- წონაში ყველაზე კარგად „უგულავას დიეტით“ ვიკლებ და ამიტომ დეკემბერში დავიწყე კიდეც. ერთი თვის შემდეგ ჯანსაღ კვებაზე გადავედი და დაკლებულ წონას დღესაც ვინარჩუნებ. დღეს უკვე 9 კილოგრამით ნაკლები ვარ, თუმცა ეს საბოლოო შედეგი არ გახლავთ.
- დღეს რისგან შედგება თქვენი კვების რაციონი?
- წონის შენარჩუნებას ძირითადად ბოსტნეულისა და ხილის საშუალებით ვახერხებ. მოხარშულ წიწიბურას ზეთისა და მარილის გარეშე მივირთმევ. სალათის ფურცლებისგან, ზეითუნის ზეთისა და ყველისგან დამზადებულ სალათსაც ვჭამ. კვებიდან ამოვიღე ცომეული, რომელზეც უარს ვერასდროს ვამბობდი. ჩემი გადატვირთული გრაფიკის გამო სატრენაჟორო დარბაზში სისტემატურად სიარულს ვერ ვახერხებ, თუმცა პერიოდულად მაინც ვვარჯიშობ. წონის კლებაში ფეხით სიარულიც კარგად მეხმარება.