ანა მჭედლიძე: ოჯახური სცენების გადაღებები დაწყებულია და, როგორც ვიცი, 20 აპრილს ეთერშიც ვბრუნდებით. მაყურებელი ახალ სახეებსა და ისტორიებს უნდა ელოდოს.
- თქვენი და თენგოს ხაზი როგორ განვითარდება?
- ეს წინასწარ არ ვიცი, თუმცა ჯერჯერობით ჩვეულ რეჟიმში ვაგრძელებთ ცხოვრებას.
- უკვე მე-6 სეზონია, რაც სერიალში ხართ. ხომ არ მოგბეზრდათ?
- არა, რას ამბობთ! პირიქით, ჩემი პერსონაჟის თამაში ძალიან მიყვარს და გადაღებების პროცესიც მსიამოვნებს.
- სცენარისტი რომ იყოთ, თქვენს პერსონაჟში არაფერს შეცვლიდით?
- ამაზე არ მიფიქრია... თამუნამ თენგოს ცოლობა ძალიან კარგად შეირგო, თუმცა იდეებით ვერ დაიკვეხნის და ამიტომ სხვისგან ხელის შეშველება მაინც სჭირდება. ისე კი, როცა უნდა, სათქმელსაც გადასარევად ამბობს.
