მაიკლ ფასბინდერი და კიდევ 12 მსახიობი, რომლებიც კამერის წინ გაშიშვლდნენ

კინო

25 ივლისი 18:00

შეიძლება გაგიკვირდეთ, მაგრამ მამაკაცისთვის კამერის წინ გაშიშვლება არც ისე მარტივია, როგორც ეს ერთი შეხედვით შეიძლება ჩანდეს...

 

რა თქმა უნდა, ჩვენ აქ ყველაზე პიკანტურ კადრებს ვერ შემოგთავაზებთ, მაგრამ დაგისახელებთ ფილმებს, რომლებიც თქვენს ცნობისმოყვარეობას დააკმაყოფილებს.

მაიკლ ფასბინდერი
„სირცხვილი“ (2011)



სტივ მაკუინის ფილმში ფასბინდერი 30 წლის ნიუ-იორკელს განასახიერებს, რომელიც ეროტომანიით იტანჯება და უძლურია, საკუთარი სურვილები გააკონტროლოს.


გასაკვირი არაა, რომ ერთ-ერთ პირველ სცენაში ფასბინდერი სრულიად შიშველი ჩნდება. მას არაფერი უფარავს სხეულს, კამერა კი ძალიან ყურადღებით აჩვენებს მისი სხეულის თითოეულ ნაკვთს, თანაც ისე, რომ ფანტაზიისთვის იოტისოდენა ადგილიც აღარ დარჩეს. ამ როლის შემდეგ ჟღალწვერიანი ირლანდიელის თაყვანისმცემელთა არმია კიდევ უფრო გაიზარდა.


მარლონ ბრანდო
„უკანასკნელი ტანგო პარიზში“ (1972)



ბერნარდო ბერტოლუჩის ეს ცნობილი ფილმი ეროტიკული ჟანრის კლასიკადაა მიჩნეული. მარლონ ბრანდო, რომელიც არაერთხელ ჩნდება კადრში შიშველი, ამ როლისთვის „ოსკარზეც“ კი იყო ნომინირებული. ფილმში მოქმედება 60-იანი წლების პარიზში ხდება და ორი ადამიანის დაუცხრომელ ვნებაზე მოგვითხრობს. ამბობენ, რომ სიუჟეტი ძირითადად თავად რეჟისორის სექსუალურ ფანტაზიებზეა აგებული. მთლიანობაში, ფილმი მოეწონათ როგორც ეროტიკის მოყვარულებს, ისე იმ მაყურებელსაც, რომელიც ჩარჩოებიდან გასულ ურთიერთობებზე ფილმებს ანიჭებს უპირატესობას.


ჟერარ დეპარდიე
„უკანასკნელი ქალი“ (1976)



მარკო ფერერის სკანდალურ ფილმში მთავარი როლების შემსრულებლები, ჟერარ დეპარდიე და ორნელა მუტი, მთელი ფილმის განმავლობაში ან სექსით არიან დაკავებულნი, ან სრულიად შიშვლები მსჯელობენ ოჯახზე, ქალთა უფლებებსა და საკუთარ მომავალზე. ისე, დეპარდიე სხვა ფილმებშიც გეყოლებათ შიშველი ნანახი. გაიხსენეთ ბერნერდო ბერტოლუჩის „მეოცე საუკუნე“, ბელტრან ბლიეს „ვალსის მოცეკვავეები“ და სერჟ გენსბურის „მე შენ მიყვარხარ... მე არ მიყვარხარ“... თუმცა შიშველი ფრანგის დიდი დოზით ნახვა მაინც „უკანასკნელ ქალშია“ შესაძლებელი. ასე რომ, თუ ახალგაზრდა დეპარდიეს ფანი ხართ, ეს ფილმი თქვენთვისაა.


ბენ აფლეკი
„დიდების თავბრუსხვევა“ (1995)



თუ თქვენ მოხიბლული ხართ ბენ აფლეკის სამსახიობო ოსტატობით, ალბათ, რიჩ უილქსის ეს ფილმიც მოგეწონებათ, სადაც მსახიობი თქვენ წინაშე რამდენჯერმე წარდგება დედიშობილა. ერთ შემთხვევაში ბენის სიშიშვლეს საშხაპის გამჭვირვალე მინა ფარავს, თუმცა ის სულაც არ შეგიშლით ხელს, კარგად შეათვალიეროთ მსახიობის სხეული. აი, სხვა კადრებში კი უკვე აღარავინ და აღარაფერი ფარავს აფლეკის სიშიშვლეს.


