ენის სალათის რეცეპტს რესტორან „შატროს“ ევროპული სამზარეულოს მზარეული ალექსანდრე კოშკელოვი გვიზიარებს.
ენის სალათის მოსამზადებლად საჭიროა:
საქონლის ენა - 500 გრ;
ჰოლანდიური ყველი - 300 გრ;
კვერცხი - 4 ცალი;
კარტოფილი - 3 ცალი;
მაიონეზი - 200-300 გრ;
კამა - 1 კონა;
მწვანე ხახვი - ერთი პატარა კონა;
კამა - ერთი პატარა კონა;
მარილი, შავი პილპილი - გემოვნებით.
მომზადების წესი:
საქონლის ენა კარგად გარეცხეთ, მოხარშეთ და დაჭერით კუბიკებად.
გადაიტანეთ ჯამში და დაამატეთ, ასევე, კუბიკებად დაჭრილი მოხარშული კარტოფილი, მოხარშული კვერცხი და ყველი.
შემდეგ დააყარეთ რაც შეიძლება წვრილად დაჭრილი მწვანე ხახვი და კამა. მოაყარეთ მარილი და შავი პილპილი, მოასხით მაიონეზი, კარგად მოურიეთ და სასალათეზე გადაიტანეთ.
სულ ეს არის!
შენიშვნა:
ენის სალათის მომზადებისას მოხარშული კვერცხის გული არ გამოიყენოთ. სალათისთვის მხოლოდ კვერცხის ცილაა საჭირო.
როგორც ხედავთ, სალათი ყველით მზადდება, ამიტომ, ფრთხილად, კერძი არ გადაამლაშოთ.
ენის სალათის მოსამზადებლად სულ 30 წუთი დაგჭირდებათ.
გემრიელად მიირთვით!
ფოტოგრაფი: ნინუცა მანდარია