10 მარტის ასტროლოგიური პროგნოზი

ჰოროსკოპი

9 მარტი 23:00
1335

რას გვირჩევენ ვარსკვლავები 10 მარტისთვის ბიზნესის, ჯანმრთელობისა და სიყვარულის მიმართულებით?!

ვერძი
საზოგადოებაში ისეთ ეფექტს მოახდენთ, როგორზეც ვერასოდეს იოცნებებდით. სამსახურებრივ საქმეებში ისე ხართ ჩაფლული, რომ გარშემო სხვას ვერავის და ვერაფერს ამჩნევთ. ხვალ შორეული მგზავრობის დაგეგმვა ან დაწყება სასურველი არაა.

კურო
ხვალ მეგობრის დასახმარებლად გაემართებით, რომელიც თქვენს თავგანწირვას აუცილებლად დააფასებს. ყველაფრისთვის მზად ხართ, რომ საკუთარი თავი და ცხოვრება დროულად მოაწესრიგოთ. შეწყვიტეთ ღვინოში ჭეშმარიტების ძიება, სანამ ფსკერზე არ აღმოჩენილხართ.

ტყუპები
ხვალ ტყუპები საწინააღმდეგო სქესის ცხოველ ინტერესს იწვევენ. შეეცადეთ, ამით სწორად ისარგებლოთ. დღეს საკუთარი ავტორიტეტის იმედად არ უნდა იყოთ, რადგან ეს არ იმოქმედებს. საყვარელ ადამიანთან რაღაცის გარკვევას ცდილობთ, მაგრამ არაფერი გამოგივათ. თქვენი ვერც ერთი სიტყვა ადრესატამდე ვერ მიაღწევს..

კირჩხიბი
ბოლოს და ბოლოს, გრძნობთ, რომ ოჯახური ცხოვრებისთვის მზად ხართ, მაგრამ, სანამ გადაგიფიქრებიათ, არ დაგავიწყდეთ, ამის შესახებ საყვარელ ადამიანს აცნობოთ. სხვების რჩევებითა და ემოციებით თუ იხელმძღვანელებთ, შეიძლება ბევრი სისულელე ჩაიდინოთ. იქნებ, ბოლოს და ბოლოს, იმის დაფასება ისწავლოთ, რაც გაქვთ?

ლომი
შეგიძლიათ, სახლის სისუფთავეზე ზრუნვას შეუდგეთ. ამჟამად ეს პროცესი საერთოდ არ გაგაღიზიანებთ. დაურეკეთ ან მოინახულეთ მშობლები. გახსოვდეთ, რომ ნამდვილი მეგობრობა საიდუმლოს შენახვას ითვალისწინებს, ამიტომ, თუ მეგობარს აფასებთ, აკონტროლეთ, ვისთან რა უნდა თქვათ.

ქალწული
თქვენს ცხოვრებაში საცხოვრებელი ადგილის ცვლილებაა მოსალოდნელი. შესაძლოა, ამჟამად ეს კარგ იდეად არ გეჩვენებათ, მაგრამ მალე მიხვდებით, რომ ცდებოდით. გულისხმიერად მოეკიდეთ დახმარების თხოვნას, რომელიც შეიძლება დღეს მოისმინოთ. ხვალ ლატარიის ბილეთის შეძენას არ გირჩევთ.

სასწორი
შეგიძლიათ, თავს რაღაც მცირეოდენი სიგიჟის უფლება მისცეთ, რომელიც არავის დააზარალებს და უზარმაზარ სიხარულს მოგანიჭებთ. გეჩვენებათ, რომ დღეს ვიღაცამ გაგაბრიყვათ, მაგრამ გახსოვდეთ, რომ იცინის ის, ვინც ბოლოს იცინის. ნუ შეაწუხებთ ადამიანებს ბევრი კითხვით, ამით მხოლოდ გააღიზიანებთ.

მორიელი
ხვალ ადამიანები თქვენკენ ისე მოიწევენ, როგორც მზესუმზირა მზისკენ. სასიამოვნო განცდაა, მთავარია, რომ თქვენი სითბო ყველას ეყოს. გირჩევთ, დაურეკოთ მას, ვინც თქვენს ზარს დიდი ხანია ელის. შეიძლება თქვენი მდუმარებით საყვარელი ადამიანები ძალიან გაანაწყენოთ.

მშვილდოსანი
სახლიდან გასვლა სასიამოვნო სიურპრიზს გპირდებათ. თუ არ იცით, რა გააკეთოთ, ან სად წახვიდეთ, ლატარიის ბილეთი იყიდეთ. დღეს თუ იზარმაცებთ, შეიძლება დაკარგული დროის ანაზღაურება დიდხანს მოგიხდეთ.

თხის რქა
კარგი იქნება, თუ საკუთარ თავს ახალ საქმეში მოსინჯავთ. ამან შეიძლება წარმატება მოგიტანოთ. საღამოს ეცადეთ, მოდუნდეთ და არაფერზე იფიქროთ. ძალიანაც რომ გინდოდეთ, პრობლემები მაინც არსად წავა და მათზე შეგიძლიათ, ხვალ იზრუნოთ. წარუმატებელმა ხუმრობამ შეიძლება უხერხულ მდგომარეობაში ჩაგაგდოთ.

მერწყული
მერწყულებო, მოქმედების დროა! შეიძლება იმის გაკეთება შეძლოთ, რაზეც ბოლო დროს ხშირად ფიქრობთ. გეჩვენებათ, რომ კუთხეში ხართ მიმწყვდეული.

თევზები
ხვალ მეგობრები თქვენს ცხოვრებაში სასიამოვნო სიგიჟის წუთებს შეიტანენ. ვიღაცის ქარიზმა დაგატყვევებთ და გაიძულებთ, მას როგორც ემოციური ტყვე, დაემორჩილოთ. ეცადეთ, ხვალ საკუთარი ამბიციები დააცხროთ და სადმე, მოშორებით შეინახოთ.