ლეონარდო დიკაპრიო
„სრული დაბნელება“ (1995)



აგნეშკა ჰოლანდის ფილმი ორი გამოჩენილი ფრანგი პოეტის - პოლ ვერლენისა და არტიურ რემბოს ტრაგიკულ ისტორიას მოგვითხრობს. სწორედ ამ უკანასკნელის როლს ასრულებს ლეონარდო დიკაპრიო. ფილმის სცენარს საფუძვლად უდევს არტიურ რემბოს ბიოგრაფია, რომელმაც პრაქტიკულად ბავშვობაშივე მოიხვეჭა სახელი. „სრულ დაბნელებაში“ სრულიად შიშველს ერთდროულად ორ მსახიობს - ლეონარდო დიკაპრიოსა და დევიდ ტიულისს - იხილავთ.


ვენსან პერესი
„უზნეო“ (2000)



ყოველგვარ სირცხვილსა და ტანსაცმელს მოკლებული ვენსან პერესი მთელი ფილმის განმავლობაში უხვად ასაჩუქრებს თავის თაყვანისმცემლებს ღია სცენებით. თქვენ წარმოიდგინეთ, ფილმის ტრეილერიც კი არ გაქცევია სიშიშვლის ჩვენებას. რეჟისორის სასახელოდ უნდა ითქვას, რომ მან მაქსიმალური სიზუსტით გადმოსცა მე-18 საუკუნის მწერლისა და ფილოსოფოსის  დენი დიდროს სექსუალური განწყობები იმ პერიოდისთვის, როცა ის თავისი აკრძალული „ენციკლოპედიის“ ერთ-ერთ თავს - „მორალს“ წერდა.


კოლინ ფარელი
„ვეფხვების ქვეყანა“ (2000)



საომარი დრამის ყურებისას აზრადაც არ მოგივა, თუ იქ რამე პიკანტურს „გადაეყრები“, მაგრამ თურმე ასეთ ფილმებშიც შეიძლება, ცოტაოდენი ეროტიკა აღმოაჩინო. ფილმში მოქმედება მიმდინარეობს 1971 წლის სექტემბერში, ვიეტნამის ომის დროს. ბანაკში წვრთნიან ახალწვეულებს, რომლებიც მალე ომში უნდა წავიდნენ სამშობლოს დასაცავად. და ამ ჯოჯოხეთური ფაბრიკისა და ცხოვრების ამაოებაზე მსჯელობის ფონზე ეკრანზე გაიელვებს ბუნტარისა და პაციფისტის როლანდ ბოზზის შიშველი სხეული, კოლინ ფარელის შესრულებით.


მაიკლ პიტი
„მეოცნებენი“ (2003)



სიმართლე ითქვას, ბერტოლუჩის ფილმებში ვინ აღარ გაშიშვლებულა... თუმცა ყველაზე დასამახსოვრებელი კადრი სწორედ მაიკლ პიტს ეკუთვნის, რომელსაც მისი მეგობრები აშიშვლებენ. საშინლად სექსუალური დრამა ახალგაზრდა ამერიკელზე, რომელიც გაცვლითი პროგრამით ჩადის პარიზში და კინოზე გადარეულ ორ თანატოლთან ერთად ცხოვრობს, ბერნარდო ბერტოლუჩის ერთ-ერთ საუკეთესო ფილმად მიიჩნევა. ისე, მეთიუს როლზე, რომელსაც ასრულებს კიდეც პიტი, ლეონარდო დიკაპრიოსა და ჯეიკ ჯილენჰოლსაც განიხილავდნენ... ასე რომ, სხვა შემთხვევაში რომელიმე მათგანს მაინც ვიხილავდით გაშიშვლებულს.


