ვარდისფერი სანაპირო
მსოფლიოში ვარდისფერი სანაპიროები ძალიან ცოტაა. სანაპიროს ვარდისფერ შეფერილობას გასნაკუთრებული სახის ფორამინიფერების სიუხვე იწვევს, რომლებიც მოწითალო-მოვარდისფრო ნიჟარებში ცხოვრობენ. როცა ფორამინიფერები კვდებიან, ნიჟარები ნაპირზე გამოირიყება.
ნიჟარებიანი სანაპირო
ნიჟარების სიმრავლე ავსტრალიის, სამხრეთ აფრიკისა და ფლორიდის სანაპიროებზე ზღვის ნიჟარებიან ბინადრებზე მონადირეთა ნაკლებობა იწვევს. უნიკალური გეოგრაფიული მდებარეობა კი საშუალებას აძლევს ნიჟარებს, ნაპირზე მოგროვდნენ.
წითელი სანაპირო
როდესაც მთის ვულკანური ქანები და რკინის დიდი საბადოები ოკეანის დამანგრეველ ძალასთან ერთიანდება, წითელი სანაპიროები იბადება. მსოფლიოში სამ ძირითად წითელ სანაპიროს გამოჰყოფენ: კოკინის პლაჟი - საბერძნეთში, კაიჰალულუს პლაჟი - ჰავაიზე და ერთიც - გალაპაგოსის კუნძულებზე.
ნარინჯისფერი სანაპირო
მიუხედავად იმისა, რომ საკმაოდ იშვიათი შემთხვევაა, ასეთი პლაჟები მაინც არსებობს. რკინის მაღალი შემცველობა და ვულკანური ქანების ნაკლებობა, რომელიც მუქ შეფერილობას აძლევს ქვიშას, მალტის კუნძულებზე რამლა ბეის პლაჟის ნარინჯისფერ შეფერილობას იწვევს.
მწვანე სანაპირო
მსოფლიოში მწვანე სანაპირო ორია: პაპაკოლეას პლაჟი - ჰავაის კუნძლებზე და ტალოფოფოს პლაჟი - გუამის სანაპიროზე. ეს პლაჟები თავიანთ განსაკუთრებულ შეფერილობას ოლივინის კრისტალებისგან იღებენ. ოლივინის კრისტალები სხვა მინერალებთან შედარებით გაცილებით მძიმეა. ისინი ნაპირზე ირიყება და გროვდება.
ლურჯი სანაპირო
მალდივის კუნძულების ლურჯ სანაპიროზე თქვენი მასპინძელი ფიტოპლანქტონთა ჯგუფი იქნება. ეს მნათი წყალმცენარეები საოცარ სანახაობას ქმნიან.
გეომეტრიული ქვების სანაპირო
ვინ თქვა, რომ პლაჟისთვის ქვიშაა აუცილებელი? ეს საოცარი სვეტები ირლანდიაში Giants Causeway-ზე მდებარეობს. ბაზალტის ეს სვეტები გაქვავებული ლავაა.
იისფერი სანაპირო
ეს ეგზოტიკური სანაპირო - Pfeiffer Beach კალიფორნიასთან ახლოს მდებარეობს. ასეთი უჩვეულო ფერი კი მანგანუმის დამსახურებაა.
შავი სანაპირო
მსოფლიოს უამრავ შავი ქვიშის პლაჟს თავის უნიკალურ ფერს ეროზირებული ლავისა და ვულკანური ქანების მაღალი კონცენტრაცია აძლევს.
პლაჟი-მღვიმეები
The Secret Beach Cave მექსიკაში და Algarve Cave Beach პორტუგალიაში მსოფლიოში პლაჟი-მღვიმეების საუკეთესო მაგალითებია. ამ გასაოცარი სილამაზისთვის ოკეანის ძლევამოსილებას უნდა ვუმადლოდეთ.