1. ვერძისთვის
ვერძი-მამაკაცები აგრესიულები, ვაჟკაცურები და ენერგიულები არიან. ეს შემართებული ადამიანები ცდილობენ, ცხოვრებაში ყველაფერი გამოსცადონ. მათ თავისთავში დაჯერებული პარტნიორები უფრო გამოადგებათ, რომლებიც მზად არიან, გარისკონ.
ვერძისთვის იდეალური წყვილებია: ლომები, მშვილდოსნები, ტყუპები და მერწყულები.
2. კუროსთვის
კუროები საიმედოები და მგრძნობიარენი არიან. ისინი ძლიერ აფასებენ ერთგულებას. მათ ისეთი ადამიანი ესაჭიროებათ, რომელსაც მოვალეობის თავის თავზე აღება შეუძლია. მათ რომანტიკული ბუნების ადამიანები უფრო შეეფერებიან, რომლებსაც უყვართ პლაჟზე უსასრულო სეირნობა და სანთლის შუქზე ვახშამი.
კუროსთვის იდეალური წყვილებია: მორიელები, კირჩხიბები, ქალწულები, თევზები.
3. ტყუპებისათვის
ტყუპები გულუბრყვილოები, ცნობისმოყვარეები და თამაშის მოყვარულები არიან. ისინი გარემოცვაზე შთაბეჭდილებას თავიანთი მახვილი გონებითა და იუმორის გრძნობით ახდენენ. მათთვის საუკეთესო პარტნიორი - ისეთივე მხიარული და უდარდელი ადამიანია.
მათ შეეფერებიან მშვილდოსნები, ლომები, ვერძები და მერწყულები.
4. კირჩხიბისთვის
კირჩხიბებს უჭირთ უცხო ადამიანისთვის გულის გადაშლა. მაგრამ კირჩხიბს ახლოს გაიცნობთ თუ არა, უკვე აღარ მოგინდებათ მასთან განშორება. ისინი საკმაოდ რთული ბუნებისანი არიან. ურთიერთობებს ისინი მთელ თავიანთ ძალას ახმარენ და პარტნიორისგანაც იგივეს ითხოვენ.
იდეალური წყვილები კირჩხიბებისთვის: მორიელები, კუროები, თევზები და ქალწულები.
5. ლომისათვის
ლომი ოპტიმისტური ბუნებისაა. მათ სურს, რომ სიყვარული და აღფრთოვანება გამოიწვიონ. ლომები თავდაჯერებულ ადამიანთან კომფორტულად გრძნობენ თავს.
მათთვის საუკეთესო პარტნიორები არიან: ტყუპები, სასწორები, მშვილდოსნები და ვერძები.
6. ქალწულისთვის
ქალწული ინტელექტის, სიბრძნისა და საღი აზრის ნაზავია. ისინი განსაკუთრებულ ყურადღებას დეტალებს უთმობენ. ქალწულები პერფექციონისტები არიან. ვერ იტანენ არაკომპეტენტურობასა და სისულელეს. მათ მდიდარი შინაგანი სამყაროს მქონე ადამიანი შეეფერებათ.
ქალწულისთვის საუკეთესო პარტნიორები მორიელები, თხის რქები, კირჩხიბები და კუროები არიან.
7. სასწორისთვის
სასწორი ძალიან კეთილი და გაწონასწორებული ადამიანია. მათი პიროვნება სხვა ადამიანებს ძლიერ იზიდავს. მათ იციან, როგორ გააბედნიერონ ახლობლები და მეგობრები. მათი პარტნიორი კარგად უნდა გამოიყურებოდეს, ჰქონდეს ინტელექტი და ძლიერი ინდივიდუალურობა.
მათთვის შესაფერისები არიან: ტყუპები, მერწყულები, მშვილდოსნები და ლომები.
8. მორიელისთვის
ისინი მამაცი და სულით ძლიერნი არიან. თუკი რაიმეს მიღება სურთ, მის მისაღწევად ყველაფერს აკეთებენ. თავიანთ პარტნიორებს ისინი ღრმა და უსაზღვრო სიყვარულს სთავაზობენ. მათ მოსწონთ წარმოსახვის მქონე პიროვნებები.
მორიელებისთვის საუკეთესო პარტნიორები არიან: თევზები, ქალწულები, თხის რქები და კირჩხიბები.
9. მშვილდოსნისთვის
ისინი ნათელი ადამიანები არიან და ცხოვრებაში 100%-ით იწვიან. მშვილდოსნები აფასებენ თავისუფლებას და დამოუკიდებლობას. ამიტომაც არ უყვართ, როცა ვინმე მათ შეზღუდვას ცდილობს. თავის მეწყვილედაც ამგვარ ღია და თავისუფალ ადამიანებს არჩევენ.
მშვილდოსნების საუკეთესო პარტნიორები არიან: ლომები, მერწყულები, ვერძები და სასწორები.
10. თხის რქისთვის
ამბიციურები, კონსერვატორულები და სარგებლობის მომტანნი. მათგან საუკეთესო ხელმძღვანელები და მმართველები გამოდიან. პარტნიორის შერჩევისას თხის რქები ძალიან წუნიები არიან. მათთვის იდეალურ პარტნიორს კარგი გემოვნება, ინტელექტი და სტილი უნდა ჰქონდეს. ყველაზე მეტად ისინი ერთგულებას აფასებენ.
მათ ყველაზე უფრო შეეფერებათ: თევზები, კუროები, ქალწულები და მორიელები.
11. მერწყულისთვის
მერწყულები ძალიან მეგობრულები არიან და სხვა ნიშნებში დიდი პოპულარობით სარგებლობენ. მათგან საუკეთესო ჰუმანიტარები გამოდიან. თუ მზად ხართ გიჟური თავგადასავლებისთვის, მაშინ თქვენ მერწყულისთვის იდეალური წყვილი ბრძანდებით. ოღონდ არ დაგავიწყდეთ - მერწყული კარგი კვების მოყვარულია. ეცადეთ, თქვენი კულინარიული მონაცემებით გააოცოთ.
მერწყულისთვის საუკეთესო პარტნიორები არიან: სასწორები, ვერძები, ტყუპები და მშვილდოსნები.
12. თევზებისთვის
მათთვის ადამიანური დამოკიდებულებები ძალიან მნიშვნელოვანია. თევზები ძლიერ მგრძნობიარენი, ემოციურები და გამომგონებლები არიან. ისინი ძლიერ, პოზიტიურ ადამიანს ეძებენ, რომელსაც შემოქმედებითი პოტენციალი უნდა ჰქონდეს. რაზეს არ უნდა ისაუბროთ, თევზები ყველაფერში ყურს დაგიგდებენ.
თევზებისთვის საუკეთესო პარტნიორები არიან: კირჩხიბები, მორიელები, თხის რქები და კუროები.
