ოლღა ბებიას ახდენილი ოცნება - დოხტური ზურიკელა და სამუდამო სიყვარული მერისთან

უცნობი ფოტოები

9 აპრილი 20:00, 2016 წელი

ყველა ქართველისთვის საყვარელი ნაწარმოების „მე, ბებია, ილიკო და ილარიონის“ შექმნის დროს, ალბათ, ნოდარ დუმბაძე ვერც კი წარმოიდგენდა, რომ ერთ დიდ და ლამაზ ოჯახს უყრიდა საფუძველს.  


სერგო ორჯონიკიძემ და მანანა აბაზაძემ ერთმანეთი 1962 წელს, „მე ბებია, ილიკო და ილარიონის“ გადაღების დროს გაიცნეს. ნოდარ დუმბაძის ამავე სახელწოდების მოთხრობის მიხედვით გადაღებული ფილმის სიუჟეტი გურიაში ვითარდება და ოლღა ბებისა და მისი მეზობლების, ილიკოსა და ილარიონის გარემოცვაში გაზრდილი ობოლ ბიჭ ისტორიას გვიამბობს. ზურიკელას უყვარს ბებია, ილიკო, ილარიონი, მურადა და თანაკლასელი გოგონა მერი.
ფილმის გადაღებიდან 50-ზე მეტი წელი გავიდა, მაგრამ გურული
იუმორი და წმინდა ადამიანური ღირებულებები მაყურებელს დღემდე იზიდავს. ალბათ, ეს გახდა ფილმის წარმატების მთავარი საიდუმლოც. ყველაფერი კი ასე იწყებოდა...

1962 ელს რეჟისორი თენგიზ აბულაძე ფილმისთვისმე, ბებია, ილიკო და ილარიონი მთავარი როლის შემსრულებელს დიდხანს ეძებდა. ბოლოს, უნივერსიტეტისბირჟაზეაღმოაჩინეს 14 წლის სერგო ორჯონიკიძე, რომელიც თავის ასაკთან შედარებით საკმაოდ  ტანაშოლტილი ბიჭი იყო (183 სანტიმეტრი) და კალათბურთს თამაშობდა. თენგიზ აბულაძის ასისტენტმა ბიჭს კინოში გადაღება შესთავაზდა კინოსტუდიაში დაიბარ. თავიდან ფილმში მთავარი როლის შემსრულებლად მსახიობ გოგი ქავთარაძის კანდიდატურა განიხილებოდა, თუმცა, საბოლოოდ, თენგიზ აბულაძემ სამსახიობო გამოცდილების არმქონე სერგო ორჯონიკიძე აირჩია და არც შემცდარა - ფილმმა „ზურიკელას“ არნახული პოპულარობა და წარმატება მოუტანა.
თენგიზ აბულაძე სერგოს მუდამ ზურიკელას ეძახდა და ტიტრებშიც ასე ჩაუწერა. ილარიონის როლზე აკაკი კვანტალიანიკანდიდატურა განიხილებოდა, ხოლო ილიკოს როლზე ვახტანგ ნინუა ან გიზო სიხარულიძემოიაზრებდნენ. საბოლოოდ, ილიკოს როლზე - სანდრო ჟორჟოლიანი, ხოლო ილარიონის შემსრულებლად გრიგოლ ტყაბლაძე დამტკიცდა.
ოლღა ბებიას როლზე შერჩევისა და სასინჯი გადაღებების გარეშე დაამტკიცეს სესილია თაყაიშვილის კანდიდატურა.
ოლღა ბებია საუკეთესო თეატრალურ და კინოსახეთა ქართულ საგანძურშია შესული.
უფრო რთული აღმოჩნდა ზურიკელას შეყვარებულის - მერის კანდიდატურის შერჩევა. რეჟისორმა კინოსინჯებზე მისული ყველა გოგონა დაიწუნა. ბოლოს მანანა აბაზაძეს ბიჭვინთაში გადასაღებ მოედანზე მიაგნეს. რუსი რეჟისორი კუბის რევოლუციაზე ფილმს იღებდა, რომელშიც 12 წლის მანანა კუბელ გოგონას თამაშობდა. აბულაძე მანანას მშობლებს მოელაპარაკა და გოგონა ბიჭვინთიდან თავის ფილმში სათამაშოდ წამოიყვანა.
ფილმი ლეჩხუმის რაიონის სოფელ ლაილაშში გადაიღეს.
თენგიზ აბულაძის შედევრმა ეკრანებზე გამოსვლისთანავე მოიპოვა მაყურებლის სიყვარული და აღიარება.