ჯოზეფ გორდონ-ლევიტი
„იდუმალი კანი“ (2004)



გრეგ არაკის დრამა ჯოზეფ გორდონ-ლევიტს მთელი თავის მშვენიერებით წარმოაჩენს. თუ თქვენ ოცნებობთ, დაინახოთ „ის, რაც დაფარულია“, მაშინ დაუყოვნებლივ შეუდექით ფილმის ყურებას. ის იმედებს ნამდვილად არ გაგიცრუებთ. თუმცა, აქვე გაგაფრთხილებთ, რომ სიუჟეტი არცთუ მარტივია. ეს არის დრამა ორი მოზარდის ტრაგიკულ ისტორიაზე, რომლებიც ბავშვობაში სექსუალური ძალადობის მსხვერპლნი აღმოჩნდნენ. ასე რომ, სანამ ყურებას დაიწყებთ, მაინც დაფიქრდით...


უილიამ დეფო
„ანტიქრისტე“ (2009)



ლარს ფონ ტრიერს არ უყვარს მინიშნებები, მისი ფილმები ყოველთვის პირდაპირი, სასტიკი და ზედმეტად პროვოკაციულია. „ანტიქრისტეში“ მოთხრობილია ახალგაზრდა წყვილის ისტორია, რომელიც შვილის სიკვდილს განიცდის. სულის სიმშვიდის მოსაპოვებლად ისინი საცხოვრებლად ტყეში მდგარ სახლში გადადიან. ამ წუთიდან მათ ცხოვრებაში კოშმარები იწყება. და რა თქმა უნდა, ეს ყველაფერი სექსის გარეშე ხომ არ ჩაივლის. შიშველ დეფოს არაერთხელ და არაერთი რაკურსით ნახავთ - წინიდან, უკნიდან, გვერდიდან... და საერთოდ, როგორც ისურვებთ! მაგრამ გჭირდებათ კი ეს? თავად გადაწყვიტეთ.


ჯად ლოუ
„დომ ჰემინგუეი“ (2013)



რიჩარდ შეპარდის კომედიაში ლოუს პროფესიონალი მძარცველის როლი ერგო. სეიფების გატეხის ოსტატი 12 წლის შემდეგ ციხიდან გამოდის და გადაწყვეტს, ის ვალი მოითხოვოს, რომელიც მას 12-წლიანი სიჩუმისთვის ეკუთვნის. ჯად ლოუს გმირს დომ ჰემინგუეი ჰქვია. ამ როლისთვის მსახიობმა სპეციალურად მოიმატა რამდენიმე კილოგრამი, რათა თავისი გმირისთვის წონა შეემატებინა (როგორც პირდაპირი, ისე გადატანითი მნიშვნელობით).


შაია ლაბაფი
„ნიმფომანი: პირველი ნაწილი“ (2013)



ვინ აღარ გააშიშვლა თავის ფილმში ლარს ფონ ტრიერმა... მათ შორისაა შაიან ლაბაფიც. ფილმის სლოგანი - „დაივიწყე სიყვარული“, სათაურთან ერთად, მიგვანიშნებს, რომ აქ სიყვარულის ნასახსაც ვერ ნახავთ, ყოველ შემთხვევაში, ამ სიტყვის პირდაპირი მნიშვნელობით. ყვავილები და გულები ხელბორკილებით იცვლება, ხოლო პირველი პაემანი მომენტალურად გადადის საწოლის სცენაში. ასე რომ, სად-სად და „ნიმფომანში“ ნამდვილად ნახავთ 10 მსახიობს მაინც, რომლებიც კამერის წინ თავისუფლად შიშვლდებიან.


ჯემი დორნანი
„გრეის ორმოცდაათი ელფერი“ (2015)



ვინმეს ეჭვი ხომ არ ეპარებოდა, რომ ეს ფილმი ამ ჩამონათვალში მოხვდებოდა? ალბათ, უცნაური იქნებოდა, ე.ლ. ჯეიმსის რომანის მიხედვით გადაღებული ეს კინოფილმი შიშველი სხეულების გარეშე დარჩენილიყო. ჯემი დორნანი უტანსაცმლოდ, სულ რაღაც, ორჯერ ჩნდება კადრში. მაგრამ ამ ძალიან ხანმოკლე გაელვების დროსაც კი ცნობისმოყვარე მზერას ადვილად შეუძლია დაინახოს ყველაფერი ის, რაც, ჩვეულებრივ, უცხო თვალისთვის დაფარულია.

