ბრიჯეტ ბოდრო (Bridget Boudreaux), მეუღლესთან ერთად, საკრუიზო ლაინერით მოგზაურობდა, როცა მოულოდნელად წყალში მოთამაშე დელფინების გუნდი შენიშნა. მათგან ორი ვარდისფერი იყო. გაოცებისგან ქალი კინაღამ წყალში გადავარდა: ამგვარს ყოველდღე ვერ შეხვდები.
ლუიზიანაში ვარდისფერი დელფინი ადრეც უნახავთ - 2007 და 2015 წელს კაპიტანმა ერიკ რუმ (Captain Eric Rue) შეამჩნია აფალინას სახეობის დელფინი, მეტსახელად პინკი (Pinky).
ვარდისფერი დელფინი ძალიან იშვიათია. ამ შეფერილობის საიდუმლო დღემდე ბოლომდე ვერ ამოხსნეს. სავარაუდოდ, ეს ალბინიზმის ფორმა ან იშვიათი გენეტიკური მუტაციის შედეგია.
