ფული
მატერიალური მდგომარეობა ყველა მამაკაცის თავის ტკივილია. ბევრი მამაკაცი ქალთან ურთიერთობას არ იწყებს, სანამ საკმარის თანხას არ გამოიმუშავებს. უფრო მნიშვნელოვნად რომ გამოიყურებოდნენ, მამაკაცები ხშირად თავიანთი კეთილდღეობით ტრაბახობენ - მაშინაც კი, როცა ყურებამდე ვალებში არიან ჩაფლულები.
სხეულის ფორმა
მამაკაცები თავიანთი სხეულით დაინტერესებას ისე არ გამოხატავენ, როგორც ქალები, მაგრამ სინამდვილეში მათ ძალიან სურთ, ათლეტურად გამოიყურებოდნენ, ხოლო ღიპის გაჩენა მათში ძალიან დიდ კომპლექსებს იწვევს - მათ ხომ იციან, ქალებს როგორი კაცები მოსწონთ.
სიმაღლე
კაცებს კომპლექსები სიმაღლის გამოც აქვთ და ზოგიერთი მათგანი ამ კომპლექსის დაძლევას დიდი თანამდებობების მიღწევით ახერხებს.
კონკურენცია
კაცები განიცდიან, როცა ქალი სხვას აქცევს ყურადღებას. მით უფრო, თუ ის სხვა უფრო მდიდარი და ლამაზია. ეს დიდ დარტყმას აყენებს კაცის თავმოყვარეობას.
ქალებთან ურთიერთობის გამოცდილება
ბევრი კაცი ამაყობს ქალებთან ურთიერთობებში საკუთარ მიღწევებზე, მაგრამ სინამდვილეში ისინი პარტნიორების რაოდენობას აბუქებენ. მაჩოს იმიჯი ბევრ მამაკაცს მოსწონს. ამით, თითქოს, ქალებს საკუთარ თავს სთავაზობენ: იჩქარეთ, თორემ სხვა ქალი დამითრევს.
თმები
ნაკლებად შეახსენეთ მამაკაცს, რომ ძალიან თმიანი ან, პირიქით, მელოტია - ისინი ამას ძლიერ განიცდიან?
კვება
კაცი ხმამაღლა არასდროს განაცხადებს, რომ დიეტაზეა, რადგან ფიქრობს, რომ ამის გამო დასცინებენ.
საყვარელ ქალთან ურთიერთობა
კიდევ ერთი სტერეოტიპი: თითქოს მამაკაცი უგრძნობი, ბრუტალური ცხოველია, რომელსაც მხოლოდ სექსი აინტერესებს. მაგრამ მათაც სურთ შინაგანი სითბო, მარტივი ურთიერთობა და ნაზი სიტყვები. ისინი, უბრალოდ, ამის შესახებ ბევრს არ ლაპარაკობენ.
საყვარელი ქალის ყოფილი პარტნიორები
თუკი შეყვარებულ წყვილში ქალს უფრო მეტი პარტნიორი ჰყავდა, ვიდრე კაცს, მაშინ კაცს კომპლექსი უჩნდება. ის თავის წარმოსახვაში მუდამ შეჯიბრის რეჟიმშია. ამას გარდა, მას ქალთან შედარებით გამოუცდელობის გრძნობაც გაუჩნდება.
ემოციის გამოხატვა
"კაცები არ ტირიან" - ამას ბავშვობიდან ასწავლიან, ამიტომაც ზრდასრულ ასაკში მამაკაცები გრძნობებისა და ემოციის გამოხატვას გაურბიან. არადა მათაც აქვთ ემოციები. ამიტომ ნუ ასწავლეთ კაცებს, როგორ უნდა მოიქცნენ ამა თუ იმ ვითარებაში.