როგორ შევარჩიოთ საწოლი და მატრასი

დღევანდელ ბლოგში ვისაუბრებთ, როგორ შევარჩიოთ სწორი საწოლი და მატრასი და რა კომპონენტებს უნდა მივაქციოთ ყურადღება.

როგორ ავარჩიოთ საწოლი

საწოლის არჩევისას პირველი კრიტერიუმია ზომა. პატარა ოთახისთვის ყველაზე ოპტიმალური არჩევანია ერთადგილიანი ან ადგილნახევრიანი საწოლი. ხოლო თუ სივრცე გაძლევთ საშუალებას, Queen და King ზომების მოდელები საუკეთესოა. მნიშვნელოვანია, რომ საწოლი თქვენს სიმაღლესა და საძინებლის სივრცეს შეესაბამებოდეს.

მასალაც არანაკლებ მნიშვნელოვანია: ხის საწოლი გამძლეობით გამოირჩევა, მეტალის მოდელები კი უფრო მსუბუქი და მობილურია. რბილი, ბალიშებიანი თავები ვიზუალურადაც მიმზიდველია და უფრო კომფორტულიც.

თუ ოთახში სივრცე შეზღუდულია, შესაძლოა საწოლები სათავსოთი თქვენთვის იყოს. ამ მოდელებს ჩაშენებული აქვთ უჯრები ან შესანახი ბლოკები — ისინი ფუნქციური და პრაქტიკული არჩევანია, თან სივრცესაც ზოგავს. შეგიძლიათ ზამთარში ზაფხულის ტანსაცმელი აქ შეინახოთ და პირიქით.

როგორ შევარჩიოთ მატრასი

მატრასის შერჩევა უფრო კომპლექსური პროცესია, რადგან მას უშუალო კავშირი აქვს თქვენს ფიზიკურ ჯანმრთელობასთან.

მატრასის სიმაგრე უნდა შეირჩეს ინდივიდუალური საჭიროებების მიხედვით:

• რბილი მატრასები სასიამოვნოა, მაგრამ შეიძლება ზურგის ტკივილი გამოიწვიოს;
• საშუალო სიმაგრის ან მყარ მატრასზე ზურგი უკეთესად ფიქსირდება;
• მატრასი უმჯობესია იყოს ორთოპედიული, ასე თქვენი ძილის ხარისხი გაიზრდება.

გირჩევთ, მაღაზიაში რეალურად გამოცადოთ მატრასი: წამოწექით რამდენიმე წუთით სხვადასხვა პოზაში და გაითვალისწინეთ თქვენი ძილის ჩვევები.

ასევე, თუ ალერგიისკენ გაქვთ მიდრეკილება, ჰიპოალერგიული მასალების არჩევა აუცილებელია.

შეჯამება

საწოლი და მატრასი არ უნდა შეირჩეს მხოლოდ ვიზუალის ან ფასის მიხედვით - გაითვალისწინეთ თქვენი სხეულის მოთხოვნები, ოთახის ზომა და გრძელვადიანი კომფორტი.

სწორად შერჩეული მატრასი და საწოლი თქვენს ძილსა და ყოველდღიურ ენერგიას მნიშვნელოვნად გააუმჯობესებს.