მელბურნში მცხოვრები 21 წლის ეშლი მორისის სხეული წყალთან შეხებისთანავე წითელი ლაქებით იფარება, რასაც თან საშინელი ტკივილისა და ქავილის გრძნობაც ახლავს.
ეშლისთვის შხაპის მიღება ჯოჯოხეთური ტკივილია და აბაზანიდან ტირილით გამოდის.
მორისს პრობლემები 14 წლის ასაკში დაეწყო, როცა ანგინა დაემართა. გოგონას უამრავი პენიცილინის მიღება მოუწია, რამაც ერთი დაავადება განკურნა, მაგრამ გვერდითი ეფექტის სახით, წყალზე ალერგია დაუტოვა.
დერმატოლოგმა განუმარტა, რომ პენიცილინის მოხმარების შედეგად სისხლში ჰისტამინის დონე შეიცვალა, რამაც, თავის მხრივ, წყალზე ალერგია ჩამოუყალიბა.
ეშლის ცხოვრება რადიკალურად შეიცვალა. ბანაობასთან დაკავშირებული პრობლემების გარდა, გოგონას არ შეუძლია ზღვაზე დასვენება, აუზზე სიარული, ცხელ და ჩახუთულ ადგილებში ყოფნა, რადგან საკუთარ ოფლზეც კი ალერგია აქვს. სამწუხაროდ, მედიკოსები უძლურნი არიან, რამე შეცვალონ, ამიტომ ეშლი ერთადერთი იმედით ცხოვრობს, რომ მისი ორგანიზმი თავად შეძლებს პრობლემასთან გამკლავებას.
