კარკადეს მარმელადი
ინგრედიენტები:
კარკადეს ჩაი - 200 გრ.
აგარ-აგარი - 2 ჩ.კ.
მომზადების წესი:
1. ჩვეულებრივი წესით დააყენეთ 200 გრ. კარკადეს ჩაი (შაქრის გარეშე);
2. მეორე ჯამში გააზავეთ 2 ჩ/კ. აგარ-აგარი (ჟელატინის ბუნებრივი შემცვლელი);
3. ორივე მასა ერთმანეთში აურიეთ, დაბალ ცეცხლზე დაადგით და ურიეთ, სანამ აგარ-აგარი მთლიანად არ გადნება.
4. მასა ცეცხლიდან გადმოიღეთ, ლამაზ ფორმებში ჩაასხით, გააცივეთ და ფორმებიდან ფრთხილად ამოიღეთ.
ასეთი დესერტი თქვენს ფიგურას ოდნავაც არ დააზარალებს.
მსხლის მარმელადი
ინგრედიენტები:
მსხალი - 1 კგ.
ჟელატინი-30 გრ.
შაქრის შემცვლელი - გემოვნებით
წყალი.
მომზადების წესი:
1. მსხალი გაფცქვენით და შუაგული და კურკები ამოაცალეთ. დაადგით დაბალ ცეცხლზე, სანამ არ მოითუთქება.
2. ჟელატინს ცოტაოდენი წყალი დაასხით და 15 წუთი გააჩერეთ.
3. მოხარშული მსხლისგან გააკეთეთ პიურე, დაუმატეთ შაქრის შემცვლელი და ჟელატინი. ხარშეთ, სანამ ჟელატინი მთლიანად არ გაიხსნება.
4. ცხელი პიურე ფორმებში ჩაასხით, გააცივეთ და დაბალკალორიული, გემრიელი მარმელადი მზადაა.