საინტერესოდ განვითარდა მთავარი როლების შემსრულებელთა ცხოვრება. „ზურიკელამ“ აასრულა 
ოლღა ბებიას ოცნება: „ჩემი შვილიშვილი დოხტური უნდა გამოვიდესო. სერგო ორჯონიკიძე ცნობილი კარდიოლოგია და ავადმყოფობის დროს სესილია თაყაიშვილს გვერდიდან არ მოსცილებია. მანანა აბაზაძე მოცეკვავე გახდა
თენგიზ
აბულაძე თავის აღმოჩენილ მსახიობებს სხვა რეჟისორებისთვის ვერ იმეტებდა, მაგრამ 4 წლის შემდეგ მანანა აბაზაძემ გიორგი შენგელაიასთან მაცი ხვიტიაშიეკა ითამაშა, რამაც თენგიზ აბულაძე ძალიან გაანაწყენა.


პოპულარობასა და წარმატებასთან ერთად, აბულაძის ფილმმა მსახიობებს დიდი გრძნობაც მოუტანა. სერგო ორჯონიკიძესა და მანანა აბაზაძეს თავად დიდი რეჟისორი უბიძგებდა ერთმანეთისკენ, თითქოს გრძნობდა, რომ ისინი მართლაც ერთმანეთისთვის იყვნენ დაბადებულები. ფილმის გამოსვლიდან 6 წლის შემდეგ, 1968 წელს „ზურიკელა“ და „მერი“ რეალურად დაქორწინდნენ და ლამაზი ქართული ოჯახი შექმნეს.


 


სესილია თაყაიშვილი, ნოდარ დუმბაძე, თენგიზ აბულაძე, სერგო ორჯონიკიძე და გადამღები ჯგუფის წევრები „მე, ბებია, ილიკო და ილარიონის“ გადაღებაზე.
„სულ ორ ფილმში ვითამაშე, აქედან „მე, ბებია, ილიკო და ილარიონი“ ჩემთვის უმნიშვნელოვანესი იყო. ისე მოხდა, რომ რაღაცნაირად ზურიკელას დავემსგავსე. ოლღა ბებია ხომ ოცნებობდა, მისი შვილიშვილი დოხტური გამოსულიყო. მე მართლაც ექიმი გავხდი. ზურიკელასა და მერის სიყვარული კი მე და მანანამ ცხოვრებაში გავაგრძელეთ და ამით თითქოს ფილმიც გაგრძელდა. თენგიზი სულ გვეუბნებოდა, ვიცი, რომ თქვენ დაქორწინდებითო. ნოდარ დუმბაძე ამბობდა, თქვენი ოჯახი ჩემი შექმნილიაო“. - სერგო ორჯონიკიძე.


 


სერგო ორჯონიკიძე და მანანა აბაზაძე
„მე და სერგო თანატოლები ვიყავით, ამიტომ საერთო ენა ადვილად გამოვძებნეთ. თავიდან ვმეგობრობდით, გრძნობა კი მერე და მერე მოვიდა. ამაში ბატონმა თენგიზმაც დიდი წვლილი შეიტანა. როცა მოსკოვში მესამე მსოფლიო კინოფესტივალზე წაგვიყვანა, ყველგან თან დაგვატარებდა. კინოფესტივალის შემდეგ მე და სერგო შეყვარებულები გავხდით. თენგიზ აბულაძეს სურვილი შევუსრულეთ, რადგან მას ძალიან უნდოდა, ჩვენ საბოლოოდ ერთად ვყოფილიყავით“, - მანანა აბაზაძე.


 


სერგო ორჯონიკიძე და მანანა აბაზაძე
„მე და მანანას სიყვარულის ახსნის სცენა არ გამოგვდიოდა. ამაზე თენგიზი გადაირია, თავის ოთახში ჩაგვკეტა, თვითონ შეხვედრაზე წავიდა და დაგვიბარა, რომ 11 საათზე დაბრუნდებოდა და მის მოსვლამდე რეპეტიციები გაგვევლო. გადაღებისთვის ერთი დღეღა გვქონდა დარჩენილი. თანაც ისიც გვითხრა, ერთი სცენა კოცნით უნდა დამთავრდეს, მეორე - კოცნის გარეშე და მერე მე გადავწყვეტ, რომელი აჯობებსო“, - სერგო ორჯონიკიძე.


