2014 წელს მიჩიგანის შტატის ქალაქ ფლინტში სკანდალი გაჩაღდა: როგორც აღმოჩნდა, წყალმომარაგების ახალ წყაროზე გადასვლამ მილების კოროზია გამოიწვია, რის გამოც წყალში ტყვიის შემცველობამ მოიმატა. ონკანის წყალში ტყვიის შემცველობა ნორმაზე მეტი აღმოჩნდა. ვითარება გამოსწორდა, მაგრამ ქალაქის მცხოვრებთა უმრავლესობა მაინც ბუტილირებულ წყალს ამჯობინებდა.
ჩრდილო კაროლინის უნივერსიტეტის მკვლევარებმა 15 ათასამდე ბავშვის ჯანმრთელობის შესახებ მონაცემები მოაგროვეს (2005-2014 წლების პერიოდი). ამ მონაცემებში შევიდა პუნქტი წყლის შესახებ. მეცნიერებმა ეს შედეგები 2011-2014 წლების ბავშვთა სტომატოლოგიური გამოკვლევის მონაცემებს შეადარეს. როგორც გაირკვა, წყალსადენის წყლის მსმელი ბავშვების (ასეთები კი 80%-მდე აღმოჩნდა) სისხლში ტყვიის შემცველობა მეტი იყო. სამაგიეროდ იმ ბავშვებში, რომლებიც ბუტილირებულ წყალს სვამდნენ, უფრო ხშირად ჰქონდა ადგილი კარიესის შემთხვევებს.
კვლევის ავტორების აზრით, შესაძლოა, ეს იმასთან იყოს დაკავშირებული, რომ ბოთლში ჩამოსხმულ წყალს ფტორს უმატებენ, რომელიც კბილის ემალს ნელ-ნელა შლის.
