ვერძი
მათ სახლში წესრიგი ნაკლებად აფიქრებთ. მართალია, შეუძლიათ, გენერალურადაც დაალაგონ და რამე მარტივი კერძიც მოამზადონ, მაგრამ ამით გულწრფელ სიხარულსა და აღტაცებას ვერ გრძნობენ.
კურო
მათ სახლში მუდმივი სისუფთავე ესაჭიროებათ, ოღონდ დალაგება და მომზადება ვიღაც სხვამ უნდა იკისროს და არა კურომ. ეს ქალი საქმეს სხვას ავალებს, თავად კი მუშაობას მყარად აკონტროლებს.
ტყუპები
ამ ნიშნის წარმომადგენლები ბრწყინვალე დიასახლისები არიან, უბრალოდ, მათ ზუსტად უნდა იცოდნენ, რომ ეს ვიღაცას სურს. საკუთარი თავისთვის არ გაირჯებიან, აი, საყვარელი ადამიანისთვის ფუსფუსი კი მათი სტიქიაა!
კირჩხიბი
ეს ქალები საოჯახო საქმეებს ადვილად და სწრაფად აგვარებენ. მათ არ უჭირთ ყოველდღე დალაგებისთვის დროის გამონახვა. გიყვარს წესრიგი - იშრომე! ასეთია მათი დევიზი.
ლომი
ამ ნიშნის წარმომადგენლებს, ისევე როგორ კუროებს, დავალების გაცემა უფრო უყვართ, ვიდრე თავად კეთება. და მაინც ლომები ცდილობენ, სახლში წესრიგის დამყარებას და, თუ საჭიროა, კერძის მომზადებასაც. თუმცა მათ არევა უფრო ეხერხებათ.
ქალწული
თქვენ წინაშე იდეალური დიასახლისია! ყოველთვის მკაფიო გეგმის მიხედვით მოქმედებს და თუ რამე ამ გეგმას არღვევს, ხასიათი მაშინვე უფუჭდება. სახლში სიმყუდროვისა და სისუფთავის შესანიშნავი ატმოსფეროს მოწყობა შეუძლია, მაგრამ ვაი იმას, ვინც არევას გაბედავს!
სასწორი
მარჯვე დიასახლისი, რომელიც მუშაობასაც ახერხებს და სახლის დალაგებასაც. სასწორები ყველგან და ყოველთვის ყველაფერს ასწრებენ. ამის მიზეზი ის არის, რომ სასწორი მხოლოდ საკუთარი თავის იმედად არის და არასდროს ელოდება სხვების დახმარებას.
მორიელი
თუკი ქალი-მორიელი სახლის საფუძვლიანად დალაგებას გადაწყვეტს, საქმე შეიძლება რემონტამდეც მივიდეს! ნუ, ავეჯის გადალაგებამდე მაინც. ზოდიაქოს ამ ნიშნის წარმომადგენლები საოჯახო საქმიანობის ნამდვილი რევოლუციონერები არიან.
მშვილდოსანი
აი, ვის უყვარს შემოქმედებითი აურზაური! მშვილდოსნებს არ ხიბლავთ დალაგება და არც ტოტალური სისუფთავე. მათთვის ნივთის ადგილი იქაა, სადაც კონკრეტულ დროს მიაგდებ.
თხის რქა
მას კვირაში ერთი დღე აქვთ გამოყოფილი დალაგებისთვის. მართალია, ამას გენერალურ დალაგებას ვერ დავარქმევთ, მაგრამ ხარისხიანი ნამდვილად არის! ამის გამო მასთან ყოველთვის სისუფთავე და მყუდროებაა.
მერწყული
ისინი არეულობას ვერ იტანენ და ურჩევნიათ, წესრიგი მხოლოდ მათი მითითებებით დამყარდეს. დახმარებას მიესალმებიან, მაგრამ, თუ გსურთ, ყველაფერმა უკონფლიქტოდ ჩაიაროს, ყველაფერი ისე უნდა გააკეთოთ, როგორც მერწყულს სურს.
თევზები
მართალია, მათ შემოქმედებითი ბუნება აქვთ, მაგრამ წესრიგს უფრო იტანენ, ვიდრე ქაოსს. მათ ქაოსი ფიქრებშიც ჰყოფნით. კვირაში რამდენჯერმე ალაგებენ სახლს სველი წესით და ყურადღებით არიან, რომ ყველაფერი თავის ადგილზე იდოს. მთელი ოჯახისთვის გემრიელი კერძის მომზადებაც არ ავიწყდებათ.
