მაიკლი დიდ ოჯახში დაიბადა - ის იყო მეშვიდე ცხრა დედმამიშვილიდან.
გარდა იმისა, რომ მაიკლ ჯექსონი სიცოცხლეში პოპ-მუსიკის მეფე იყო, მას აფრიკულმა სახელმწიფო გაბონმაც მიანიჭა სამეფო ტიტული. მეფედ ის ადგილობრივმა მცხოვრებლებმა მისი დამსახურებებისთვის დაასახელეს. 1985 წელს ჯექსონმა სხვა ცნობილ მომღერლებთან ერთად ჩაწერა სიმღერა „We are the world“, რომელიც მსოფლიოს ათზე მეტ ქვეყანაში ჰიტი გახდა და ამ სიმღერით შემოსული მთლიანი თანხა მაიკლმა აფრიკელ მშიერ ბავშვებს გადაურიცხა. მთლიანობაში, სიცოცხლის მანძილზე პოპ-მეფემ ქველმოქმედებისთვის 300 მილიონ დოლარამდე გასცა.
ყოველ კონცერტამდე მომღერალი ჭიქა წყალში გახსნილ კარამელს მიირთმევდა. მას სჯეროდა, რომ ეს რიტუალი ხმის გაუმჯობესებაში ეხმარებოდა.
მაიკლ ჯექსონის საყვარელი კომპოზიტორები პეტრე ჩაიკოვსკი და სერგეი პროკოფიევი იყვნენ.
1984 წელს პოპ-მეფე კომპანია „კოკა-კოლას’’ სახე იყო. ერთ-ერთი სარეკლამო რგოლის გადაღების დროს, მომღერალმა სახის სერიოზული დამწვრობა მიიღო, რისთვისაც კომპანიამ მას კომპენსაციის სახით 1,5 მილიონი დოლარი გადაუხადა.
მაიკლ ჯექსონი ოცნებობდა, შეესრულებინა ადამიანი-ობობას როლი. ის ცდილობდა, კომპანია „მარველისგან“ ამ კომიქსის ეკრანიზაციის უფლება ეყიდა.
მაიკლ ჯექსონი ჯგუფ „ბითლზის“ ფანი იყო. მან მოიპოვა უფლება ლეგენდარული ჯგუფის ყველა რეგისტრირებულ სიმღერაზე.
მაიკლ ჯექსონი ოცნებობდა, ჩაეწერა სიმღერა ფრედი მერკურთან.
პოპ-მუსიკის მეფე პოპულარულ სერიალ „სიმფსონებში“ გამოჩნდა, თუმცა ეს ფაქტი 12 წლის მანძილზე იმალებოდა. სერიალის შემქმნელმა მეტ გრეინინგმა აღიარა, რომ ჯექსონმა მართლაც გაახმოვანა ერთ-ერთი პერსონაჟი - ფსიქიატრიული კლინიკის პაციენტი ეპიზოდში „Stark Raving Dad“. ტიტრებში კი მიუთითეს, რომ ეს ხმა ვინმე ჯონ ჯეი სმიტს ეკუთვნოდა.
მაიკლ ჯექსონის კლიპი „Billie Jean“ MTV-ის დამფუძნებლებს არ სურდათ, ეთერში გასულიყო. რადგან მანამდე მუსიკალური კლიპები სტანდარტული იყო: მომღერლები უბრალოდ მღეროდნენ და თითქმის არ მოძრაობდნენ, თანაც არხის როტაციაში შავკანიანი მომღერლის კლიპი არც არასდროს გასულა. ამ მხრივ, ჯექსონმა ნამდვილი რევოლუცია მოახდინა - მისი ცეკვების შემდეგ კლიპების ფორმატი ნამდვილად შეიცვალა.