პირველი, რაც ყველამ უნდა ვიცოდეთ, ჯინსის ტანსაცმელი მხოლოდ ცივ წყალში უნდა გავრეცხოთ. დასაშვებია ოდნავ თბილშიც, ოღონდ, არავითარ შემთხვევაში ცხელ წყალში. თუკი ჯინსს ცხელ წყალში გავრეცხავთ, ის ერთი ზომით მაინც დაპატარავდება. ამის მიზეზი კი ის არის, რომ ჯინსი ნატურალური ქსოვილია, არ შეიცავს სინთეტიკას, ხოლო ნატურალური ქსოვილი მაღალ ტემპერატურაზე გარეცხვის შემდეგ ყოველთვის პატარავდება.
იგივე მიზეზით არ არის სასურველი ჯინსის ტანსაცმლის რადიატორზე გაშრობა ან მზეზე გაფენა. მისი გაშრობა მიზანშეწონილია ჩრდილში და ამობრუნებულ მდგომარეობაში.
სხვათა შორის, რეკომენდებულია გარეცხვის წინ ნებისმიერი ჯინსის ტანსაცმლის ამობრუნება.
ჯინსის ქსოვილზე ლაქას საპნის ხსნარით მარტივად ამოიყვანთ.
ჯინსის ტანსაცმელზე ლაქის ამოსაყვანად მიზანშეწონილი არ არის ქიმიური ხსნარების გამოყენება. მსგავსი ხსნარები ჯინსის ფერს ახუნებს და საბოლოოდ ტანსაცმლის ის ნაწილი, სადაც ლაქა იყო, ერთი ტონით გაღიავდება.