ჯგუფის ცხოვრების ამსახველი კადრები 69 წლის ლეგენდარული ბრაიან მეის ვიზუალური ბიოგრაფიის წიგნში „Queen In 3D“ შევიდა. ფოტოები გადაღებულია გიტარისტის სტერეოსკოპული აპარატით და მთლიანობაში 46 წელს მოიცავს.
მუსიკოსი დარწმუნებულია, რომ 3D ეფექტის საშუალებით ფანები თავს სცენაზე, მუსიკოსების გვერდით იგრძნობენ.
„რა თქმა უნდა, ეს ყველაფერი იმ არაჩვეულებრივ და საოცარ დროს მახსენებს, რომელიც მე, როჯერმა, ჯონმა და ფრედიმ ერთად გავიარეთ. მუსიკაზე შეყვარებულ და განათლებული ახალგაზრდებს გასტროლები საშუალებას გვაძლევდა, გვენახა, როგორ ცხოვრობს მსოფლიო,“ - ამბობს ბრაიან მეი.
ბრაიან მეი სასტუმროს აბაზანაში. 1978 წელი
როჯერ ტეილორი, ფრედი მერკური და ჯონ დიკონი თეთრი ლიმუზინის უკანა სავარძელზე. ნიუ-იორკი. 1975 წელი
ფრედი მერკური პარიზის სილამაზის სალონში. 1975 წლის იანვარი
მერკური კონცერტის წინ გრიმს იდებს. 1976 წელი
მერკური და როჯერი კონცერტის შემდეგ. იაპონია. 1975 წელი
დოღზე კემპტონ-პარკში. მარჯვენა ქვედა კუთხეში მენეჯერი ჯონ რიდი, რომელიც ჯგუფთან 1975-1978 წლებში მუშაობდა.
1981 წელი
ბრაიან მეის ვიზუალური ბიოგრაფიის გარე ყდა. ფასი 57 ევრო. წიგნს თან ახლავს სპეციალური ოპტიკური მოწყობილობა
