ექიმი ნორმან როუვი, ნიუ-იორკელი პლასტიკური ქირურგი, ჰყვება, რომ სულ უფრო მეტი პაციენტი მიმართავს „დიზაინერული კერტების“ გასაკეთებლად. ნორმანი ამბობს, რომ ეს ტერმინი თავად მოიგონა. ახლა ყველაზე მეტი პოპულარობით სარგებლობს ფორმა - „დიზაინერული კერტი, როგორც კენდალ ჯენერს“, რომელიც არც ისე დიდი, საკმაოდ ღია ფერის, თუმცა, ამასთანავე, პერმანენტულად ერეგირებულია და სამოსში სექსუალურად ჩანს.
როგორც კი მოდელმა კენდალ ჯენერმა 2016 წლის დეკემბერში სოციალურ ქსელებში წამოიწყო კამპანია „გაათავისუფლე მკერდი“, კერტების გადიდების პროცედურაზე მოთხოვნა 4-ჯერ გაიზარდა.
ამგვარი პროცედურა, უდავოდ, მნიშვნელოვნად მარტივია, ვიდრე სტანდარტული მამოპლასტიკა. იმისთვის, რომ კერტები დაიყენოთ „ისე, როგორც კენდალ ჯენერს“, ქირურგები არეოლებს სიმეტრიულს ხდიან, შემდეგ კი კორექტირდება კერტების ფერი: იმისთვის, რომ არეოლი უფრო ღია ტონში იყოს, გამოიყენება ლაზერი, ხოლო მუქი კერტებისთვის - ტატუაჟი.
და ყველაზე მთავარი - ზომა: ქირურგი ფორმას აძლევს კერტებს და მათ ფილერის ინექციის დახმარებით უფრო ამოზნექილს ხდის. ექიმი როუვის კლინიკაში ერთი ინექციის ღირებულება, დაახლოებით, 700 დოლარია, ხოლო ეფექტი, მინიმუმ, ორწლიანი.