სახის კანის სწორად მოვლა ზოდიაქოს ნიშნების მიხედვით

საკნატუნო ამბები

13 ნოემბერი 09:00, 2018 წელი

იცოდით, რომ ზოდიაქოს ნიშნის მიხედვით შეგიძლიათ, განსაზღვროთ, თქვენს სახის კანს როგორი მოვლა სჭირდება და რომელი პროდუქტები უხდება ყველაზე მეტად? 

ვერძი

ეს ზოდიაქოს ძლიერი და ცეცხლოვანი ნიშანია. ვერძები ბუნებით ვნებიანები და აქტიურები არიან. ასეთი პირადი თვისებები, ბუნებრივია, მათი სახის კანზეც აისახება - ის უფრო მიდრეკილია სიწითლეების, აკნესა და ანთებისკენ. სწორედ ამიტომ, ვერძებო, თქვენთვის ძალიან მნიშვნელოვანია, მუდმივად გქონდეთ სახლში დამამშვიდებელი ტონიკები. ვარდის წყალი, ალოეს ფოთლების წვენი, გვირილის ნახარში, კიტრისა და ლავანდის ექსტრაქტი - ყველა ეს მცენარეული საშუალება თქვენს კანს სირბილესა და აბრეშუმის ეფექტს შემატებს.

კურო

კეთილი, თავდაჯერებული და ზოგჯერ ძალიან ჯიუტი - ასე ახასიათებენ ასტროლოგები კუროებს. ზოდიაქოს ამ ნიშნის მქონე ადამიანები რთულად ეგუებიან ცვლილებებს, ამიტომ, როგორც წესი, თვეებისა და წლების განმავლობაში ერთი და იმავე სახის კრემებითა და კოსმეტიკური საშუალებებით სარგებლობენ. კუროებო, თუკი სახის მოვლის დღევანდელი მეთოდი შედეგს არ მოგიტანთ, ნუ შეგაშინებთ, მიმართოთ ექსპერიმენტებს. სახის დამუშავებისთვის თქვენთვის იდეალურია ტკბილი ნუშის, ქოქოსისა და სეზამის ზეთი. შედეგად თქვენი კანი რბილი, ჰაეროვანი და ვარდისფერი გახდება.

ტყუპები

ტყუპები რთული არსებები არიან და სტატისტიკა ამტკიცებს, რომ ზოდიაქოს ამ ნიშნით დაბადებული ადამიანები სხვებზე ხშირად ივიწყებენ, რომ სახის კანი და, ზოგადად, სხეული რეგულარულ მოვლას საჭიროებს. სწორედ ამიტომ უნდა ისწავლოთ სახის კანის მოვლა იმ საშუალებებით, რომლებიც თქვენთვის აუცილებელია. ტყუპებისთვის შესაფერისია ისეთი კოსმეტიკური საშუალებები, რომელთა შემადგენლობაში შედის ვარდის წყალი, ნუშის ზეთი, ალოეს ექსტრაქტი და ჟოჟობას ზეთი. ამ ნივთიერებებს აქვთ დამამშვიდებელი ეფექტი და მკვებავი თვისებები, სწორედ მათი დახმარებით სახის კანს ტონუსს მაქსიმალურად სწრაფად დაუბრუნებთ. 

კირჩხიბი

კირჩხიბებს ასტროლოგები ყველაზე არაპროგნოზირებად ზოდიაქოს ნიშნად მიიჩნევენ. არიან მზრუნველები, აპათიურები, თუმცა, მეორე წუთს, შესაძლოა, მკაცრები და აუტანლები გახდნენ. დარწმუნებით ვერასდროს იტყვით, როგორ ხასიათზეა კირჩხიბი. ზოდიაქოს ამ ნიშნის წარმომადგენლებს სახის კანიც ისეთივე ტემპერამენტიანი აქვთ, როგორებიც თვითონ არიან. სწორედ ამიტომ მათთვის უბრალოდ აუცილებელია კოსმეტიკა, რომელიც კანის ქსოვილებს ამშვიდებს, უზრუნველყოფს მის კვებასა და დატენიანებას. კირჩხიბებო, მოიმარაგეთ ჟოჟობას, სეზამისა და მაკადამიის ზეთი, რომლებიც თქვენი სახის კანს ტენიანობის ბალანსს შეუნარჩუნებს და დაამშვიდებს. კირჩხიბების კანი ხშირად დეჰიდრატაციას განიცდის, ამიტომ ისარგებლეთ ნემსიწვერას ზეთით. რეგულარულად მიიღეთ ზემოჩამოთვლილი საშუალებები და დაუბრუნეთ თქვენს კანს ახალგაზრდობა, დაემშვიდობეთ შეშუპებას და შეინარჩუნეთ კანის სიმკვრივე.

