მკვეთრი სურნელი და განუმეორებელი გემო, რომელიც ხასიათს გვიუმჯობესებს და სხეულს ენერგიით გვივსებს. თუმცა, როგორც აღმოჩნდა, ყავა არა მხოლოდ არომატული სასმელია, არამედ მისი გამოყენება სხვადასხვა მიმართულებითაც შეიძლება.
აი მაგალითად:
თუკი თევზის შეწვას აპირებთ, ნუ იჩქარებთ ყავის ნალექის გადაყრას. მომზადების შემდეგ სუფთა და მშრალ ტაფაზე დაყარეთ ყავის ნალექი - ის სწრაფად გააქრობს სამზარეულოდან უსიამოვნო სუნს და თქვენი სახლი ყავის სასიამოვნო სურნელით გაიჟღინთება.
თუკი ნატურალური ბეწვის ქურთუკის შეძენა გადაწყვიტეთ, მაგრამ ბეწვის სურნელი გაღიზიანებთ, მოაყარეთ მას ცოტაოდენი დაფქული ყავა. ერთი დღის შემდეგ თქვენი ქურთუკი სასიამოვნო არომატს გამოყოფს. მხოლოდ გაითვალისწინეთ, რომ ეს რჩევა მხოლოდ მუქი ფერის ბეწვზე გამოგადგებათ: ღია ფერის ბეწვზე ყავის ლაქები დარჩება.
ხსნადი ყავის ან ესპრესოს გამოყენებით შეგიძლიათ ლამაზი ნახატების შექმნა. „საღებავის“ ფერი დამოკიებულია სასმელის სისქეზე, ხოლო შედეგი აუცილებლად მოგაგონებთ ფოტოებს სეპიას ტონში
ყავა კოსმეტიკურ საშუალებებშიც შეგიძლიათ გამოიყენოთ. ის არა მხოლოდ ნატურალური სკრაბია, არამედ არჩვეულებრივი საშუალება თმის მუქი ელფერისა და ბზინვარებისთვის. ამისათვის მოადუღეთ ყავა, გააგრილეთ და გადაივლეთ თმებზე დაბანის შემდეგ.
თუკი თქვენს სახლში ჭიანჭველები მომრავლდნენ, აქაც ყავის ნალექი გამოგადგებათ: პატარა მწერებს გაუკეთეთ ყავის ნალექით „ბილიკი“- ჭიანჭველებს არ უყვართ ყავის სურნელი, რაც საშუალებას მოგცემთ სამუდამოდ დააღწიოთ თავი მათ.