სალომე გოგიაშვილი: „არ მესმის, ქალს რატომ აცვია კაცის ზომა ტანსაცმელი“

- გრანდიოზული ჩვენებისთვის ვემზადებით, რომელიც მოდის კვირეულზე არ იქნება მიბმული. სამოსს ინდივიდუალურად წარმოვადგენთ.

- რა იქნება ჩვენებაზე წარმოდგენილი?
- ახალ ფეხსაცმელსაც წარმოდვადგენთ, რომელიც უკვე მზადდება, ტანსაცმელსაც და აქსესუარებსაც. ხატვის პროცესში ვართ. ქალური, სექსუალური და მოხდენილი სტილის სამოსზე ვმუშაობთ. როცა ქალს აქვს საშუალება, ფეხი ან წელი გამოაჩინოს და ხაზი გაუსვას სხეულის სილამაზეს, რატომ აცვია კაცის ზომა ტანსაცმელი, არ მესმის. ჩვენს კოლექციაში სხეულს გავუსვამთ ხაზს, თუმცა ეს არ იქნება ვულგარული და ვერც იმას იფიქრებენ, რომ „სალმანის“ სამოსი მხოლოდ მოდელებზეა გათვლილი. 

- ჩვენებაზე ვინ მოირგებს „სალმანის“ სამოსს?
- ძალიან მინდა „სალმანის“ სამოსი ჩვენმა მეგობრებმა, იმ ცნობილმა სახეებმა მოირგონ, რომელთა დანახვა ხალხს ძალიან უხარია. რამდენიმე მათგანი შეიძლება ცნობილი არ არის, მაგრამ იმდენად ლამაზები არიან, მინდა პოდიუმზე ვიხილო. გავიგე, რომ მოდელზე ყველა ტიპის სამოსი ლამაზია, მაგრამ საინტერესოა, ესა თუ ის ტანსაცმელი როგორია არაპროფესიონალზე.