 


„14 წლის ვიყავი, როგორია, პატარა ბიჭმა ხელში აიყვანო ამხელა ქალი და გადმოიყვანო? მეც ჩემი თავმოყვარეობა მქონდა. ვფიქრობდი, ახლა რომ ხელში ავიყვანო და გადმოსვლისას წყალში ჩამივარდეს, მერე რა ვქნა-მეთქი. გადავედი, მოვკიდე ხელი სესილიას, მეგონა, მძიმე იქნებოდა, სულაც არ აღმოჩნდა მძიმე, მსუბუქი მეჩვენა და გადმოვიყვანე. 13 დუბლი გადაიღეს. არაქათი გამომეცალა. სესილია მიხვდა, რომ აღარ შემეძლო და კისერზე მებღაუჭებოდა, მართლა არ ჩამაგდოსო“, - სერგო ორჯონიკიძე.


 


„სესილია თაყაიშვილი განუმეორებელი მსახიობი და პიროვნება იყო. სიცოცხლის ბოლო წლებში გულით ავადმყოფობდა. მე მაშინ დამწყები ექიმი ვიყავი. მას ვინ მანდობდა, მაგრამ ხშირად მირეკავდა ხოლმე. თავის ავადმყოფობაზე მიყვებოდა და მეც რჩევებს ვაძლევდი. ფილმის გადაღების შემდეგ მასთან ოჯახით ვახლობლობდი“, - სერგო ორჯონიკიძე.


 


„მოხდა ისე, რომ ქალბატონ სესილიას ბოლო წუთებში მის გვერდით ვიყავი. მოგეხსენებათ, მან მიოკარდიის ინფარქტი გადაიტანა. განმეორებითი შეტევა ჰქონდა და ლეჩკომბინატში მოიყვანეს. სასწრაფოდ უნდა აეყვანათ მესამე სართულზე, საოპერაციოში და აღმოჩნდა, რომ ლიფტი არ მუშაობს. ყველა დაიბნა... ვტაცე ქალბატონ სესილიას ხელი და მესამე სართულზე სირბილით ავიყვანე. სამწუხაროდ, ოპერაციის დროს გარდაიცვალა. მახსოვს, თენგიზ აბულაძეც მოვიდა. მოგვიანებით გაზეთში გამოქვეყნდა მისი სტატია, სადაც ამბობდა: შენმა შვილიშვილმაც ვერ გიშველა ბოლო წუთებშიო“, - სერგო ორჯონიკიძე.




„სესილია მანანას ურეკავდა ხოლმე და ეკითხებოდა, სად არის ჩემი დურაქი შვილიშვილიო“, - სერგო ორჯონიკიძე.



„მთელი ცხოვრება გამყვა მისი მფრინავი ფრაზა - „შენ არ გინდა, ზურიკელას უნდაო“. სადმე რომ ვიტყვი, რომ რაღაც არ მინდა, იმ წუთში ამ ფრაზას მომაძახებენ. ამ ფრაზით დავბერდი“, - მანანა აბაზაძე.


 


ზურიკელა და ცირა (კირა ანდრონიკაშვილი), კადრი ფილმიდან „მე, ბებია, ილიკო და ილარიონი“
„მოგეხსენებათ, სერგო კარდიოლოგია და ხშირად მეუბნება, არ გინდა, გული გაგისინჯოო. სერგო ჩემი ოქროა, მაგრამ იმედი მაქვს, მისი პაციენტი არასოდეს გავხდები და გული არასოდეს შემაწუხებს. მანანას ხუმრობით ვეუბნები ხოლმე, მართალია, ზურიკელამ შენ გამო მიმატოვა, მაგრამ მე მაინც ძალიან მიყვარხარ და ამას გაპატიებ-მეთქი“, - კირა ანდრონიკაშვილი, ფილმში ცირას როლის შემსრულებელი.