 

ლომი

ზოდიაქოს ამ ძლიერი ნიშნისთვის მნიშვნელოვანია საკუთარი გარეგნობა, თუმცა, ხშირ შემთხვევაში, ლომებს საკუთარი თავის მოვლა ფანატიზმში გადასდით და ნარცისიზმისკენ არიან მიდრეკილები. მუდმივად ითვალისწინებენ მოდის ტენდენციებს და არ გამოეპარებათ კოსმეტიკურ ბაზარზე უახლესი საშუალებების გამოჩენა. ლომებო, გახსოვდეთ, რომ თქვენი კანისთვის სულ ერთია, რამდენად ცნობილი ბრენდის კოსმეტიკური საშუალებით ისარგებლებთ. ამიტომ მათი შერჩევის დროს ნუ მიაქცევთ ყურადღებას მასობრივ რეკომენდაციებს. აირჩიეთ ის კოსმეტიკური საშუალება, რომლის შემადგენლობაში შედის ვარდის წყალი, ჟოჟობა და ქაცვის ზეთი.

ქალწული

ქალწულები პრაქტიკულობით გამოირჩევიან და მუდმივად ისწრაფვიან სრულყოფილებისკენ. მათი პერფექციონიზმი ხშირად სტრესის მიზეზია, რომელიც მათი სახის კანზე აისახება. მიეცით საკუთარ თავს შიგადაშიგ მოდუნების უფლება და იზრუნეთ სახის კანის ხარისხიან მოვლაზე. აირჩიეთ ის კოსმეტიკური საშუალებები, რომელთა შემადგენლობაში შედის გვირილის, ვარდის, ლავანდისა და ფორთოხლის ექსტრაქტი.

სასწორი

სასწორები მუდმივად ისწრაფვიან სრულყოფილებისკენ აბსოლუტურად ყველაფერში და იდეალის ძიებაში ხშირად გადაწყვეტილების მიღება უჭირთ. სხვათა შორის, ეს ეხება კოსმეტიკურ პროცედურებსაც. გახსოვდეთ, კარგი შედეგი მხოლოდ რეგულარული მოვლისა და კოსმეტიკური საშუალებების სწორი შერჩევის დროს მიიღება. თქვენი კანისთვის იდეალურია მაკადამიის ზეთი, ასევე, მსხლისა და ბროწეულის ექსტრაქტი. ამგვარი „წამალი“ თქვენი კანის დაბალანსებულ კვებასა და დატენიანებას უზრუნველყოფს.

 

მორიელი

ხშირად, მორიელები ვნებიანები და ენერგიულები არიან, თუმცა, ზოგჯერ აპათიურობითა და დეპრესიულობითაც გამოირჩევიან. რა თქმა უნდა, ამგვარი ცვალებადი ხასიათი მათი ცხოვრების ყველა ასპექტზე აისახება და ცხოვრების გარკვეულ მომენტებში მორიელები უარს ამბობენ სახისა და სხეულის მოვლაზე, თუმცა, ტყუილად. მორიელებო, თქვენს კოსმეტიკურ ნაკრებში მუდმივად უნდა იყოს ისეთი საშუალებები, რომელთა შემადგენლობაში შედის ლავანდისა და სანდლის ხის ზეთები. ეს ნივთიერებები არა მხოლოდ სახის კანის მოვლას უზრუნველყოფს, არამედ, შინაგანი სიმშვიდისა და ემოციური ჰარმონიის მოპოვებაში დაგეხმარებათ.

