საკვები სოდის გამოყენების 7 უჩვეულო მეთოდი

საკნატუნო ამბები

19 იანვარი 09:00

საკვები სოდა - ერთ-ერთი ყველაზე მრავალფუნქციური საშუალება. მას იყენებენ კულინარიაში, სხვადასხვა მეცნიერულ ექსპერიმენტში, დაწესებულების დალაგებისას. შესაბამისად, დიასახლისებს სოდა ყოველთვის აქვთ შემონახული კარადაში. 

მაშ ასე, განვიხილოთ ნატრიუმის ბიკარბონატის სასარგებლო თვისებები:


1. ხელს უწყობს აკნეს გაქრობას



სოდა ანადგურებს მიკრობებს და ამცირებს შეშუპებას - ორი ძირითადი ასპექტი გამონაყართან ბრძოლის დროს. აკნე - ეს არის ცხიმის შემცველობის მაღალი დონე, რომელიც ჭედავს ფორებს, ხოლო სოდაში შემავალი ტუტე ბაქტერიების განადგურებით ფორების გამოშრობას უწყობს ხელს.


თბილ წყალს დაამატეთ 1 ჩ/კ საკვები სოდა და გაიჩერეთ სახეზე რამდენიმე წუთით, შემდეგ კი ჩამოიბანეთ თბილი წყლით. გაიმეორეთ პროცედურა 2-3 დღის განმავლობაში, შემდეგ კი კვირაში ერთხელ, სანამ ფერიმჭამელებს საბოლოოდ არ მოიშორებთ.


2. ათეთრებს კბილებს



მიუხედავად იმისა, რომ კბილის თანამედროვე პასტები შეიცავს ნატრიუმის ბიკარბონატს, ცოტაოდენი საკვები სოდა მაინც დაამატეთ კბილის პასტას, რათა მისი მოქმედება უფრო ეფექტური გახადოთ. საკვები სოდის უხეში სტრუქტურა არა მხოლოდ უკეთ წმენდს კბილებს, არამედ აშორებს ყვითელ ნადებს. ანადგურებს პირის ღრუში არსებულ ბაქტერიებს, რომლებიც იწვევს კბილების დაზიანებასა და ღრძილების დაავადებას.


უბრალოდ, მოაყარეთ ცოტაოდენი სოდა კბილისპასტიან ჯაგრისს და ორი წუთის განმავლობაში გაიხეხეთ კბილები. ისარგებლეთ ამ მეთოდით ერთი კვირის განმავლობაში, დღეში ერთხელ. არ გამოიყენოთ სოდა დიდი რაოდენობით და, როგორც ზემოთ ვთქვით, დღეში ერთ ჯერზე მეტად, რადგან ბიკარბონატ ნატრიუმის გადაჭარბებულმა რაოდენობამ შესაძლოა, კბილის ემალი დააზიანოს. 


3. ეფექტურია მზისგან დამწვრობის დროს



სხვადასხვა ცდებით დადასტურდა, რომ სოდაში შემავალი ბიკარბონატი ეხმარება სხეულს, მზისგან მიღებულ დამწვრობას გაუმკლავდეს - ამშვიდებს კანს და აშრობს დამწვრობით გაჩენილ ბუშტუკებს. სოდის გამოყენება შეგიძლიათ აბაზანაში. უბრალოდ, აავსეთ აბაზანა გრილი წყლით და გააზავეთ წყალში ერთი ჭიქა საკვები სოდა. ასევე, შეგიძლიათ, სოდის დახმარებით სპეციალური პასტა დაამზადოთ: ნახევარ ჭიქა სოდას დაამატეთ ცოტაოდენი წყალი, კარგად აურიეთ სოდა და წყალი ერთმანეთში, ისე, რომ ერთგვაროვანი მასა მიიღოთ. მიღებული პასტა შეიზილეთ კანზე, გაიჩერეთ, დაახლოებით, 15 წუთი, შემდეგ კი თითებით ჩამოიწმინდეთ კანზე შემშრალი სოდა. ამგვარად მზისგან დამწვრობას ძალიან მალე დაივიწყებთ.


4. აბალანსებს კანის ფერს



კანის არათანაბარ ტონს კანის სიმშრალე იწვევს და ეს პრობლემა ბევრს აწუხებს. ამ პრობლემის მოგვარებაში საკვები სოდა დაგეხმარებათ, რომელიც ასუფთავებს კანს მკვდარი უჯრედებისგან და აბალანსებს კანის მჟავიანობას. მსუბუქი სკრაბის მომზადება თავადაც შეგიძლიათ: 1-2 სუფრის კოვზ სოდას გადაურიეთ  ვარდის გაფილტრული წყალი. მიღებული სკრაბი შეიზილეთ კანზე და თითებით დაიმუშავეთ კანი ერთი წუთის განმავლობაში. შემდეგ კი ჩამოიბანეთ თბილი წყლით. ჩაიტარეთ პროცედურა კვირაში ერთხელ. სოდისგან დამზადებული სკრაბის მოხმარების შემდეგ აუცილებლად შეიზილეთ სახეზე დამატენიანებელი კრემი, რათა კანი არ გამოგიშრეთ.