 


ზურიკელა და ილარიონი, კადრი ფილმიდან „მე, ბებია, ილიკო და ილარიონი“
„დაიწყო ჩემი და გრიგოლ ტყაბლაძის სცენის გადაღება, სადაც ის მეკითხება: „რაო, რა გითხრა იმ ბრუციანმა?“. ეს ისე წარმოთქვა, ყბა ჩამომივარდა. მაშინ მივხვდი, რომ ეს ადამიანი ზუსტად ილარიონის ტიპაჟი იყო და თავის როლს საკმაოდ რეალისტურად ასრულებდა“.



ილიკო და ზურიკელა, კადრი ფილმიდან „მე, ბებია, ილიკო და ილარიონი“



ბებია ოლღა, კადრი ფილმიდან „მე, ბებია, ილიკო და ილარიონი“
„ცოტამ თუ იცის, როგორი მსხვერპლი გაიღო ამ ფილმისთვის სესილია თაყაიშვილმა. ოლღა ბებიას როლს სრულად რომ ჩასწვდომოდა, მეტი დამაჯერებლობა და ბუნებრიობა ჰქონოდა გადასაღებ მოედანზე, სესილიამ საღი კბილები დაიძრო. ის მაშინ 55 წლის იყო“.


 


მანანა აბაზაძე და სერგო ორჯონიკიძე
„ბატონ თენგიზთან ურთიერთობა ფილმზე მუშაობით არ დამთავრებულა, მერე უფრო დავუახლოვდით. ის ჩვენზე ისე ზრუნავდა, როგორც მშობელი. უნდოდა, სერგოს კინოსარეჟისოროზე ჩაებარებინა, ყველანაირად ხელს გვიწყობდა. ასევე ძალიან უნდოდა, ერთად კიდევ გადავეღეთ რომელიმე ფილმში, სცენარისტებს გვახვედრებდა კიდეც. მე და სერგო მისი საკუთრება ვიყავით, ძალიან ვუყვარდით და ჩვენი ხელიდან გაშვება არ უნდოდა“, - მანანა აბაზაძე.


 


ილიკო სუხიშვილი და მანანა აბაზაძე
„ერთხელ ცუდად ვიყავი და ლეჩკომბინატში რენტგენის გადასაღებად მივედი. ამ დროს მოვიდა ქალბატონი სესილია. შემომყვა რენტგენის კაბინეტში. ეუბნებიან, ქალბატონო სესილია, აქ რენტგენია და გარეთ უნდა გახვიდეთო. არა უშავსო, უპასუხა და ჩემი ხელი ეკავა, სანამ არ გადამიღეს“, - მანანა აბაზაძე.


 


„ერთადერთი მსახიობი, ვისაც სინჯები არ გაუვლია, სესილია თაყაიშვილი იყო. მას კონკურენტი არ ჰყავდა. მახსოვს ის დღე, როცა ამ უდიდეს მსახიობს პირველად შევხვდი. კინოსტუდიის ეზოში იჯდა. ქალბატონო სესილია, ეს სერგოა, რომელსაც ზურიკელას როლისთვის ვსინჯავთ და გვინდა, ერთად გადაგიღოთ ფოტო, - უთხრა თენგიზ აბულაძემ. აა, მე მსინჯავთ? არა, თქვენ არა. როგორ გეკადრებათ! უბრალოდ, გვაინტერესებს, თქვენ და სერგო ერთმანეთს როგორ შეეფერებით, - ღიმილით მიუგო რეჟისორმა და ეზოში მე და ქალბატონ სესილიას ფოტოები გადაგვიღეს“, - სერგო ორჯონიკიძე.





საკნატუნო ამბები

ნიუს სტილში გადაღებული პორტრეტები, სადაც შიშველი თავად ფოტოგრაფია

ამერიკელმა ფოტოგრაფმა ტრევორ კრისტენსონმა ნიუს გადაღების მექანიზმი შეცვალა - თავისი მოდელების წინაშე ის თავად წარდგა შიშველი, ფოტოზე კი იმ ემოციების მთელი გამა აღბეჭდა, რომელიც მოდელების გამოხედვაში გამოჩნდა - ცნობისმოყვარეობიდან გაკიცხვამდე.
ამბები

თეგეტა მოტორსი იუბილარია

ბიზნესი, რომელიც ერთი პატარა მაღაზიიდან დაიწყო და დღეს 7 მსხვილ კომპანიას აერთიანებს ეს თეგეტა მოტორსი გახლავთ. ბრენდი, რომელსაც ენდობიან მსოფლიოს უმსხვილესი მწარმოებლები საავტომობილო სფეროში.
NEW

რატომ არ მონაწილეობს ბარბარა სამხარაძე ახალ პროექტში „მხოლოდ ქართული“?

