მოსამზადებლად საჭიროა:
მოხარშული წითელი ლობიო - 300 გრ. ან 1 ქილა (კონსერვირებული);
ძროხის ხორცი - 200-250 გრ;
ბულგარული წიწაკა - 1 ცალი;
წითელი ხახვი - 1 ცალი;
წიწაკა - 1 ცალი;
ქინძი - 50 გრ;
ნიორი 2-3 კბილი;
ნიგოზი - 50 გრ;
ზეითუნის ზეთი - 20 გრ;
ძმარი - 1 ს/კ;
შავი პილპილი, მარილი და ხმელი სუნელები - გემოვნებით.
მომზადების წესი:
სანამ სალათის მომზადებას დაიწყებთ, ჯერ ხორცი მოხარშეთ.
სანამ ხორცი მოიხარშება, დაჭერით ხახვი წვრილ რგოლებად.
ბულგარულ წიწაკას მოაშორეთ თესლები და დაჭერით თხლად.
ნიორი შეგიძლიათ წვრილად დაჭრათ ან დაჭყლიტოთ.
მოხარშული ლობიო გადაწურეთ და გადაავლეთ წყალი. გადაიტანეთ ოდნავ მოზრდილ ჯამში.
დაამატეთ ხახვი, წვრილად დაჭრილი მოხარშული ძროხის ხორცი, წიწაკა, მარილი, დაჭრილი ქინძი და მოხალული გატარებული ნიგოზი.
დაამატეთ მარილი, შავი პილპილი და ხმელი სუნელები.
ცალკე ფიალაზე მოამზადეთ სალათზე მოსასხმელი სოუსი: 4-5 კოვზ ზეითუნის ზეთს დაამატეთ 1 ს/კ ძმარი. კარგად გადაურიეთ ზეთი და ძმარი ერთმანეთში და მოასხით სალათს.
სულ ეს არის.
შენიშვნა:
თუკი ხახვი ძალიან მწარეა, სასურველია, 2 წუთით ჩადოთ ცხელ წყალში, წინააღმდეგ შემთხვევაში ხახვის მწარე გემო სალათს გემოს გაუფუჭებს.
გემრიელად მიირთვით!