20 მარტივი რჩევა, როგორ შეამციროთ ტკბილეულის ჭამა

1. დახარჯეთ დრო და დაწვრილებით შეისწავლეთ შაქრის მავნე გავლენა ორგანიზმსა და გარეგნობაზე. შესაბამისი ცოდნა უარის თქმას გაგიადვილებთ.
2. თუ ადრე ჩაიში ანდა ყავაში სამ კოვზ შაქარს ყრიდით, ახლა სცადეთ, ერთი კვირა ორი კოვზით გაძლოთ. 
3. წაიკითხეთ ეტიკეტები: 5 გრამი შაქარი 100 გრამ პროდუქტზე - ეს ბევრია. არ იყიდოთ.
4. აკრძალეთ ის საკვები, რომლის ინგრედიენტების პირველ სამეულში შაქარი შედის.
5. უარი განაცხადეთ პროდუქტებზე, რომლებიც „ოზათი“ ბოლოვდება: გლუკოზა, ფრუქტოზა, ლაქტოზა, დეკსტროზა. 

6. ოთხ საათზე მეტი არ გაატაროთ საკვებისა და წყლის გარეშე. მსუბუქ შიმშილსა და წყურვილზე პირველი რეაქცია რაიმე ტკბილის ჭამაა.
7. ნაკლები მლაშე მიირთვით. ზედმეტი მარილი არა მარტო წყურვილს იწვევს, არამედ ტკბილეულსაც მოგანდომებთ.
8. არ დააგროვოთ ემოციები. მოწყენილობისას ან სტრესისას შოკოლადი მოგინდებათ. ეს პრობლემას არ მოგიხსნით, ჯანმრთელობას კი ავნებს.
9. მეტი ბოსტნეული რაციონში! მაგალითად, პარკოსნები. ისინი სისხლში გლუკოზას აწონასწორებენ.


10. იყიდეთ ყველაზე „მოწყენილი“ პროდუქტები და თვითონ დაატკბეთ. ნატურალურ იოგურტში დაუმატეთ თაფლი. შვრიის ფაფას დაუმატეთ ხილი და კენკრა.
11. სახლში ტკბილი არ შეინახოთ.
12. სამუშაოზე მხოლოდ სასარგებლო პროდუქტი წაიღეთ.
13. შეზღუდეთ უბრალო ნახშირწყლები: პასტა, პური, თეთრი ბრინჯი, კარტოფილი.
14. აირჩიეთ კვირის ორი დღე, როცა შეგეძლებათ ტკბილეულის მიღება. ეს სხვა დღეებში გაძლების მეტ სტიმულს მოგცემთ.



15. გაზიანი სასმელის პატარა ქილა =10 ნატეხ შაქარს! წყურვილის მოსაკლავად გაცილებით უმჯობესია მინერალური წყალი, შიგ ჩაგდებული ფორთოხლის ნაჭრით ანდა ორი-სამი კენკრით.
16. მზად ხართ რადიკალური მოქმედებისთვის? უშაქროდ გაძლება ყველაზე ძნელი პირველი 72 საათია. შემდეგ შაქარი პრაქტიკულად აღარ მოგინდებათ.




17. მოძებნეთ სიამოვნების მიღების სხვა ხერხი: საინტერესო სამუშაო, საყვარელი მუსიკა ანდა სექსი.
18. კევის ღეჭვა კრუასანისა და ეკლერისგან „დაგიცავთ“.
19. არასდროს წახვიდეთ სუპერმარკეტში მშიერი! ამ დროს დიდი ალბათობით „მოგეწებებათ“ წვრილმანი ტკბილეული. ეს განსაკუთრებით სალაროს რიგში დგომისას ხდება. სწორედ ამიტომ სუპერმარკეტებში ამგვარი „წვრილმანი“ ტკბილეული სალაროსთანაა თავმოყრილი.
20. დაიძინეთ 7-9 საათი. მხნესა და ენერგიულს დამატებითი ენერგიის წყარო არ ესაჭიროება.