სალათის მოსამზადებლად დაგჭირდებათ:
ლორი - 200 გრ
ქათმის ფილე - 200 გრ;
დამარინადებული სოკო - 200 გრ;
მწვანე ხახვი - 100 გრ;
კვერცხი - 2 ცალი;
სალათის ფურცლები - 3-4 ფოთოლი;
პომიდორი - 1 ცალი;
მაიონეზი - 300 გრ;
მარილი, პილპილი - გემოვნებით.
სალათის მომზადების წესი:
ქათმის ფილე მოხარშეთ მარილიან წყალში (ფილე, წყლის ადუღებიდან 20 წუთი ხარშეთ); ასევე, მოხარშეთ კვერცხი. დაასხით ცივი წყალი და ჩატოვეთ წყალში;
ლორი დაჭერით საშუალო ზომის ნაჭრებად, ხოლო ხახვი - მრგვალად. შემდეგ დაჭერით სოკო. ბოლოს, დაჭერით ქათმის ფილეც და კვერცხიც. დაჭრილი პროდუქტები მოათავსეთ ერთ დიდ თასში. დაამატეთ შავი პილპილი, მაიონეზი და საგულდაგულოდ გადაურიეთ. აუცილებლობის შემთხვევაში დაამატეთ მარილი. (ლორი მარილიანია და შესაძლოა, სალათი გადამლაშდეს).
სასალათეზე დააწყვეთ სალათის ფურცლები, გადაიტანეთ ზედ სალათა და გააფორმეთ დაჭრილი პომიდვრით. სულ ეს არის.
შენიშვნა:
მწვანე ხახვს შეგიძლიათ, ადუღებული წყალი დაასხათ და რამდენიმე წუთი გააჩეროთ, რათა ხახვმა მძაფრი გემო დაკარგოს;
მაიონეზი შეგიძლიათ არაჟნით ჩაანაცვლოთ, ოღონდ არაჟანს აუცილებლად დაამატეთ ლიმონის წვენი და მარილი.
გემრიელად მიირთვით!