მაშ ასე, რამდენიმე წესი, რომელიც, კამა სუტრას მიხედვით, კაცთან ურთიერთობაში ყველა ქალმა უნდა გაითვალისწინოს.
1. არავითარი ბრალდება!
ქალებს ერთი უცნაური თვისება აქვთ - ყოველთვის ყველას ადანაშაულებენ. თითქოს, აუცილებელია, მომხდარში ვიღაც დაადანაშაულონ. მამაკაცისთვის აუტანელია, როცა ქალი კუთხეში ამწყვდევს და ეუბნება: „ყველაფერში დამნაშავე შენ ხარ“.
გახსოვდეთ: თქვენი მამაკაციც ადამიანია და შეცდომებს, როგორც ყველა, ისიც უშვებს. რა თქმა უნდა, შეცდომაზე მითითება შეიძლება, მაგრამ დადანაშაულება - არავითარ შემთხვევაში.
2. საშინაო ჩაცმულობა
ამ პუნქტზე უკვე ძალიან ბევრჯერ თქმულა. მაგრამ მიუხედავად ამისა, გულწრფელად ვაღიაროთ, ბევრი ქალი იცვამს სახლში ლამაზად? არა! ბრძენი ვატსიანა კი ამბობს, რომ ქალი საკუთარ სილამაზეს ტანსაცმლით ავლენს.
3. ქალის ძალა თმებია
ნებისმიერი მამაკაცი აქცევს ყურადღებას თმებს, ქალის ვარცხნილობას. შეიძლება, ის ამას თავად ვერც აცნობიერებდეს, მაგრამ ქვეცნობიერი ყოველთვის ამახვილებს ყურადღებას თმებზე. მამაკაცის პირველი მზერა ქალის ვარცხნილობისკენ არის მიმართული და მხოლოდ შემდეგ ტანისკენ.
4. თქვენი მამაკაცი საუკეთესოა ყოველთვის!
ასეთია მამაკაცის ფსიქოლოგია - მას სჭირდება, მუდმივად ესმოდეს, რომ საუკეთესოა. ნურასდროს დაიშურებთ საქებარ სიტყვებს თქვენი მამაკაცისთვის. „შენ საუკეთესო ხარ ჩემს ცხოვრებაში“ - ამ სიტყვებს თავდაპირველად დედისგან ისმენს მამაკაცი, შემდეგ კი თავისი ცოლისგანაც ელის. როდესაც ამ სიტყვებს ეუბნებით, ენთუზიაზმითა და ენერგიით ივსება. სხვათა შორის, ამის შემდეგ შეგიძლიათ, საჩუქარიც მოსთხოვოთ.
5. იუმორი გადაარჩენს სამყაროს
ურთიერთობაში აუცილებელია იუმორს საკუთარი ადგილი ჰქონდეს - ის ცხოვრებას გაგილამაზებთ. მამაკაცი ყოველთვის აფასებს ქალს, რომელსაც ღიმილითა და ხუმრობით შეუძლია ატმოსფეროს განტვირთვა.
6. ნუ შეადარებთ სხვა მამაკაცს
მამაკაცი საკუთარ ცოლს არასდროს და არავის უწილადებს - აი, ამ წესის არსი! მთელი თქვენი ენერგია მხოლოდ ქმრისკენ უნდა მიმართოთ. თუ სხვა მამაკაცითაც აღფრთოვანდებით (თუნდაც მამათქვენით), ეს იმას ნიშნავს, რომ თქვენი ენერგია იყოფა.
7. ბრაზი კლავს თქვენს სილამაზეს
ულამაზესი ქალიც კი კარგავს მომხიბვლელობას, როცა გაბრაზებულია. ეცადეთ, ბრაზი ცოტა ქალურად გამოავლინოთ - პირველ რიგში კი ცრემლები დაგეხმარებათ! არც ერთი მამაკაცი არ რჩება მის მიმართ გულგრილი.
8. მოამზადეთ გემრიელად და სიყვარულით
„მამაკაცის გულისკენ გზა კუჭზე გადის“ - ეს ფრაზა ყველა გოგონამ ბავშვობიდანვე იცის. მამაკაცი ყოველთვის ელის, რომ საყვარელი ქალი გემრიელ სადილს მოუმზადებს. საკვებსა და სიყვარულს ძალიან ბევრი საერთო აქვს: საჭმელს შეუძლია ცნობიერების შეცვლა, ბრძენი ქალები ამას ყოველთვის სათავისოდ იყენებდნენ. საკვები შეიცავს ემოციებს და თუ კაცი აღარ ჭამს სახლში, მან შეიძლება, სხვა შეიყვაროს.
9. ნურაფერს აიძულებთ
ქალებს უყვართ მამაკაცების იძულება. თუ თქვენგან ზეწოლას იგრძნობს, აუცილებლად გაქცევთ ზურგს. ვინმემ ტკბილეული რომ გაჩუქოთ, შემდეგ კი გაიძულოთ მათი ჭამა, გესიამოვნებათ? ასე არიან მამაკაცებიც!
10. იზრუნეთ სახლზე
ქალმა აუცილებლად უნდა იზრუნოს სახლზე. მაშინ მამაკაცისთვის ქალის სილამაზე აღარ იქნება იმდენად მნიშვნელოვანი.
11. გაიღიმეთ
როდესაც მამაკაცი სახლში ბრუნდება, სურს, ორი რამ ნახოს: ცოლის ღიმილი და ბავშვების ღიმილი. როგორი დაღლილიც არ უნდა იყოს, თქვენი ღიმილი ძალებს აღუდგენს.
ცნობისთვის, გაყრის ერთ-ერთი მიზეზი ის არის, რომ ქალები საყვარელი მამაკაცებისთვის აღარ იღიმიან.
