თიაქარპლასტიკის, შარდის ბუშტის ოპერაციის ჩატარება, რომლის დანერგვასაც ვფიქრობთ ჩვენს კლინიკაში. ლაპაროსკოპიული ტექნიკა გამოიყენება უროლოგიურ პრაქტიკაშიც, მაგრამ იქ მას სხვა სახელს უწოდებენ. ასეთი ოპერაციებია, მაგალითად, ტრანსურეთრული რეზექცია, იგივე ტური, და ცისტოსკოპია. ლაპაროსკოპია კი, ძირითადად, მუცლის ღრუს ოპერაციებს ითვალისწინებს.

- ტექნიკურად რამდენად რთულია ლაპაროსკოპიული მეთოდით ოპერაციის ჩატარება. რამდენად განსხვავდება ის ტრადიციული მეთოდისგან?
- თავად ოპერაციის მიმდინარეობა ტრადიციულს ჰგავს, მხოლოდ მიდგომაა განსხვავებული. ლაპაროსკოპიის დროს მუცლის ღრუს კუნთების სრული მოდუნებაა საჭირო, ამიტომ ზოგადი ნარკოზი გარდაუვალია. თავდაპირველად მუცელს ნახშირორჟანგით ვბერავთ. ეს ორგანოთა ვიზუალიზაციისთვის არის საჭირო, უამისოდ მუცლის ღრუში ვერაფერს დავინახავთ. შემდეგ სპეციალური ოპტიკური ხელსაწყოთი ვიღებთ ვიდეოგამოსახულებას და ზემოხსენებული პატარა განაკვეთებიდან ვატარებთ ოპერაციას, მის მსვლელობას კი მონიტორზე ვაკვირდებით. განაკვეთების რაოდენობა ოპერაციის ტიპზე, მის მოცულობაზე, ამა თუ იმ ორგანოს ანატომიასა და პათოლოგიურ პროცესზეა დამოკიდებული. როგორც წესი, უმეტესად საკმარისია 3-4 განაკვეთი.
ტექნიკურად ეს ოპერაცია მართლაც არ არის ადვილი, მის ჩასატარებლად აუცილებელია განსაზღვრული ცოდნა და გამოცდილება. 
კარგმა ლაპაროსკოპისტმა ძალიან კარგად უნდა იცოდეს ტრადიციული ქირურგია, ვინაიდან ნებისმიერ დროს შესაძლოა, ლაპაროსკოპიული ოპერაციის ღია წესით დასრულება გახდეს საჭირო.

- რამდენად შესაძლებელია, რომ გარკვეული პერიოდის შემდეგ, ლაპაროსკოპიულმა მეთოდმა ღია წესით ოპერაცია ჩაანაცვლოს?
- გამორიცხულია, რადგან არსებობს ისეთი ტრავმები, რომლებსაც ლაპაროსკოპიული ქირურგიით, შეიძლება, ვერ გაუძღვე. მაგალითად, პარენქიმული ორგანოების ტრავმები, ღვიძლის ნახეთქები, პანკრეასის ტრავმები. ლაპაროსკოპიისთვის უფრო პრობლემურია ურგენტული შემთხვევები, როცა, როგორც წესი, ძალიან სწრაფი მოქმედებებია საჭირო.
ასე რომ, „ღია წესით“ ოპერაციას თავისი ჩვენება აქვს და ზოგ შემთხვევაში უპირატესობაც კი გააჩნია.

