პროდუქტების გაფუჭებას არა მხოლოდ ვადის გასვლა, არამედ მათი არასწორად შენახვაც იწვევს. არის სიტუაციები, როდესაც დიდი რაოდენობით შეძენილი პროდუქტის ათვისება ვერ ხერხდება, ფუჭდება და, სამწუხაროდ, მათი გადაყრა გვიწევს.
გაითვალისწინეთ რჩევები, რომლებიც მსგავს პრობლემებს თავიდან აგაცილებთ.
იმისთვის, რომ თაფლი დიდხანს შეინახოთ, დადგით ბნელ ადგილას მჭიდროდ დახურული თავსახურით.
თუკი კვერცხი დიდი რაოდენობით შეიძინეთ და ვერ ასწრებთ მათ სრულად გამოყენებას, ნუ გადაყრით! კვერცხი საყინულეში გემოსა და კონსისტენციის დაკარგვის გარეშე კარგად შეინახება. აიღეთ ყინულის ფორმა, ჩაყარეთ სულ ოდნავ მარილი ან შაქარი (იმისთვის, რომ კვერცხი არ დაიშალოს), შეინახეთ საყინულეში და საჭიროების შემთხვევაში გამოიყენეთ.
მწვანილის შენახვა შუშის ქილაში შეგიძლიათ, ოღონდ, ქილას მჭიდროდ დაახურეთ თავსახური. შეგიძლიათ, სპეციალურ პოლიეთილენის პარკშიც შეინახოთ, რომელსაც საჰაერო ხვრელები აქვს. ასევე, შეგიძლიათ მწვანილი პირსახოცის ქსოვილში გაახვიოთ და მაცივარში ჩადოთ.
შეინახეთ ყველი სპეციალურ ქაღალდის პარკში ან პერგამენტში. პოლიეთილენის პარკით ყველის შენახვა მიუღებელია. იმისთვის, რომ ყველი არ გამოშრეს, შეგიძლიათ ზემოდან კარაქის თხელი ფენა გადაუსვათ.
ანანასი თავდაყირა შეინახეთ. ამგვარად ის ტკბილ გემოს უფრო ხანგრძლივად შეინარჩუნებს.
გაასუფთავეთ მწვანე ხახვის ძირები და მოათავსეთ წყლიან ქილაში. ხოლო მწვანე ღეროებს გადაუსვით სველი ტილო და დააფარეთ პოლიეთილენის პარკი. დადეთ ქილა მაცივრის ქვედა თაროზე. ამგვარად მწვანე ხახვი 2 კვირა შეინახება.
გოგრა სასურველია, თაროზე დადოთ შესანახად და არა მიწაზე ან იატაკზე, თანაც ისე, რომ გოგრები ერთმანეთს არ მიედოს. გოგრის შენახვა, ასევე, თივაში ან ჩალაშიც შეგიძლიათ. მზის სხივები გოგრას აფუჭებს, ამიტომ, თუკი გოგრას აივანზე დადებთ, აუცილებლად გადააფარეთ მას ტილო.
კოჭის (ჯანჯაფილის) ძირი გააშრეთ, გადაახვიეთ მას საკვების შესანახად განკუთვნილი პარკი ძირებზე და შეინახეთ მაცივარში. ამგვარად კოჭა, დაახლოებით, ერთი კვირა შეინახება.
ჩაასხით ჯამში 1 ლიტრი წყალი, დაამატეთ რამდენიმე ყინულის ნატეხი, 1 ჩაის კოვზი ლიმონის წვენი. ჩაყარეთ შიგ სიმინდის მარცვლები. ნახევარი საათის შემდეგ გადაწურეთ წყალი და როგორც კი სიმინდის მარცვლები შეშრება, მოათავსეთ ჰერმეტულ პარკში. ამგვარად სიმინდის მარცვლები 3-4 კვირის მანძილზე შეინახება.