1. ცვრიანი ხორცი, ანუ, უბრალოდ, ტუტე დაამატე
თუკი მარინადისთვის დრო არ გვაქვს, მაშინ მაღალი pH-ის მქონე სუსტი მჟავების მარილები გამოგვადგება. ყველაზე ახლოს ხელთან ნატრიუმის ჰიდროკარბონატი, ანუ საჭმელი სოდაა.
საქონლის დაკვლიდან 2-4 საათის შემდეგ ჟანგბადით გაჯერებული სისხლის ცირკულაციის შეწყვეტის გამო რთული პროცესები იწყება, რომელსაც ერთობლიობაში ავტოლიზს უწოდებენ. ამ დროს უჯრედების ფერმენტები მუშაობას აგრძელებს და ცხოველის სიცოცხლეში დაგროვილ ადენოზინტრიფოსფორმჟავას ხარჯავს, რომელიც ცოცხალ ორგანიზმში ენერგიის ძირითადი წყაროა. უჯრედებში დაშლის პროდუქტები - ძირითადად რძემჟავა გროვდება, რომელიც ხორცის მჟავიანობას ზრდის. როცა ენერგიის წყარო იწრიტება, უჯრედები მოდუნების უნარს კარგავს - მათ ამისთვის ენერგია აღარ აქვთ. ამიტომ ხორცი მომჟავო და მაგარი ხდება და რაც მთავარია, წყალს ვეღარ ინარჩუნებს. ეს კი ძალიან ცუდია, ვინაიდან ამგვარი ხორცისგან დამზადებული კერძი შედარებით მშრალი გამოდის.
ეს რომ თავიდან ავიცილოთ, მაღალი pH რიცხვის მქონე ნივთიერებები უნდა გამოვიყენოთ. მოვაყაროთ ხორცს საჭმელი სოდა და 15 წუთით გავაჩეროთ. ამ დროს ხორცის მჟავიანობა ნორმას უბრუნდება და მას კვლავ შეუძლია წყლის შეკავება. გადარეცხეთ სოდა და მოამზადეთ ცვრიანი სტეიკი ანდა მწვადი.
2. ბრინჯის იგივე მოცულობისას - კალორიების ნახევარი
ბრინჯი მსუყე და სასარგებლო ბურღულეულია (337 კილოკალორია 100 გრამ მშრალ ბრინჯზე). მაგრამ დღეისთვის ჩვენ ისედაც ბევრ კალორიებს ვიღებთ, მათი დაწვა კი გვიჭირს. შედეგად ზედმეტ კილოგრამებს ვაგროვებთ.
ჩვენი ორგანიზმი ყველაზე სწრაფად მარტივ ნახშირწყლებს ითვისებს - მათ მოკლე მოლეკულები აქვთ. მარტივი ნახშირწყლები (შაქრები) რთულისგან საკვების გადამამუშავებელ ტრაქტში იწარმოება - ჯერ ნერწყვის ფერმენტები შლის, ხოლო შემდეგ უკვე - კუჭის წვენის. ამის მიუხედავად ზოგიერთი ნახშირწყლის მოლეკულები იმდენად გრძელია, რომ ფერმენტები მათ დაშლას ვერ ასწრებს და მათ, შესაბამისად, ორგანიზმი ვერ ითვისებს. ისინი არც ცხიმების სახით გროვდება - უბრალოდ, ორგანიზმიდან გამოდის. ბრინჯის ნახშირწყლების ნაწილის გიგანტებად გარდაქმნის ერთი მარტივი ხერხი არსებობს, მაგრამ ამისთვის ბრინჯი წინასწარ უნდა გაამზადოთ.
სანამ ბრინჯს მდუღარე წყალში მოსახარშად ჩაყრით, მას ცოტა ქოქოსის ზეთი დაუმატეთ (ალბათ, სხვაც შეიძლება, მაგრამ დარწმუნებული არ ვართ). ყოველ 100 გრამ ბრინჯზე 3 გრამი (25 კილოკალორია) ზეთი დაგჭირდებათ. ამის შემდეგ მოხარშულ ბრინჯს 12 საათით მაცივარში ინახავთ.
ცხიმოვანი მჟავები ნახშირწყლებთან რეაქციაში შედის, გაციებისას კი ამ რეაქციის პროდუქტების პოლიმერიზაცია ხდება. შედეგად ძალიან გრძელ და რთულ მოლეკულურ ჯაჭვს ვიღებთ, რომელთა გადამუშავებას ჩვენი ორგანიზმი ვერ ასწრებს და უჯრედებისთვის ენერგიის წყაროს აღარ წარმოადგენს. შედეგად ვიღებთ იგივე ბრინჯს და ნაკლებ კალორიას.
3. ახალი ხილი
როგორც ცნობილია დაჭრილი ხილი შენახვისას შრება და შავდება. გაშავება ფერმენტ პოლიფენოლქსიდაზის მუშაობის შედეგია (მასვე უნდა ვუმადლოდეთ ხალებს, რუჯს, თმისა და თვალების მუქ ფერს). ამ ფერმენტის მოქმედების შეჩერება ვიტამინ C-ს შეუძლია. ამიტომ ვიღებთ ლიმონს, მის წვენს ვასხურებთ ხილს და პარკში ვინახავთ (შეიძლება, ასევე, ლიმონჩაწურულ წყალში გავავლოთ). ასეთ შემთხვევაში მათ ჟანგბადი ვეღარაფერს აკლებს და ხილიც აღარ შავდება. გემრიელად მიირთვით!