 

მშვილდოსანი

ზოდიაქოს ამ ნიშნის წარმომადგენლები ბუნებით ძლიერები არიან და ნებისმიერ სიტუაციასთან გამკლავება შეუძლიათ, თუმცა, მათ ერთი ნაკლი აქვთ - ზოგჯერ ზედმეტად მოუთმენლები არიან. მშვილდოსნებს შედეგის ნახვა მოქმედებამდე სურთ, აქ და ახლა. თუკი წამიერი ეფექტი არ არის, იმედგაცრუებულები ხდებიან და ქმედებებზე უარს ამბობენ. ეს ეხება სხეულის მოვლასაც. მშვილდოსნებო, გახსოვდეთ, რომ შედეგი მხოლოდ კოსმეტიკის რეგულარულად გამოყენების შემთხვევაში მიიღება. ნუ დაელოდებით გლობალურ ცვლილებებს ახალი საცხის ორ-სამჯერ გამოყენების შემდეგ. ისწავლეთ მოთმინება. სხვათა შორის, თქვენი კანისთვის იდეალურია ისეთი კომპონენტები, როგორებიცაა არგანის, ქოქოსის, ყურძნისა და ზეითუნის ზეთი. 

თხის რქა

ზოდიაქოს საკმაოდ წარმატებული ნიშანი - ასე ახასიათებენ თხის რქებს ასტროლოგები. ისინი მუდმივად მოძრაობასა და მოქმედებაში არიან. როგორც კი კონკრეტულ მიზანს მიაღწევენ, დაუყოვნებლივ გადადიან შემდეგ მიზანზე. სწორედ ამიტომ თხის რქებისთვის რთულია, გამონახონ დრო საკუთარი თავის მოსავლელად. გახსოვდეთ, რომ ჯანსაღი სხეული და ლამაზი კანი საკმაოდ მნიშვნელოვანია, ამიტომ არ ღირს კანის მოვლაზე ზრუნვის უგულებელყოფა. თხის რქების კანისთვის იდეალურია ისეთი ინგრედიენტები, როგორებიცაა ლავანდის, ნემსიწვერასა და პიტნის ეთერზეთები. სხვათა შორის, ეს საშუალებები შინაგანი შფოთვის შეგრძნების მოხსნაში დაგეხმარებათ. 

 

მერწყული

მერწყულები - ეს კრეატიული ადამიანები, მუდმივად ძიებაში არიან, მიუხედავად იმისა, ეძებენ თუ არა ცხოვრებაში ახალ გზას, ახალ სამსახურს ან ახალ საშუალებას კანის მოვლისთვის. ექსპერიმენტები კარგია, მაგრამ სახის მოვლის პროცედურების სიმრავლე თქვენს გარეგნობაზე ნეგატიურად აისახება. ამიტომ აირჩიეთ კოსმეტიკური საშუალების ის ხაზი, რომელიც ზუსტად თქვენს კანს შეეფერება და ისარგებლეთ ამ საშუალებებით რეგულარულად. ხშირად მერწყულებს მშრალი კანი აქვთ, ამიტომ სპეციალისტები გირჩევენ, ისარგებლოთ ზეითუნისა და ყურძნის წიპწების ზეთით. ასევე, თქვენი კანისთვის შესანიშნავია ხორბლის, ფორთოხლისა და ლეღვის ექსტრაქტები.

 

თევზები

არაფერია უცნაური იმაში, რომ წყლის ეს ნიშანი უპირატესობას წყლის პროცედურებს ანიჭებს. თევზებო, ნუ იტყვით უარს სიამოვნებაზე, რადგან თქვენთვის ხშირად აბაზანის ჩვეულებრივი მიღება დაუვიწყარი რიტუალია. სახის კანის მოვლისთვის ისარგებლეთ ნესვისა და საზამთროს ექსტრაქტებით. სხვათა შორის, ზოდიაქოს ამ ნიშნის სახის კანზე ხშირად ჩნდება მკვდარი ეპითელური უჯრედები - ეს თევზების მტკივნეული მხარეა. ამიტომ ნუ იტყვით უარს სკრაბებსა და გამწმენდ ნიღბებზე.

არ აქვს მნიშვნელობა, ზოდიაქოს რომელ ნიშანს მიეკუთვნებით, გახსოვდეთ, რომ კანი მუდმივად საჭიროებს რეგულარულ და დროულ მოვლას, რადგან სახე ჩვენი სხეულის ყველაზე მნიშვნელოვანი ნაწილია.

