ფობიები და ფსიქოზები - რით იტანჯებიან ცნობილები

საკნატუნო ამბები

13 იანვარი 17:00

ერთი შეხედვით იდეალური ვარსკვლავები, თურმე, ყოველდღიურად ებრძვიან ფსიქიკურ აშლილობებს...

კამერონ დიასს კარის სახელურების ეშინია



კამერონ დიასის დიაგნოზია „ობსესიურ-კომპულსიური აშლილობა“. მსახიობი შეპყრობილია სისუფთავით, განსაკუთრებით აგიჟებს კარის სახელურები, რომლებსაც უცხო ადამიანები ყოველ წუთს ეხებიან.


ჯესიკა ალბა - შეპყრობილი პერფექციონისტი



ჯესიკა ალბასაც ასეთივე დიაგნოზი აქვს, თუმცა ის ცდილობს, თავის აშლილობაში პლუსები დაინახოს. მსახიობის თქმით, ობსესიურ-კომპულსიური სინდრომი, პერფექციონიზმში გამოხატული, ჰოლივუდში კარიერის გაკეთებაში ეხმარება.


შარლიზ ტერონი წესრიგზეა გადარეული



შარლიზ ტერონის ობსესიურ-კომპულსიური სინდრომი გამოხატულია სრულ ორგანიზებულობასა და სიტუაციის კონტროლში. თანაც მსახიობს იდეალური წესრიგის არარსებობა არა მარტო თავის სახლში აღიზიანებს, არამედ სტუმრადაც.


ჯონი დეპს სძულს კლოუნები



ჯონი დეპს ეშინია კლოუნებისა და მიმების, მიუხედავად იმისა, რომ გრიმის დახმარებით არც ისე იშვიათად განუსახიერებია ისინი. ამ შიშის მიზეზი მის ბავშვობაში იმალება: პატარა დეპი ძალიან შეუშინებია ცირკის მსახიობს.


ნატალი პორტმანს მულტფილმების ეშინია



ნატალი პორტმანმა აღიარა, რომ ძალიან ეშინია მულტფილმების. ცისფერი გნომები - სმურფიკები კი განსაკუთრებით აგდებენ პანიკაში. ეტყობა, სწორედ ამ მიზეზით ნატალი არასოდეს ახმოვანებს მულტფილმების გმირებს. ერთადერთი გამონაკლისია „სიმპსონების“ მეორეხარისხოვანი პერსონაჟი.


დევიდ ბექჰემი სიმეტრიითაა შეპყრობილი



დევიდ ბექჰემის ავადმყოფობის ისტორიაში არის სიტყვა „ატაკსიოფობია“. მარტივად რომ ვთქვათ, ფეხბურთელი შეპყრობილია წესრიგითა და სიმეტრიით. ის ტანსაცმელს ფერებისა და ზომების მიხედვით ახარისხებს, საკვებისა და სასმელის შენახვას კი ცალ-ცალკე არჩევს - ბექჰემის სახლში სამი მაცივარი დგას: ერთი პროდუქტებისთვის, მეორე ბოსტნეულისა და ხილისთვის, მესამე კი სასმელებისთვის. თანაც მსგავსი ქილებისა და ბოთლების რაოდენობა ლუწი უნდა იყოს.


უმა თურმანი კლაუსტროფობიით იტანჯება



კლაუსტროფობია (დახურული სივრცის შიში) უმა თურმანის მთავარი ფობიაა. თითქოს სპეციალურად, საკულტო ბოევიკში „მოკალი ბილში“ მის პერსონაჟს ხის კუბოში გამოკეტავენ, საიდანაც დამოუკიდებლად უნდა დაიხსნას თავი. მსახიობს ეს სცენა დიდი მოთმინებისა და ნერვების ფასად დაუჯდა.


უაინონა რაიდერს წყლის შიში აქვს



მსახიობი უაინონა რაიდერი წყლისადმი შიშს ბავშვობის ტრავმით ხსნის: 12 წლის ასაკში ის კინაღამ დაიხრჩო და მას შემდეგ ცდილობს, ახლოსაც არ გაეკაროს წყლის რეზერვუარებს. გამონაკლისი იყო „უცხოს“ მეოთხე ნაწილის გადაღებები: მის გმირს კაცობრიობის გადასარჩენად წყლის ქვეშ დიდხანს უნდა ეცურა. რეჟისორმა ჟან-პიერ ჟენემ მსახიობს სამი მაშველი მიამაგრა და მან როგორღაც გაართვა თავი ამოცანას. მსახიობის კიდევ ერთი ფსიქიკური გადახრაა კლეპტომანია, რომელმაც მას სახელი გაუტეხა და ლამის კარიერის ფასად დაუჯდა. 2002 წელს, მაღაზიაში ქურდობის შემდეგ, უაინონამ იძულებითი მკურნალობის კურსი გაიარა.


