კარგი იქნება, თუ მუქ კედლებზე უარს ვიტყვით. ნათელი და სუფთა ფერები ვიზუალურად შესამჩნევად „აფართოებს“ სივრცეს.
აი, ნათელი ფერები კი თამამად შეგიძლიათ, გამოიყენოთ: კედლები, ფერწერა, ფარდები ან თუნდაც საწოლის გადასაფარებელი გააცოცხლებს და გაახალისებს ინტერიერს.
საძინებელ ოთახში აუცილებლად შეხვდებით დიდ გარდერობებს, რომლებიც „შთანთქავენ“ სივრცეს. ამიტომაც კარგი იქნება, კარადებისთვის ღია ფერის ფასადი შეარჩიოთ. ასე ოთახი ვიზუალურად მეტად დიდი გამოჩნდება.
ტანსაცმლის ჩვეულებრივი კარადის ალტერნატივად შეგიძლიათ, კედელში ჩაშენებული გარდერობი გამოიყენოთ. ფარდის კარი კი ინტერიერში სისადავეს შეინარჩუნებს.
იმისთვის, რომ ყველაზე მნიშვნელოვანი ნივთები მუდამ ხელთ გქონდეთ და ადვილად მოსაძებნი იყოს თქვენთვის, შესაძლოა, კედელზე კედლის ტონში გადაწყვეტილი თაროები დაიხმაროთ.
მინიმალიზმი - საუკეთესო გადაწყვეტილებაა პატარა ოთახისთვის. დატოვეთ მხოლოდ აუცილებელი ავეჯი და იმისთვის, რომ ინტერიერი მოსაწყენი არ იყოს, საინტერესო დეკორატიული ელემენტები დაიხმარეთ.
თუ პატარა საძინებელი სკოლის მოსწავლეს ან სტუდენტს ეკუთვნის, ჩნდება სამუშაო სივრცის აუცილებლობა. ავეჯი ასეთ ოთახში აუცილებელია, იყოს კომპაქტური და მაქსიმალურად ფუნქციური.
ორიარუსიანი საწოლები საუკეთესო არჩევანია ოთახისთვის, სადაც 2 ბავშვი უნდა განთავსდეს. მათი თანამედროვე ვარიანტები ძალიან კომპაქტური და მოსახერხებელია.
