ვერძი
სახელმწიფო თუ საზოგადოებრივ ორგანიზაციებთან ურთიერთობაში აჩქარება ან არადიპლომატიურობა შეიძლება საბოლოო შედეგზე ნეგატიურად აისახოს. მეტი სიფრთხილე და ყურადღება გამოიჩინეთ კომერციულ ოპერაციებში და საქმიან დოკუმენტებთან მუშაობის დროს.
კურო
ხელსაყრელი დღეა ახალი საქმის დაწყების, გრძელვადიანი გეგმების შედგენისა და შეხვედრებისთვის. ეს განსაკუთრებით ბიზნესისა და ვაჭრობის სფეროში დასაქმებულ ადამიანებს ეხებათ. ნებისმიერი წამოწყება წარმატებით დასრულდება, თუმცა სარისკო ქმედებებს უნდა ერიდოთ. მეტი სიფრთხილე და ყურადღება გმართებთ, რადგან თქვენი ცხოვრება ახალ ეტაპზე გადადის და ახალი გეგმები და საქმეები გელით.
ტყუპები
გამორიცხული არაა, რომ ამ დღეს ძველი გეგმებისა და იდეების განხორციელება შეძლოთ. სამსახურში შექმნილი პრობლემების მოგვარებაში გავლენიანი პირი დაგეხმარებათ. გამოჩნდებიან ახალი მფარველები და პარტნიორები. ახლობელი ადამიანები და ნათესავები მნიშვნელოვან დახმარებას გაგიწევენ. თქვენი მომხიბვლელობა წარმატებაში დაგეხმარებათ.
კირჩხიბი
შეძენისა და შემოსავლის მიღების დღეა. მომგებიანი გარიგების დადების შესაძლებლობა გექნებათ. შეგიძლიათ, ახალ სამსახურში გადახვიდეთ. ნებისმიერი წამოწყება კარგ შედეგს მოგიტანთ. მოსალოდნელია ძველი პრობლემების მოულოდნელი გადაჭრა.
ლომი
უფროსობასთან ურთიერთობის დროს ზედმეტი პირდაპირობა და დიპლომატიურობის ნაკლებობა შეიძლება თქვენს კარიერულ წინსვლაზე ნეგატიურად აისახოს. ახლობელ ადამიანებთან მოსალოდნელია გაუგებრობა და კონფლიქტი.
ქალწული
ხელსაყრელი დღეა საქმიანი კონტაქტებისა და საზოგადოებრივ თუ სახელმწიფო დაწესებულებებთან ურთიერთობისთვის. გაძლიერებულია ინტუიცია და ადამიანების დარწმუნების უნარი. პლანეტები გეგმებისა და იდეების განხორციელებაში გეხმარებიან. თქვენი ოპტიმიზმი და შემართება პოზიტიურ შედეგს მოგიტანთ. პრობლემების გადაჭრის დროს მეგობრების, ნათესავებისა და გავლენიანი ადამიანების იმედი გქონდეთ.
სასწორი
ხელსაყრელი დღეა დაწყებული საქმეების დასასრულებლად. შეგიძლიათ, ვალი გასცეთ ან აიღოთ და ქველმოქმედებით დაკავდეთ. ქალებს შარმი და მომხიბვლელობა საშუალებას მისცემთ, ყველა განსაცდელი გადალახონ და გარშემომყოფთა კეთილგანწყობა დაიმსახურონ. ინტიმური შეხვედრები და რომანტიკული თავგადასავლები სერიოზულ შედეგებს გამოიწვევს. თქვენი ზედმეტი ემოციურობა დაპირისპირებასა და იმედგაცრუებას გამოიწვევს.
მორიელი
ნუ მოდუნდებით. ეცადეთ, ინიციატივა ხელიდან არ გაუშვათ. თვითგადარჩენის გაძლიერებული ინსტინქტი გარშემომყოფი ადამიანების მიმართ ეგოიზმსა და დაუნდობლობაში გადაიზრდება. გახსოვდეთ, ნებისმიერი წარუმატებლობის მიზეზი, პირველ რიგში, საკუთარ თავში უნდა ეძიოთ. ეცადეთ, საკუთარი თავის მიმართ უფრო კრიტიკული იყოთ.
მშვილდოსანი
გამორიცხული არაა, რომ ამ დღეს ძველი გეგმებისა და იდეების განხორციელება შეძლოთ. ხელსაყრელი დღეა სავაჭრო გარიგებებისა და სარისკო ოპერაციებისთვის. მეგობრებისა და გავლენიანი მფარველების დახმარების იმედი უნდა გქონდეთ. ადამიანების დარწმუნების უნარი დაბრკოლების გადალახვაში დაგეხმარებათ და წარმატებამდე მიგიყვანთ.
თხის რქა
ეს დღე მიზნის მიღწევის, პრინციპების დაცვისა და სექსუალური ენერგიის ტრანსფორმაციის ნიშნით მიმდინარეობს. სასარგებლოა საქმიანი კონტაქტები, სახელმწიფო და საზოგადოებრივ ორგანიზაციებთან ურთიერთობა. შესაძლოა, ძალების უჩვეულო მოზღვავება იგრძნოთ. ყველაფერი, რასაც ხელს მოჰკიდებთ, გამოგივათ და ყველაზე რთული სიტუაციიდანაც კი გამარჯვებული გამოხვალთ.
მერწყული
სასარგებლო პერიოდია ძველი კავშირების აღდგენისა და გაძლიერებისთვის და ახლობელი ადამიანების დახმარებისთვის. ამჟამინდელი პრობლემები წარსული შეცდომების დამსახურებაა. სასიცოცხლო პოტენციალის შემცირების გამო, ამ დღეებში ფიზიკურ დატვირთვას უნდა ერიდოთ.
თევზები
მამაკაც თევზებს პროფესიულ საქმიანობაში დაგროვილი პრობლემების მოგვარება მოუწევთ. გირჩევთ, ხელქვეითებისთვის მორალურად ჯანსაღი კლიმატის შექმნაზე იზრუნოთ. წარმატებისკენ მიმავალ გზაზე შექმნილი პრობლემების მიუხედავად, სიმშვიდე შეინარჩუნეთ.