ვარსკვლავური დიეტოლოგი დარწმუნებულია, რომ მის მიერ შედგენილი რაციონი აბსოლუტურად ყველას შეეფერება - ვარსკვლავებს, მოდელებს და ჩვენ, უბრალო მოკვდავებსაც. სხვათა შორის, ფილიპს დიეტის შექმნაში საკუთარი გამოცდილება დაეხმარა: ის თითქმის 100 კილოგრამს იწონიდა და წონაში კლება საკუთარი მეთოდით შეძლო. მზად ხართ „ვარსკვლავური“ გამოცდილების მისაღებად?
უარი თქვით რძეზე
ამ მარტივი რჩევის დახმარებით, კარდაშიანმა თვეში 5 კილოგრამი დაიკლო. როგორ? ექიმმა ფილიპ გოგლიამ ვარსკვლავის მენიუდან ამოიღო რძე. ექიმის აზრით, რძე იწვევს მუცლის შებერილობას და ნეგატიურად მოქმედებს საჭმლის მომნელებელ სისტემაზე. ვერ სვამთ ყავას რძის გარეშე? დაუმატეთ მას ცოტაოდენი ნაღები - გვირჩევს ფილიპი.
უარი თქვით პურზე
პური და ცომეული სამუდამოდ დაივიწყეთ. ნებისმიერი ცომეული, რომელიც დროჟით, შაქრითა და გლუტეინით მზადდება, დიეტის დროს სასტიკად იკრძალება. ბრინჯი და შვრია შეგიძლიათ მიირთვათ, თუმცა შეზღუდული რაოდენობით.
შეიყვარეთ ცილა
მიირთვით დიდი რაოდენობით ცილოვანი პროდუქტი. განსაკუთრებით - საღამოს. ფილიპი დარწმუნებულია, რომ საღამო სწორედ ის დროა, როდესაც თქვენს სხეულს შეუძლია, დაისვენოს და მიღებული ცილები კუნთოვანი ქსოვილის აღსადგენად გამოიყენოს.
მიირთვით თხილი, როცა წახემსება გსურთ
დაივიწყეთ სუსნაობა. თუკი სასუსნავის გარეშე გაძლება გიჭირთ, მიირთვით თხილი, ნუში და ცოტაოდენი ხილი, ენერგიის აღსადგენად.
უცხიმო პროდუქტი მავნებელია
ნუ დაუჯერებთ უცხიმო პროდუქტებს. დიეტური ხაჭოები და პროდუქტები უამრავ საღებავსა და შემცვლელს შეიცავს, რომლებიც დიეტის საწინააღმდეგოდ მუშაობს.
მეტი სუფთა წყალი
მიიღეთ ბევრი წყალი. აქ არ იგულისხმება ჩაი ან ყავა. საუბარია მხოლოდ წყალზე. კარდაშიანის დიეტოლოგი ამტკიცებს, რომ ჩვენი სხეულის ყოველ 1 კილოგრამს სჭირდება 50 მლ წყალი. შემდეგ, წყალი არეგულირებს სხეულის ტემპერატურას. რაც უფრო მეტი წყალია ორგანიზმში, მით უფრო მეტ ენერგიას ხარჯავს ორგანიზმი და მით უფრო მეტი ცხიმი იწვება.
უარი თქვით გაზიან, სპორტულ სასმელებსა და შოკოლადებზე
დიეტოლოგის თქმით, ამ ყველაფრით თავს იტყუებთ, რადგან ამგვარი პროდუქტები შეიცავს შაქარსა და ცილებს, რაც წონაში კლებას აფერხებს.
მარტივი საკვები ყველაზე ჯანსაღია
ვარსკვლავური დიეტოლოგის ოქროს წესი - იკვებე მარტივად. მიირთვით ხორცი, თევზი და ბოსტნეული. სწორედ ამ პროდუქტებს ინელებს ორგანიზმი ყველაზე მარტივად.