კეტრინ ზეტა-ჯონსი განწყობას ვერ აკონტროლებს



კეტრინ ზეტა-ჯონსი მანიაკალურ-დეპრესიული ფსიქოზის მსუბუქი ფორმით იტანჯება - ავადმყოფობა მისი მეუღლის, მაიკლ დუგლასის ყელის კიბოსთან ბრძოლის ფონზე განვითარდა. მანიაკალურ-დეპრესიული ფსიქოზი, რომელსაც ახლა სპეციალისტები ბიპოლიარულ აშლილობას უწოდებენ, მანიისა და დეპრესიის სიმპტომების სწრაფად ცვალებადობის შედეგად გაჩნდა. ამ დაავადებით იტანჯებიან, ასევე, რასელ ბრენდი, მელ გიბსონი, სტივენ ფრაი, ემინემი, ჟან-კლოდ ვან დამი. ეს სიმპტომები აღენიშნებოდათ კურტ კობეინს, ედგარ პოს, ჯეკ ლონდონს, ერნსტ ჰემინგუეის.


კრისტენ სტიუარტს ცხენების ეშინია



7 წლის ასაკში მსახიობი კრისტენ სტიუარტი ცხენიდან ჩამოვარდა და ხელი მოიტეხა. ამ დროიდან მოყოლებული ის მუდმივად გაურბოდა ცხოველებს, სანამ ფილმ „ფიფქია და მონადირის“ გადაღებებზე არ მიიწვიეს. სიუჟეტის მიხედვით, მის გმირს ცხენით უნდა ეჯირითა, ამიტომაც, ტრენერებისა და დამამშვიდებელი აბების დახმარებით, მსახიობმა დროებით დაივიწყა შიშის შესახებ.


ნიკოლ კიდმანს პეპლები აშინებენ



პეპლებიც შეიძლება გახდნენ ღამის კოშმარების მიზეზი. ახალგაზრდობაში მსახიობ ნიკოლ კიდმანს ძალიან ეშინოდა ამ მწერების და იმის გათვალისწინებით, რომ მის მშობლიურ ავსტრალიაში პეპლის უამრავი სახეობა არსებობს, სკოლაში მიმავალ ნიკოლს მუდმივად უწევდა შემოვლითი გზების მოძებნა. გახდა რა ცნობილი, ნიკოლმა სცადა, ეს შიში დაემარცხებინა (მაგალითად, პეპლებით სავსე გალიაში შევიდა), მაგრამ სულ ტყუილად - ეს მცდელობები კრახით დასრულდა.


ბრედ პიტი არასოდეს უყურებს თავის ტერფებს



ბრედ პიტის ამოუხსნელი შიში საკუთარი ტერფებისადმი „ტროას“ გადაღებებზე გამჟღავნდა. მსახიობმა ითხოვა, მისი გმირის აქილევსის ტყავის ქალამნები ჩექმებით შეეცვალათ. ასევე, მსახიობმა აღიარა, რომ ძალიან ეშინია ობობებისა და ზვიგენების.


ორლანდო ბლუმს ღორების ეშინია



ორლანდო ბლუმი ღორებისადმი შიშმა და სიძულვილმა კინაღამ ჭკუიდან შეშალა ფილმ „ზეციური სამეფოს“ გადაღებებზე: ცხოველები მოედანზე მსახიობთან ერთად იყვნენ, მოგვიანებით კი ერთ-ერთმა ღორმა შემოღობილიდან გაქცევა მოახერხა, რამაც ორლი ძალიან შეაშინა.


ჯასტინ ტიმბერლეიკს უჭირს კონცენტრირება



ყურადღების დეფიციტის სინდრომის წყალობით ჯასტინ ტიმბერლეიკს უჭირს ერთ ქმედებაზე კონცენტრირება ან მონოტორულად მოქმედება. ამ აშლილობის გამო ბავშვობაში ჯასტინს პრობლემები ჰქონდა სწავლასთან დაკავშირებით - მომავალ ვარსკვლავს გონებაჩამორჩენილადაც კი მიიჩნევდნენ.