რას ფიქრობს მიმდინარე მუსიკალურ პროექტზე „ნიჭიერი 2016“ წლის გამარჯვებული და რა გეგმები აქვს, ამის შესახებ ბარბარა Funtime-ს უყვება.
საკნატუნო ამბები

როგორ შეიძლება ჩვეულებრივი სახეხის გამოყენება - ფანტასტიკური იდეები!

იცით, რომ სახეხის ადგილი მხოლოდ სამზარეულოში არ არის... ის ნამდვილი აღმოჩენა იქნება მათთვის, ვისაც ფულის უაზროდ ხარჯვა არ უყვარს!
საკნატუნო ამბები

რას მალავს სამხედროების უნიფორმა?

მხატვარმა დევიდ მიტჩელმა გადაწყვიტა, ამ უნიკალური არტპროექტით საზოგადოებისთვის ეჩვენებინა, ვინ დგანან ამ მკაცრი პროფესიის უკან...
იცით თუ არა...

დედამ თვალებს არ დაუჯერა, როცა ახალშობილის ხელში ეს მოწყობილობა დაინახა

ამ ფოტომ მთელი მსოფლიო მოიარა, რადგან მასზე უნიკალური და დაუჯერებელი შემთხვევაა ასახული -ახალშობილს ხელში უჭირავს მოწყობილობა, რომელმაც მის ამქვეყნად მოვლინებას ხელი ვერ შეუშალა...
თემატური ჰოროსკოპი

კარმული ბუმერანგის კანონები ვერძისთვის, ქალწულისთვის და თხის რქისთვის

მიწის სტიქიის ზოდიაქოს ნიშნები მიწაზე მყარად დგანან. მათ ხვალინდელი დღის რწმენაც აქვთ და არც თავდაჯერებულობა აკლიათ, მაგრამ ყველაზე ზუსტ გათვლებშიც კი შეიძლება, შეცდომა გაიპაროს. ამის გამო მიწის ნიშნებს თავიანთ შეცდომებსა და სისუსტეებზე პასუხისგება უწევთ.
საკნატუნო ამბები

ამ კითხვაზე პასუხი თქვენი პიროვნების საიდუმლოს გაგვიმხელს

შეხედეთ სურათს და ერთ მარტივ კითხვას უპასუხეთ: სად დგას მაგიდა, რომელთანაც კაცი ზის - სახლის შიგნით, სახლის გარეთ, თუ იქაც და იქაც?
კულინარია

„კაცური კაპრიზი“ - სწრაფად მოსამზადებელი უგემრიელესი სალათა

„კაცური კაპრიზი“ აშკარად ქალის მოფიქრებულია, რომელსაც უნდოდა, საყვარელი კაცი დროულად და გემრიელად დაეპურებინა. ამიტომაც ეს სალათა მზადდება სწრაფად, ნოყიერია და ძალიან მიმზიდველად გამოიყურება...
თავსატეხი

იპოვეთ 12 განსხვავება

მახვილი თვალი, ცოტა დაკვირვებულობა და პასუხიც მზად გექნებათ.
საკნატუნო ამბები

ხრიკები ქალებისთვის, რომლებიც ბევრ სიტუაციაში „გადაგარჩენთ“

ეს ყველა ქალმა უნდა იცოდეს, რადგან ოდესმე აუცილებლად გამოგადგებათ!
საკნატუნო ამბები

6 რჩევა, როგორ შეიყვაროთ პრეზერვატივი

სექსი პრეზერვატივით ბევრისთვის უსიამოვნოა, ზოგისთვის - საერთოდაც მიუღებელი, თუმცა, თუკი გავითვალისწინებთ, რომ ამ დამცავი საშუალების გარეშე, გარდა არასასურველი ორსულობისა, შესაძლოა, ბევრი ინფექციით „დასაჩუქრდეთ“, მასზე წარმოდგენა ოდნავ მაინც შეგეცვლებათ.