დღის ჰოროსკოპი

24 იანვრის ასტროლოგიური პროგნოზი

რას გვირჩევენ ვარსკვლავები 24 იანვრისთვის ბიზნესის, ჯანმრთელობისა და სიყვარულის მიმართულებით?!
საკნატუნო ამბები

რატომ არ თვრებიან დაზვერვის აგენტები? - სპეცსამსახურების დიდი საიდუმლო, რომელზეც ლეგენდები დადის

სპეცსამსახურის თანამშრომლისთვის ჩვეული ვითარებაა, როცა სუფრასთან სასმელის დალევა უწევს და ამასთანავე, რა თქმა უნდა, ფხიზლად უნდა დარჩეს. თურმე, არსებობს რამდენიმე ხერხი, რომლებიც, როგორც ამბობენ, სპეცსამსახურების გატესტილი და შემუშავებულია.
საკნატუნო ამბები

ჩვენი პლანეტა ფოტოშოპის გარეშეც მშვენიერია

ინტერნეტში მილიონობით ფოტოს აღმოაჩენთ, რომელიც საგულდაგულოდ დამუშავებული და გაუმჯობესებულია, მაგრამ გარწმუნებთ, დედამიწის პეიზაჟები ყოველგვარი დამუშავების გარეშეც ულამაზესია...
საკნატუნო ამბები

რატომ უნდა გავაღოთ ავტომობილის კარი მარჯვენა ხელით?

მოძრაობის წესების საგამოცდო ბილეთებსა და სახელმძღვანელოებში ყველა ნიუანსი აღწერილი არ არის და მათ საჭიროებას პრაქტიკა გვკარნახობს. მძღოლებო და მგზავრებო, თქვენ იცით, რატომ უნდა გავაღოთ ავტომობილის კარი მარჯვენა ხელით?
იცით თუ არა...

უცნაური ამბავი, როგორ იქცა ღარიბი სოფლის ყველა მცხოვრები ერთ დღეში მილიონერად

ერთ ღარიბ ესპანურ სოფელში მცხოვრები ფერნანდესების მრავალშვილიან ოჯახში ბიჭი დაიბადა, სახელად ანტონიო. მშობლებს იმდენად უჭირდათ, რომ ბიჭუნამ სკოლის დამთავრება ვერ შეძლო, თუმცა ყოველთვის სჯეროდა, რომ წარმატებას მიაღწევდა...
თემატური ჰოროსკოპი

რომელია თქვენი ზოდიაქოს თილისმა-მცენარე?

როცა თილისმებზეა საუბარი, ყველა რატომღაც ქვებზე იწყებს ფიქრს, მაგრამ დაცვა მცენარესაც შეუძლია - ზოგი მათგანი ადამიანის გვერდით ყვავის და სურნელს აფრქვევს, ზოგიც ხმება. ჩვენ გიკარნახებთ თქვენი მფარველი მცენარეების სახელებს.
FUN-ტესტი

აირჩიეთ სამკაული და გაიგეთ, რა არის თქვენი ქალური ძალა

იცით, რომ საყვარელ სამკაულს თქვენი პიროვნების შესახებ ბევრი რამეს მოყოლა შეუძლია? 
თავსატეხი

რაც უფრო სწრაფად იპოვით ღია ბოქლომს, მით მაღალია თქვენი IQ

გთავაზობთ ამოცანას ყურადღების სიმარჯვეზე! თანაც - მხედველობასაც გაივარჯიშებთ. კარგად დააკვირდით ნახატს და შეეცადეთ, ღია ბოქლომი აღმოაჩინოთ.
საკნატუნო ამბები

როგორ შევუხამოთ სამოსი დაბალყელიან ჩექმას? (10 ფოტო)

უკვე მერამდენე წელია, დაბალყელიანი ჩექმები საკმაოდ მოდურია და აქტუალობას არ კარგავს, თუმცა მისი შეხამება ტანსაცმელთან არცთუ ისე მარტივია.
საკნატუნო ამბები

ქალის სურნელი, ვნება, სიყვარული ერთ კადრში (15 ფოტო)

ფოტოგრაფ ალისა ვერნერის ნამუშევრები ქალის სილამაზით არის შთაგონებული, მისი საყვარელი ჟანრი კი ეროტიკაა...
საკნატუნო ამბები

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვრისთვის ბიზნესის, ჯანმრთელობისა და სიყვარულის მიმართულებით?!
ზეპირი ანკეტა

შოთა იათაშვილი: „ხალისი სულ მაქვს, მაგრამ სევდაც სულ თან დამყვება“

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია პოეტი შოთა იათაშვილი.