რა სიურპრიზი დაახვედრა სახლში თიკა მახალდიანს ბიზნესმენმა ქმარმა?

- კირა სიმშვიდით მე მგავს, გარეგნულად კი - მამამისს. 

- თემო როგორი მამაა?
- იდეალური მამაა! რაც კირა დაიბადა, მაქსიმალურად ცდილობს, სახლიდან არ გავიდეს და პატარას მოვლაში დამეხმაროს, რადგან დამოუკიდებლად ბავშვის მოვლა ჯერ მიჭირს. მამამისი კი აბანავებს და ტანსაცმელსაც უცვლის. 

- ბავშვს სახელი ვინ შეურჩია?
- ზოგმა არც იცის, რომ კირა წმინდანის სახელია და თანაც იშვიათი. მისი ხსენების დღე მარტში აღინიშნება. ეს სახელი ყოველთვის მომწონდა და თემოს რომ ვუთხარი, ისე მოეწონა, ორივემ ერთხმად გადავწყვიტეთ.

- დედის ამპლუა როგორ მოირგეთ?
- ამ შეკითხვაზე პასუხის გაცემა რთულია. ეს ის შეგრძნებაა, რომელსაც ვერ გადმოვცემ. გამუდმებით ბავშვთან ყოფნა მინდა. კირამ ყველაფერი დამავიწყა. 

- მამიკო როგორ შეხვდა ნანატრ გოგოს?
- სანამ სამშობიაროდან გამოგვწერეს, თემომ კირას ოთახი მოუწყო. ეტლის შეძენას რომ ვთხოვდი, სულ მეუბნებოდა, რომ ადრე იყო. თურმე იტალიაში უკვე შეძენილი ჰქონია და ოთახში ყვავილებთან და ბუშტებთან ერთად, ესეც დაგვახვედრა. მე კი პატარა საჩუქარი გამიკეთა - ოქროს ყელსაბამი ულამაზესი კულონით.