ფინალის შემდეგ საბამ სოციალურ ქსელში სტატუსი გამოაქვეყნა:
„ძალიან დიდი მადლობა! ყველანაირ შეურაცხყოფას აგატანინებს ის სიყვარული და მხარდაჭერა, რაც თქვენგან მოდიოდა! დიდი მადლობა“, - წერს კემულარია სოციალურ ქსელში.
Funtime-თან კი ასეთი კომენტარი გააკეთა:
- მაქსიმალური შემართება მქონდა, რომ გულშემატკივრებისთვის მოლოდინი გამემართლებინა და ფინალში კარგად მემღერა. ვფიქრობ, შესრულდა კიდეც....
- მეორე ადგილზე გახვედით, თუმცა პრიზის გარეშე დარჩით...
- ეგ არაფერი! ჩემთვის პრიზი ხალხის სიყვარულია...
- თუმცა სტატუსში დაწერეთ, რომ ეს დამოკიდებულება შეურაცხმყოფელი იყო...
- კი, შეურაცხმყოფელი იყო, თუმცა ამაზე საუბარი არ მსურს.
- ხომ არ ნანობთ პროექტში მონაწილეობას?
- არა, პირიქით, მიხარია! „მხოლოდ ქართულმა“ დიდი გამოცდილება და ხალხის სიყვარული მომიტანა.
- პროექტის ხელმძღვანელობამ ამ ფაქტთან დაკავშირებით რაიმე განმარტება ხომ არ გააკეთა?
- არანაირი.
- სიმღერას რა ადგილი უჭირავს თქვენს ცხოვრებაში?
- სიმღერა და გალობა ჩემი ცხოვრების წესია. 3 წლიდან ვმღერი. ყველაფერი საბავშვო სტუდიებიდან დაიწყო და შემდეგ უკვე ანსამბლებში გაგრძელდა.