საკნატუნო ამბები

26 იშვიათი ფოტო, რომლებიც ნაცნობ საგნებს უცნობი რაკურსით დაგანახვებთ

სამყარო - უმშვენიერესი და შეუცნობელი, სავსე სიურპრიზებით. ზოგჯერ ისეთი ნივთებიც კი გაგაოცებთ, რომელთა არსებობას ყოველდღიურ ცხოვრებაში ვერც კი ამჩნევთ...
საკნატუნო ამბები

საახალწლო საჩუქრის შერჩევაში ასტროლოგები გვეხმარებიან!

ასტროლოგები გვარწმუნებენ, რომ, თუკი საახალწლოდ საჩუქრის შერჩევისას ზოდიაქოს ნიშანს გავითვალისწინებთ, საქმე გაცილებით გაგვიმარტივდება. ერთად ვნახოთ... 
საკნატუნო ამბები

მგრძნობიარე, სენტიმენტალური და კინემატოგრაფიული სიშიშვლე (20 ფოტო)

ამ შავ-თეთრი ეროტიკული ფოტოების ავტორი ჩეხი ფოტოგრაფი ირჟი რუჟეკია, რომელიც საკუთარ თავს გაშიშვლებული ან ნახევრად შიშველი პორტრეტების ავტორს უწოდებს.
დღის ჰოროსკოპი

13 დეკემბრის ასტროლოგიური პროგნოზი

რას გვირჩევენ ვარსკვლავები 13 დეკემბისთვის ჯანმრთელობის, ბიზნესისა და სიყვარულის მიმართულებით?
კინო

ამ მარცხის დასაფარად ვარსკვლავები, ალბათ, რას არ გაიღებდნენ!

ცხოვრებაში არავინ არაფრისგან ვართ დაზღვეული, მაგრამ თუ უბრალო მოკვდავთა მარცხი ყველას მალევე გვავიწყდება, ვარსკვლავთა ფიასკოებზე მთელი მსოფლიო დიდხანს ჭორაობს...
დღის ჰოროსკოპი

12 დეკემბრის ასტროლოგიური პროგნოზი

  რას გვირჩევენ ვარსკვლავები 12 დეკემბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

NATIONAL GEOGRAPHIC-ის 2018 წლის საუკეთესო ფოტოები

ჟურნალმა NATIONAL GEOGRAPHIC-მა 2018 წლის გამარჯვებული ფოტოსურათები გამოავლინა.
ამბები

ისარგებლეთ ზუსტად 40%-იანი ქეშბექ შეთავაზებით ზამთრის საბურავებზე

თეგეტა მოტორსი ზამთრის საბურავებზე გაზრდილი მოთხოვნიდან გამომდინარე აგრძელებს აქციას, რომლის ფარგლებში ზამთრის საბურავის, შეძენისას გადახდილი თანხის ზუსტად 40% დაგიბრუნდებათ თეგეტა ქარდზე.  
საკნატუნო ამბები

ეს ფოტოები გიამბობთ, როგორია მარტოობა

ფოტოები, რომლებსაც მხოლოდ მიზანთროპები და ის ადამიანები გაუგებენ, ვისთვისაც მარტოობა ცხოვრების ფილოსოფიაა.
საკნატუნო ამბები

სექსი ენთუზიაზმით, ანუ როგორ მიიღოთ სასურველი საძინებელში

რა არის საჭირო იმისთვის, რომ ჩვენი სექსუალური სურვილების რეალიზება მოვახდინოთ. თუმცა, ისიც უნდა გვახსოვდეს, რომ ზომიერება აუცილებელია - სექსი პარტნიორისთვისაც არანაკლებ სასიამოვნო უნდა იყოს.
დღის ჰოროსკოპი

11 დეკემბრის ასტროლოგიური პროგნოზი

რას გვირჩევენ ვარსკვლავები 11 დეკემბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

5 ქალი, რომლებსაც სახელი და დიდება კაცებმა მოჰპარეს

საუკუნეების მანძილზე იბრძოდნენ ქალები უფლებებისთვის. არცთუ იშვიათად ცოლები ქმრებზე გაცილებით ჭკვიანები და ნიჭიერები იყვნენ, მაგრამ საზოგადოება უარს ამბობდა ამის აღიარებაზე და მათ დამსახურებებს კაცებს მიაწერდა.