რობოტ-მკერავ LOWRY-ს მსუბუქ მრეწველობაში ნამდვილი რევოლუციის მოხდენა შეუძლია. ამ კონვეიერს მუშაობის პროცესის არცერთ მონაკვეთში არ სჭირდება ადამიანის ჩარევა.
კომპანია SoftWear 2015 წელს შეიქმნა, ტანსაცმლის დიზაინისა და წარმოების რევოლუციონერების ამბიციით.
კომპანიის განცხადებით, ერთ რობოტს რვა საათში 1142 მაისურის შეკერვა შეუძლია. ასეთივე პერიოდში ამდენივე მაისურის შეკერვას 669 ადამიანი სჭირდება.
კომპანიის მთავარი ქმნილება, რობოტი LOWRY მხედველობის მაღალსიჩქარიან სისტემას იყენებს, რათა შეამჩნიოს და გვერდი აუაროს ქსოვილის ნაკეცებს.
მხედველობის სისტემა ქსოვილის ყოველ ნაჭერს წამში ათასი გამოსახულების სისწრაფით ათვალიერებს.
კომპანიამ ახლახან ხელშეკრულება გააფორმა ტანსაცმლის მწარმოებელ ჩინურ კომპანია Tianyuan Garments-თან, რომელიც Adidas-ის ერთ-ერთი მთავარი ქვემოიჯარეა. რობოტების მეშვეობით კომპანია დღეში 800 000 ერთეულ ტანსაცმელს შეკერავს.
ჯერჯერობით SofWear თავის რობოტს მხოლოდ აშშ-ის ტერიტორიაზე ყიდის და ეს მსუბუქ მრეწველობაში გადატრიალებას აფერხებს. ამის მიუხედავად, შრომის საერთაშორისო ორგანიზაციამ უკვე გამოთვალა, რომ მსგავსი მკერავი-რობოტები კამბოჯასა და ვიეტნამში ამ სფეროში დასაქმებულთა 90%-ს გამოათავისუფლებს.
ყველაფერთან ერთად, მსგავსი ავტომატიზაცია საგრძნობლად შეამცირებს ტანსაცმლის წარმოების ხარჯებს. ერთი ჩვეულებრივი მაისურის შეკერვა, სულ რაღაც, 33 ცენტი დაჯდება.