ხალილს მძიმე ბავშვობა ჰქონდა, ამიტომ ცხოვრების თავიდან დაწყება გადაწყვიტა და ოჰაიოდან ლოს-ანჯელესის დასაპყრობად გაემგზავრა. თავიდან ყველაფერში უმართლებდა - სპორტული ავტომობილის ნაწილების ბიზნესი ააწყო და მისი მომსახურებით ისეთი ცნობილი ადამიანიც კი სარგებლობდა, როგორიც ელიზაბეტ ტეილორია.
როგორც ხშირად ხდება, დიდმა ფულმა ხალილიც აცდუნა. სპირტიანი სასმელებიდან და მსუბუქი ნარკოტიკებიდან ის ჰეროინის მოხმარებაზე გადავიდა და ძალიან მალე ყველაფერი დაკარგა - ბიზნესი, ქონება, სახლი და საკუთარი თავიც კი.
რამდენიმე წელი ქუჩაში ცხოვრობდა და ციხეშიც კი მოხვდა.
თითქოს ყველაფერი დაკარგული იყო, მაგრამ ერთ მშვენიერ დღეს ნაცნობმა სარეაბილიტაციო ცენტრში მიიწვია, სადაც გამაჯანსაღებელი წვენი დაალევინეს.
ამბობდნენ, რომ ამ წვენებს ნარკომანების განკურნება წამებში შეეძლო და ხალილმაც გადაწყვიტა, ეცადა...
შედეგი დაუჯერებელი იყო - ხალილი თითქოს თავიდან დაიბადა. სწორედ ამის შემდეგ გაჩნდა გამაჯანსაღებელი წვენების წარმოებისა და პატარა ბიზნესის დაწყების იდეა. ხალილი ახალი წვენების რეცეპტებისა და სამკურნალო ბალახების აღმოსაჩენად მთელ მსოფლიოში მოგზაურობდა. სხვადასხვა ქვეყანაში ჯანსაღი და ხანგრძლივი ცხოვრების სპეციალისტებს ხვდებოდა და მათ რეკომენდაციებს იწერდა.
ამჟამად, ხალილ რაფატი ჯანსაღი ცხოვრების წესის პროპაგანდას ეწევა. 47 წლის მამაკაცი გადატანილის მიუხედავად, შესანიშნავ ფორმაშია. ბიზნესი, რომელიც მეგობრების დახმარებით დაიწყო, უზარმაზარი პოპულარობით სარგებლობს და უდიდესი მოგება მოაქვს.