- დაწყნარდით, ნუ ღელავთ. ახლა დაზარალებულს მოვუსმენთ. გთხოვთ, შეგიძლიათ ილაპარაკოთ?
- მე და ეს ბატონი ერთ კუპეში ვმგზავრობდით. ჯერ კიდევ ჩასხდომისას ყურადღება მივაქციე, რომ თითქმის ყველა თარო დაკავებული იყო. ადგილი მხოლოდ ამ ბატონის ზემოთ იყო, სადაც ჩემი ჩემოდანი შემოვდგი კიდეც. გზაში მუსაიფი გავაბით. მე მოვუყევი, რომ შვილთან მივდიოდი სტუმრად და საჩუქრად ძვირფასი მარკების კოლექცია მიმქონდა, რომელსაც დიდხანს ვაგროვებდი. შემდეგ ჩამეძინა და მაშინ გავიღვიძე, როცა მატარებელი ჩემს სადგურს უახლოვდებოდა. ჩავიცვი და გამოსვლა დავაპირე. უცბად შევამჩნიე, რომ ჩემი ჩემოდანი გადაადგილებული იყო. მე ის გავხსენი და ბამბის რბილი სათამაშოებით აღმოჩნდა სავსე. ბედნიერი ვარ, რომ თქვენ შეძელით ამ არამზადის დაკავება.
- როგორ ბედავთ ქურდობაში ჩემს დადანაშაულებას! შეხედეთ დაკვირვებით. ჩვენი ჩემოდნები ორი წვეთი წყალივით ჰგავს ერთმანეთს. მე ისინი, უბრალოდ, ერთმანეთში ამერია.
- ამის მიუხედავად თქვენი დაპატიმრება მომიწევს, - განაცხადა ინსპექტორმა ვარნიკემ.
რის საფუძველზე დაასკვნა ვარნიკემ, რომ გაუგებრობას ადგილი არ ჰქონია?