სკარლეტ იოჰანსონი სისუფთავეზეა შერყეული



ისევე როგორც სხვა გოგოები მსოფლიოში, მსახიობი სკარლეტ იოჰანსონი მუდმივად იცავს სისუფთავეს, მაგრამ ზოგჯერ შენობის სისუფთავეში მოყვანის მცდელობა ვერმინოფობიას იწვევს - სახლში ჭუჭყის, ვირუსებისა და მწერებისადმი შიშს. სასტუმროშიც კი მსახიობს ურჩევნია, თავად დაალაგოს ნომერი, რადგანაც დამლაგებელს არ ენდობა.

დღის ჰოროსკოპი

23 აგვისტოს ასტროლოგიური პროგნოზი

რას გვირჩევენ ვარსკვლავები 23 აგვისტოსთვის ჯანმრთელობის, ბიზნესისა და სიყვარულის მიმართულებით?
ამბები

adjarabet.com-მა პროექტ „არიქას“ გამარჯვებულები გამოავლინა

კომპანია adjarabet.com-მა მხიარული და აზარტული პროექტის, „არიქას“ გამარჯვებულები საზეიმო ღონისძიებაზე გამოავლინა.
კულინარია

რატატუი ქათმის ფილეთი - უმარტივესი და უგემრიელესი

ეს ძალიან სასარგებლო და ნაკლებკალორიული კერძი მოსამზადებლადაც უადვილესია. თანაც ნატურალური პროდუქტისგან მომზადებული ბალიში ხორცს არა მარტო გასტრონომიულ სრულყოფილებას შესძენს, არამედ ესთეტიკურსაც.
დღის ჰოროსკოპი

22 აგვისტოს ასტროლოგიური პროგნოზი

რას გვირჩევენ ვარსკვლავები 22 აგვისტოსთვის ჯანმრთელობის, ბიზნესისა და სიყვარულის მიმართულებით?
ამბები

adjarabet.com პროექტ „არიქას“ გამარჯვებულს გამოავლენს, რომელიც იაპონიაში გაემგზავრება

21 აგვისტოს 18:00 საათზე ლისის ტბაზე adjarabet.com-ის მხიარული პროექტის „არიქას“ გამარჯვებულები გამოვლინდებიან. ცენტრალური გამარჯვებული იაპონიაში რაგბის მსოფლიო ჩემპიონატზე გაემგზავრება.
კინო

ოდრი ტოტუს 7 საუკეთესო როლი გიფებში

ამ ფაიფურივით ნაზმა, ულამაზესმა და უნიჭიერესმა ფრანგმა მსახიობმა მთელი მსოფლიოს მონუსხვა შეძლო. მისი უსაზღვროდ მომხიბვლელი ღიმილისა და გამოხედვის წინაშე ყველა მამაკაცია უძლურია.
დღის ჰოროსკოპი

21 აგვისტოს ასტროლოგიური პროგნოზი

რას გვირჩევენ ვარსკვლავები 21 აგვისტოსთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

რა არის ის, რაც ქალს მამაკაცში ყველაზე მეტად მოსწონს

მამაკაცმა რომ ქალის გული დაიპყროს, აუცილებელი არაა, ლამაზი იყოს. ბევრად ფასეულია მისი ძალა, ხასიათი, კეთილშობილება, სიმტკიცე და ურყევი ნება. ამ თვისებების წინაშე ყველა ქალი უძლურია. 
დღის ჰოროსკოპი

20 აგვისტოს ასტროლოგიური პროგნოზი

რას გვირჩევენ ვარსკვლავები 20 აგვისტოსთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

18 იშვიათი ფოტო 90-იანების არქივიდან, რომლებიც საეჭვოა, ნანახი გქონდეთ

30 წლის განმავლობაში ყველაფერი ძალიან შეიცვალა: მსოფლიოს ინტერნეტი მართავს, მოდა სულ სხვანაირი გახდა და ვარსკვლავებიც სულ სხვანაირად გამოიყურებიან. ეს იშვიათი  ფოტოები თვალნათლივ დაგანახვებთ, როგორი სისწრაფით იცვლება ცხოვრება.
დღის ჰოროსკოპი

19 აგვისტოს ასტროლოგიური პროგნოზი

რას გვირჩევენ ვარსკვლავები 19 აგვისტოსთვის ჯანმრთელობის, ბიზნესისა და სიყვარულის მიმართულებით?
ამბები

„ნაბეღლავი“, „ბახმარო“, „გალფი“ - ბახმაროში ტრადიციული დოღის სამზადისია

ხვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია.