ვერძი
პირად და ოჯახურ ცხოვრებაში უღრუბლო პერიოდი გელით. ამ ნიშნის ბევრი წარმომადგენელი ყოფითი პრობლემების მოგვარებას შეუდგება - რემონტს დაიწყებს ან უძრავ ქონებას შეიძენს. ახალგაზრდა ოჯახები მშობლებისგან დამოუკიდებლად ცხოვრებას მოინდომებენ, რასაც შესაძლოა, ბინის ყიდვა მოჰყვეს. გირჩევთ, მიზნისკენ მიმავალმა ყველა გარემოება და სხვების სურვილები გაითვალისწინეთ.
კურო
ამ დღეს შემოქმედებით საკითხებს წარმატებით მოაგვარებთ და მთელ ენერგიას კარგი დასვენების ორგანიზებისკენ მიმართავთ. დღის მეორე ნახევარში დაძაბული მუშაობა გელით. შეგიძლიათ, მეცენატებისა და პროდიუსერების დახმარების იმედი გქონდეთ, თუმცა გადამწყვეტი მაინც თქვენი თანდაყოლილი სიჯიუტე და მონდომება იქნება.
ტყუპები
კარგი დღეა ილუზიებისგან, უსარგებლო ნივთებისა და მავნე ჩვევებისგან განთავისუფლებისთვის. გამოაღეთ კარადები და ყველა უსარგებლო ნივთი გადაყარეთ ან გააჩუქეთ. გახსოვდეთ, წლის დასაწყისში ბალასტისგან უნდა გათავისუფლდეთ, რომ „სიმაღლე აკრიფოთ“. წარსულს სიცილით უნდა დაემშვიდობოთ. ასეთ შემთხვევაში მხიარული და წარმატებული წელი გელით.
კირჩხიბი
წლის დასაწყისში უჩვეულო აღმაფრენა გეწვევათ, რაც ნიშნავს, რომ თავში ფასეული და გამორჩეული იდეები მოგივათ. რომ არაფერი გამოგრჩეთ, გირჩევთ, ყველა იდეა ჩაიწეროთ და ცხოვრებაში მათ განხორციელებას შეუდგეთ.
ლომი
ახალი წლის პირველი დღეები სახლის გარეთ დასვენებისა და მოგზაურობისთვის განგაწყობთ. ამიტომ, გამორიცხული არაა, რომ სახლში თავი არაკომფორტულად და ცუდად იგრძნოთ. საეჭვოა, ოჯახის წევრებს თქვენი იდეა მოეწონოთ, ამიტომ მათ დასარწმუნებლად დიდი ძალისხმევა მოგიწევთ. ყველაზე კარგი იქნება, თუ ამ დღეს სტუმრად ან ბუნებაში გაატარებთ. ეცადეთ, ალკოჰოლი ზედმეტი არ მიიღოთ.
ქალწული
გამორიცხული არაა, რომ გრძნობების რეანიმაცია მოხდეს. ახალ გატაცებაში დამაინტრიგებელ საიდუმლოს გრძნობთ, რაც თქვენს ცნობისმოყვარეობასა და ფანტაზიას აღვიძებს. წლის დასაწყისში თავს მხნედ და ენერგიულად იგრძნობთ და ეცადეთ, ეს პოტენციალი სწორად გამოიყენოთ. ნუ გაურბიხართ დიდ გრძნობას და რაც მთავარია, ამის ნუ გეშინიათ.
სასწორი
ამ დღეს ჩაკეტილი და გულჩათხრობილი იქნებით. ფართო საზოგადოებაში გულღია და თამამი ადამიანის შთაბეჭდილებას დატოვებთ, მაგრამ, როგორც კი საუბარი თქვენს პირად საკითხს შეეხება, დაუყოვნებლივ ჩაიკეტებით. თქვენთვის აუცილებელია, ისწავლოთ მატერიალური და ენერგეტიკული ბალანსი: გასცეთ-მიიღოთ.
მორიელი
მეგობრული თავშეყრის დროს კომუნიკაბელურობითა და აქტიურობით გამოირჩევით. სწორედ აქ, შესაძლოა, შეხვდეთ საინტერესო ადამიანს და თქვენი ურთიერთობა გაგრძელდეს. აჩვენეთ საკუთარი თავი საუკეთესო კუთხით, მაგრამ ნუ აიღებთ თქვენს თავზე ზედმეტ პასუხისმგებლობას.
მშვილდოსანი
ნებისმიერი გადაღლა ან სისუსტე თქვენს ცხოვრებისეულ პროგრესსა და წარმატებას დაამუხრუჭებს. ხოლო ზედმეტად ხშირი ურთიერთობა მეგობრებთან ფინანსურ ქმედებებში ხელს შეგიშლით. თუკი პრობლემები უკვე გაქვთ, შეეცადეთ, მდგომარეობა რაც შეიძლება სწრაფად გამოასწოროთ.
თხის რქა
ეს დღე შესანიშნავია მემკვიდრეობის ან დაზღვევის მისაღებად. ახლობელი ადამიანები ყურადღებითა და ზრუნვით გაგაკვირვებენ, რაც მთელი თვის განმავლობაში გაგახარებთ. თქვენი ცხოვრებისეული ენერგიის წყარო არასდროს დაშრება, თუკი სიცოცხლე ნებისმიერ მდგომარეობაში გაგიხარდებათ და წყენას ადვილად დაივიწყებთ ხოლმე.
მერწყული
ამ დღეს სულიერი სიკეთის გამოვლენას შეძლებთ. ვარსკვლავები გირჩევენ მიენდოთ ინტუიციას და წინასწარმეტყველურ ნიჭს. გაიხსენეთ, რამდენიმე წუთის წინ ვინმესთან ზედმეტი ხომ არ ილაპარაკეთ? თუკი ასეა, შეეცადეთ, დელიკატურად მოაგვაროთ შექმნილი უსიამოვნება.
თევზები
თქვენი ზოდიაქოს ნიშნის შესახებ ფორტუნა დროებით დაივიწყებს. არ ღირს საბედისწერო გადაწყვეტილებების მიღება, იმ შემთხვევაშიც, თუკი ამისკენ გიბიძგებენ. თუკი სწორად მოიქცევით, იღბალი კვლავ გაიხსენებს თქვენს არსებობას.