 

წყარო
დღის ჰოროსკოპი

1 აპრილის ასტროლოგიური პროგნოზი

რას გვირჩევენ ვარსკვლავები1 აპრილისთვის ჯანმრთელობის, ბიზნესის და სიყვარულის მიმართულებით?
ამბები

Feedc Edu - პირველი ქართული ონლაინპლატფორმა დისტანციური სწავლების რეჟიმში

დისტანციური სწავლების პროცესის გასაუმჯობესებლად განათლების სამინისტრო ერთ-ერთ ალტერნატიულ საშუალებად პირველ ქართულ პლატფორმას - Feedc Edu-ს გამოიყენებს.
ამბები

მინერალური წყალი “ლიკანი” სახლში დარჩენისკენ მოგვიწოდებს – Soundwave Home Sessions – ცოცხალი მუსიკის ტალღა ჩვენს სახლებში

#მუსიკასთანახლოს შეგიძლია ერთფეროვანი დღეები გადააქციო განსაკუთრებულ წუთებად და დაიმუხტო ცოცხალი მინერალებით და მუსიკით. მინერალური წყალი „ლიკანი“ #SOUNDWAVE - ის საინტერესო სესიებს  ახალი ფორმატით აგრძელებს. 
ამბები

კომპანია „თბილღვინომ“ StopCov ფონდში 50 000 ლარი გადარიცხა

განვითარებული მოვლენების ფონზე კომპანია "თბილღვინო“ მიესალმება StopCov ფონდის შექმნას. შესაბამისად სამოქალაქო პასუხისმგებლობის ფარგლებში „თბილღვინომ“ ფონდში 50 000 ლარი გადარიცხა.
დღის ჰოროსკოპი

31 მარტის ასტროლოგიური პროგნოზი

რას გვირჩევენ ვარსკვლავები 31 მარტისთვის ჯანმრთელობის, ბიზნესის და სიყვარულის მიმართულებით?
ამბები

სოკარმა STOPCOV ფონდის მხარდასაჭერად საქართველოს ბიზნესასოციაციაში 200 000 ლარი ჩარიცხა

კომპანია „სოკარი“ მხარს უჭერს StopCoV ფონდის შექმნას და ფონდის დასახმარებლად, საქართველოს ბიზნეს ასოციაციაში 200 000 ლარი ჩარიცხა.
ამბები

„მაგნიტში’’ ყველაზე მოთხოვნადი პროდუქტები ფასნამატის გარეშე გაიყიდება

ქვეყანაში არსებული ვითარებიდან გამომდინარე, დღეიდან „მაგნიტის“ მომხმარებლებს შემდეგი დაფასოებული პროდუქტების -  მაკარონი, ბრინჯი, წიწიბურა, შაქარი, ზეთი, ფქვილი -  შეძენა ფასნამატის გარეშე შეეძლებათ. 
ამბები

“ბაზისბანკმა” და „ჰუალინგ ჯგუფმა“ StopCov ფონდში 200 000 ლარი გადარიცხეს

ბაზისბანკმა კორონავირუსის წინააღმდეგ საბრძოლველად 100 000 ლარი გამოყო.
ამბები

„ნიკორამ“ StopCOV ფონდში 100 000 ლარი ჩარიცხა

„ნიკორა“ მიესალმება StopCOV ფონდის შექმნას და ვირუსის წინააღმდეგ ბრძოლაში 100 000 ლარს რიცხავს.
საკნატუნო ამბები

მშობლების და შვილების სახალისო ურთიერთობა კარანტინში

პატარების მოუსვენრობა მოწყენის საშუალებას არასდროს გვაძლევს...
დღის ჰოროსკოპი

30 მარტის ასტროლოგიური პროგნოზი

რას გვირჩევენ ვარსკვლავები 30 მარტისთვის  ჯანმრთელობის, ბიზნესის და სიყვარულის მიმართულებით?
ამბები

თამაშზე დამოკიდებულთა ფსიქოთერაპიის სეანსები დისტანციურად წარმატებით გრძელდება

COVID-19-ის გავრცელების პრევენციისთვის ფსიქოსოციალური რეაბილიტაციის ცენტრი "კამარა" ლუდომანებისთვის განკუთვნილ ფსიქოთერაპიის სეანსებს დისტანციურად აგრძელებს.