„ბიფსტროგანოვი“ ქართულად

2 ულუფისთვის:
ხბოს ხორცი - 400 გრ
ხახვი - 150 გრ
კარტოფილი - 200 გრ
არაჟანი - 200 გრ
კარაქი - 60 გრ
პურის ფქვილი - 60 გრ
ნიორი - 2-3 კბილი
ზეთი - 50 გრ
სუნელები: ყვითელი ყვავილი, დაფქული წითელი წიწაკა, უცხო სუნელი, მარილი - გემოვნებით.

მომზადების წესი:
ჩაღრმავებულ ტაფას ვდგამთ დაბალ ცეცხლზე და ვასხამთ ზეთს.
ხორცს ვჭრით წვრილ, გრძელ ნაჭრებად, ვყრით ტაფაში და ვურევთ.
ხახვს ვჭრით რაც შეიძლება წვრილად და როდესაც ხორცი შებრაწვისკენ წავა, ვაყრით ხახვს, კარგად ვურევთ და ერთი წუთის შემდეგ ვამატებთ კარაქს.
როდესაც შევატყობთ, რომ ხახვი დაიბრაწება, ვამატებთ სუნელებს და კარგად ვურევთ (სუნელების დამატების შემდეგ, ხორცი ოქროსფერი გახდება).
ორიოდ წუთის შემდეგ კერძს შესასქელებლად ვამატებთ ფქვილს, მალევე - არაჟანს და გატარებულ ნიორს. შემდეგ ვამატებთ იმდენ წყალს, რომ კერძი ოდნავ დაიფაროს, ორიოდ წუთში კი ვამატებთ მარილს გემოვნებით და კარგად ვურევთ.
მარილის დამატებიდან 5 წუთის შემდეგ კერძი მზადაა.

გარნირი - კარტოფილის „ფრი“
ცალკე ვდგამთ ჩაღრმავებულ ტაფას, ვასხამთ ბლომად ზეთს და როცა ზეთი კარგად შეცხელდება, მასში ვყრით წვრილად დაჭრილ კარტოფილს. 2 წუთში „ფრი“ მზადაა და მას ცალკე თეფშზე ვიღებთ.
დაბოლოს: დიდ თეფშზე გადმოგვაქვს „ბიფსტროგანოვი“, გვერდით ვულაგებთ „ფრის“ და ზემოდან ვასხამთ ცოტა არაჟანს.

შენიშვნა:
ხბოს ხორცის მაგვირად შეგიძლიათ,  სხვა ხორციც გამოიყენოთ.
„ბიფსტროგანოვის“ მომზადებას  25 წუთი დასჭირდება.
ამ კერძისთვის აღნიშნული რაოდენობის ინგრედიენტების შეძენა, დაახლოებით,  9.70 ლ დაგიჯდებათ.

გემრიელად მიირთვით!..