აღმოჩნდა, რომ ხომალდი მარსზე სრულიად მთელი დაჯდა, უბრალოდ, მზის სხივების პანელების გაუმართაობამ რადიოანტენების გაშლა შეზღუდა და დედამიწასთან კავშირი დაიკარგა.
აღმოჩენის შესახებ განცხადება ევროპის კოსმოსურმა სააგენტომ სპეციალურ პრესკონფერენციაზე გააკეთა.
Beagle-2 - კოლინ პილინჯერის ხელმძღვანელობით, ბრიტანელი მეცნიერების მიერ შექმნილი მოდული, ევროპის კოსმოსური მისიის ხომალდ ”მარს ექსპრესზე” იყო მიბმული. ეს ბრიტანეთის ისტორიაში სხვა პლანეტებზე გასაგზავნად გაკეთებული პირველი კოსმოსური აპარატია, რომელსაც მარსზე 180 დღე უნდა ემუშავა, გეოლოგია, მინერალოგია, კლიმატი შეესწავლა და სიცოცხლის კვალი აღმოეჩინა.
Beagle-2 ხომალდს გემი ”ბიგლის” საპატივცემულოდ დაარქვეს, რომელზეც ჩარლზ დარვინი თავის ექსპედიციებს აწყობდა. ეს აპატარი ასტროფიზიკოს კოლინ პილინჯერის პირმშოა, რომელსაც მისი საშუალებით რევოლუციური აღმოჩენის ავტორობის იმედი ჰქონდა.
ბედის ირონიაა, კოლინ პილინჯერი ისე გარდაიცვალა, დარწმუნებული იყო, ხომალდმა ავარია განიცადა. ის Beagle2-ის აღმოჩენამდე 8 თვით ადრე გარდაიცვალა.