მუმია სხეულზე (ვიდეო)

საკნატუნო ამბები

13 ნოემბერი 19:00
69

კანადელმა ილუსტრატორმა და ბიომედიცინის სპეციალისტმა დეივ მაზიერსკიმ საკუთარ სხეულზე ციმბირში აღმოჩენილი, 2500 წლის წინანდელი სკვითი მეომრის ტატუს ასლი გადაიღო.

მეცნიერის აზრით, ურიგო არ იქნებოდა ტატუს დატანების თანამედროვე ტექნოლოგიების გამოყენებით ნახატი გადმოეტანა. სიძველესთან ამგვარ კონტაქტში მართლაც არის რაღაც საკრალური აზრი.


დეივმა ნახატს ანთროპოლოგ სერგეი რუდენკოს წიგნში მიაკვლია და შექმნა ესკიზი, რომელიც მუმიაზე არსებულ ნახატს ზუსტად იმეორებს.


დეივს ტატუ თავისმა სამეცნიერო ხელმძღვანელმა სტივ გილბერტმა გაუკეთა, რომელიც მის წინადადებას ენთუზიაზმით შეხვდა.

"თავიდან არ მსურდა, გაყინული სკვითი გავმხდარიყავი. უბრალოდ ვიფიქრე, რომ ეს ნახატები უნიკალური და ლამაზი იყო. მაგრამ ახლა, როცა მისი ყველა ტატუ დავიხატე, რომელიც ჩვენთვის იყო ცნობილი (ჯერ კიდევ აქვთ იმედი, რომ ერმიტაჟის მივიწყებულ საცავებში მარცხენა ხელის ნახატს მიაგნებენ...), გარკვეულწილად იმ ადამიანად გარდავისახე", - ყვება მაზიერსკი.


მსგავსი ორნამენტები ხშირად გვხვდება ტატუს მოყვარულებს შორის. მათ ისინი კელტური ან აზიური ჰგონიათ, არადა ჩვენ ხომ უკვე ვიცით მათი წარმომავლობის ისტორია!

წყარო: blog.britishmuseum.org