- რა არის თქვენთვის სრულყოფილი ბედნიერება?
- სრულყოფილი ბედნიერება, ალბათ, არის ის, რომ არავინ ვიცით, რა არის სრულყოფილი ბედნიერება და ყოველთვის უფრო და უფრო მეტს ველოდებით.
- ბოლოს როდის გაიცინეთ?
- ახლა რომ შემოვედი... გამიხარდა შენი ნახვა.
- ბოლოს როდის იტირეთ?
- რამდენიმე დღის წინ, როდესაც საფრანგეთის მოვლენების ამსახველ ემოციურ ვიდეოებს ვუყურე.
- თქვენი ხასიათის მთავარი შტრიხი?
- მოქნილობა.
- ყველაზე დიდი ნაკლი?
- ბევრს ველოდები ადამიანებისგან.
- ყველაზე მეტად რომელ ისტორიულ ფიგურასთან აიგივებთ თავს?
- ვერც ერთთან, იმიტომ, რომ მათ კარგად არ ვიცნობდი.
- ვინ არიან თქვენი გმირები დღეს?
- რამდენიმე მყავს, თუმცა, ბოლოს, ელეონორა რუზველტზე ვკითხულობდი, და მივხვდი, რომ ეს ქალი ძალიან მომწონს.
- თქვენი მხატვრული გმირები?
- ბავშვობიდან საყვარელი ვინც შემომრჩა, ეს არის პეპი.
- ყველაზე შთამბეჭდავი მოგზაურობა?
- ყველაზე შთამბეჭდავი მოგზაურობა ყოველთვის იტალიას უკავშირდება. ნებისმიერ სიტუაციაში უფრო და უფრო შთამბეჭდავია ყოველი ახალი მოგზაურობა.
- თვისება, რომელსაც უპირატესობას ანიჭებთ მამაკაცში?
- ერთგულება (არ ვიქნები ორიგინალური).
- ქალში?
- ქალშიც, ერთგულება.
- საყვარელი მწერლები?
- ფრენსის სკოტ ფიცჯერალდი.
- საყვარელი კომპოზიტორი?
- სერგეი რახმანინოვს ვუსმენ ხშირად.
- ფილმი?
- „ქარწაღებულნი“.
- რას მიიჩნევთ თქვენს ყველაზე დიდ მიღწევად?
- დღევანდელ ეტაპზე ყველაზე დიდ მიღწევად ჩემს შვილს ვთვლი.
- რა არის თქვენთვის ყველაზე ძვირფასი?
- სიცოცხლე, მისი ყველანაირი გამოხატულებით.
- რა არის თქვენთვის სამშობლო?
- სამშობლო არის... მიჭირს ამ კითხვაზე პასუხის გაცემა. სხვადასხვა სიტუაციებში სხვადასხვა რამ არის.
- თარიღი, რომელსაც თქვენი ცხოვრებიდან გამოტოვებდით.
- არის ასეთი თარიღი, მაგრამ არ ვიტყვი!
- რისი გეშინიათ ყველაზე მეტად?
- სიკვდილის.
- როგორ ისურვებდით სიკვდილს?
- ისე, რომ ვერ გავიგო, რომ მოვკვდი.
- თუკი ოდესმე შეხვდებოდით ღმერთს, რას ისურვებდით, რომ თქვენთვის ეთქვა?
- კარგი გოგო ხარ, შენ ყველაფერი მოასწარი!
ფოტოგრაფი: ალექსანდრე სხულუხია