5. აშორებს სხეულს უსიამოვნო სუნს



როგორც უკვე აღვნიშნეთ, საკვები სოდა ანადგურებს ბაქტერიებს, რაც ხელს უწყობს სხეულიდან უსიამოვნო სუნის მოშორებას. ასევე, სოდაში შემავალი კომპონენტები ხელს უწყობს ოფლიანობის პრობლემის მოშორებას. დღეს ბაზარზე არსებული დეზოდორანტებისა და ანტიპერსპირანტების შემადგენლობაში ბიკარბონატ ნატრია მთავარი ინგრედიენტია.


თუმცა, თუ გსურთ, ოფლიანობას საკუთარი მეთოდით ებრძოლოთ, უბრალოდ გადაურიეთ ერთმანეთში 1/8 ჩაის კოვზი საკვები სოდა და 1 ს/კ წყალი, რათა სხეულიდან სინესტე მოიშოროთ. ხოლო თუ გსურთ, სასიამოვნო სურნელი გქონდეთ, დაამატეთ საკვებ სოდასა და წყალს საყვარელი ეთერზეთი. შემდეგ კი ბამბის ტამპონით შეიზილეთ საჭირო ადგილებზე.


6. აქრობს ქერტლს



ქერტლის პრობლემა ბევრს აწუხებს, განსაკუთრებით ექსტრემალურად ცივ ან ცხელ კლიმატში. მისი მოშორების ერთ-ერთი მარტივი საშუალება საკვები სოდაა. სწორედ მისი უხეში სტრუქტურა აშორებს თავის კანიდან ფხვიერ მკვდარ უჯრედებს.


ამისთვის კი 1 ს/კ საკვები სოდა უნდა შეიზილოთ თმის მშრალ ძირებში  და თითებით დაიმასაჟოთ თავის კანი ერთი წუთის განმავლობაში. შემდეგ კი ჩამოიბანეთ თბილი წყლით. პროცედურა ჩაიტარეთ კვირაში ერთხელ. 


7. აშორებს ცხიმსა და უსიამოვნო სუნს თმებიდან



ცხიმიანი თმა, მშრალ თმასთან შედარებით, მარტივად მტვრიანდება და უსიამოვნო სუნსაც ადვილად იღებს, რაც თმის სწრაფ გაჭუჭყიანებას იწვევს. იმისთვის, რომ მსგავსი უსიამოვნება თავიდან აიცილოთ, გადაურიეთ საკვები სოდა და წყალი პროპორციით (1:3) და მიღებული ნიღაბი სველ თმებში 5-7 წუთით შეიზილეთ, შემდეგ კი ჩამოიბანეთ. საკვები სოდისა და წყლისგან დამზადებულ ნიღაბს შეგიძლიათ, დაამატოთ ეთერზეთი საყვარელი არომატით. გაიმეორეთ პროცედურა თვეში ერთხელ, რათა თქვენი თმა უფრო რბილი, ნაზი და დაბალანსებული სტრუქტურის გახდეს.

წყარო
დღის ჰოროსკოპი

17 ოქტომბრის ასტროლოგიური პროგნოზი

რას გვირჩევენ ვარსკვლავები 17 ოქტომბრისთვის ჯანმრთელობის, ბიზნესისა და სიყვარულის მიმართულებით?
კინო

11 მიზეზი იმისა, რატომ არის ჰიუ ჯეკმანი გენიალური

იცოდით, რომ ეს ავსტრალიელი არტისტი ჰოლივუდამდე ჯამბაზად მუშაობდა და პატარებს ართობდა? და არამარტო ეს...
ამბები

„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა

ამერიკული რესტორნების ქსელმა „ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა.
დღის ჰოროსკოპი

16 ოქტომბრის ასტროლოგიური პროგნოზი

რას გვირჩევენ ვარსკვლავები 16 ოქტომბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

შოუბიზნესის მუქკანიანი ლამაზმანები

ეს მსახიობები ეკრანზე გამოჩენისთანავე განსაკუთრებულ შარმს სძენენ ფილმებს.
საკნატუნო ამბები

სიშიშვლე, რომელმაც დროს გაუძლო (+18)

სემ ჰასკინსკი - ფოტოგრაფი, რომელმაც წარუშლელი კვალი დატოვა მსოფლიო ფოტოგრაფიაში, განსაკუთრებით კი ნიუს ჟანრში.
დღის ჰოროსკოპი

15 ოქტომბრის ასტროლოგიური პროგნოზი

რას გვირჩევენ ვარსკვლავები 15 ოქტომბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

13 ტრენდი, რომლებიც შეგიძლიათ, საშინელი სიზმარივით დაივიწყოთ

ნათქვამია, დრო იცვლება და ჩვენც, მასთან ერთად! ის, რაც „გუშინ“ მოდურად მიიჩნეოდა, დღეს შეიძლება სასაცილოდ მოგვეჩვენოს...
დღის ჰოროსკოპი

14 ოქტომბრის ასტროლოგიური პროგნოზი

რას გვირჩევენ ვარსკვლავები 14 ოქტომბრისთვის ჯანმრთელობის, ბიზნესის და სიყვარულის მიმართულებით?
კულინარია

მოხარშული ძეხვი „მუნდირში“

„ბუტერბროდის“ ასეთი ვარიანტი საუზმეზე ძალიან მოგეწონებათ!
საკნატუნო ამბები

10 სიტუაცია, როცა შედეგზე არავინ იფიქრა

ეცადეთ, მსგავსი სისულელე არ ჩაიდინოთ, თორემ დარვინის პრემია არ აგცდებათ!




×

საბანერო პოზიცია
300x150