- რა არის თქვენთვის სრულყოფილი ბედნიერება?
- სრულყოფილი ბედნიერება არის... ძააალიან რთული კითხვაა... სრულყოფილი ბედნიერება არის, როცა ყველა კარგადაა.
- ბოლოს როდის გაიცინეთ?
- სულ ვიცინი.
- ბოლოს როდის იტირეთ?
- ასევე, სულ ვტირი... ხშირად ვტირი.
- თქვენი ხასიათის მთავარი შტრიხი.
- სრულყოფილი ბედნიერებისკენ სწრაფვა.
- ყველაზე დიდი ნაკლი.
- სიზარმაცე.
- ყველაზე მეტად რომელ ისტორიულ ფიგურასთან აიგივებთ თავს?
- ალბათ, იმ გადამწერთან, „მომემშიაო“, რომ მიაწერა ხელნაწერს.
- ვინ არიან თქვენი გმირები დღეს?
- მასწავლებლები, ზოგიერთი მასწავლებელი.
- თქვენი მხატვრული გმირები...
- დავით კლდიაშვილის მოთხრობების პერსონაჟები.
- ყველაზე შთამბეჭდავი მოგზაურობა...
- ერთ-ერთი პირველი, როდესაც საერთოდ თბილისიდან გავედი - ეს იყო ფარავნის ტბაზე მოგზაურობა. მერე სხვა მოგზაურობები ყოფილა, მაგრამ ასეთი შთამბეჭდავი არა.
- თვისება, რომელსაც უპირატესობას ანიჭებთ მამაკაცში...
- ერთგულება.
- ქალში?
- ასევე.
- საყვარელი მწერლები....
- პოეტებიც? მაშინ მიხეილ ჯავახიშვილი, ჰომეროსი და ნიკო სამადაშვილი.
- საყვარელი კომპოზიტორი...
- დებიუსი.
- ფილმი?
- „მარადისობა და ერთი დღე“.
- რას მიიჩნევთ თქვენს ყველაზე დიდ მიღწევად?
- იმას, რომ ერთი ნაბიჯი მაკლია სრულყოფილი ბედნიერების მისაღწევად.
- რა არის თქვენთვის ყველაზე ძვირფასი?
- შვილი.
- რას აკეთებთ მაშინ, როცა არ წერთ?
- ვფიქრობ შვილზე.
- რისი გეშინიათ ყველაზე მეტად?
- ჩემი შვილის მომავლის.
- როგორ ისურვებდით სიკვდილს?
- ძილში.
თუკი ოდესმე შეხვდებოდით ღმერთს, რას ისურვებდით, რომ თქვენთვის ეთქვა?
- შენი ბოლო ლექსი კარგი იყო, არა გიშავდა.
ფოტოგრაფი ალექსანდრე სხულუხია.