Apple iPhone 6s-ის დებიუტი 2015 წელს შედგა. კომპეტენტური სპეციალისტების აზრით, მისი ნაწილების ფასი 234 დოლარია. აქედან პროცესორი, ფიჭური კავშირის მოდული, გადამწოდების ნაკრები და სხვა ნახევარგამტარი დეტალები 127 დოლარი ღირს. სენსორული ეკრანი, კამერა და აკუმულატორი კიდევ 73 დოლარი. კორპუსი და სხვა ელემენტები კი - 34 დოლარი.
ამერიკელმა ამის შემოწმება გადაწყვიტა და ჩინეთის ქალაქ შენჩჟენში Huaqiangbei-ს ელექტრონიკის ბაზრობას მიაკითხა. ყველა დეტალის მოგროვებას რამდენიმე კვირა დასჭირდა. ამასთანავე, მან ათას დოლარამდე ნაწილებში დახარჯა. თუმცა თავადვე აღნიშნავს, რომ ბევრი დეტალი ტყუილად იყიდა და არ გამოუყენებია. სმარტფონის აწყობაზე დახარჯული დეტალების რეალური ფასი 300 დოლარს არ აღემატებოდა.
ასეა თუ ისე, ჩინურ ბაზრობაზე ნაყიდი დეტალებით მან სავსებით ფუნქციური, 16-გიგაბაიტიანი მეხსიერების მქონე iPhone 6s ააწყო.