1. ძლიერი და საკუთარ თავში დარწმუნებული პიროვნება ხართ, მაგრამ ეს სულაც არ გიშლით ხელს, რომანტიკულიც იყოთ. პრობლემებს კრეატიულად უდგებით. საყოფაცხოვრებო კონფლიქტები გარეთ არ გამოგაქვთ და საერთოდაც ერიდებით. გვერდით ისეთივე კრეატიული ადამიანი გჭირდებათ, როგორიც თავად ხართ. თქვენ გსურთ, წარმატების გზაზე პარტნიორთან ხელიხელჩაკიდებულმა იაროთ და ყველაფერს ერთად მიაღწიოთ.
2. ურთიერთობებში კეთილგონიერი ხართ. მხოლოდ საკუთარ თავს უსმენთ. ძნელად კარგავთ წონასწორობას და ერთი ნახვით იშვიათად გიყვარდებათ. ურთიერთობებში ყოველთვის საკუთარ სტრატეგიას მისდევთ. ხშირად გამორჩენას ელით, ამიტომაც მხოლოდ გრძნობებზე აგებული ურთიერთობა თქვენთვის არ არსებობს. თქვენთვის მთავარია, საყვარელი ადამიანი წარმატებული იყოს ან თვითრეალიზაციისკენ ისწრაფოდეს.
3. თქვენ რომანტიკოსი ხართ, ნაზი და კეთილშობილი. ურთიერთობებში მზად ხართ, გასცეთ და გსურთ, მიიღოთ კიდეც. თქვენი არჩევანი ხშირად ინტუიციას და ემოციებს ეყრდნობა. არაკონფლიქტური ადამიანი ხართ და ყველა უთანხმოების გადაწყვეტას კომპრომისებით ცდილობთ. თქვენ გვერდით ძლიერი ადამიანი უნდა იყოს, რომელსაც ისე ამოეფარებით, როგორც კედელს.
4. ურთიერთობებში ყოველთვის ლიდერის როლი გაქვთ, რაც ბევრს აფრთხობს. როცა ლიდერობას ვერ ახერხებთ, მაშინ თანასწორობას მაინც ცდილობთ. ადვილად შეგიძლიათ წყენის პატიება და შერიგებისკენ პირველ ნაბიჯსაც ხშირად თავად დგამთ. ყოფილებთან კარგ ურთიერთობებს ინარჩუნებთ. გვერდით სრულყოფილი ადამიანი გჭირდებათ, რომელსაც თქვენი ძლიერი ხასიათი არ შეაშინებს.
5. ძალიან ემოციური საყვარელი ხართ. თქვენს ურთიერთობებში ვნების ქარიშხალი მძვინვარებს. ეჭვიანი ხართ. გიყვართ ყურადღების ცენტრში ყოფნა და მეორე ნახევარსაც ხშირად აეჭვიანებთ. მართალია, ურთიერთობებში კამათი ზოგჯერ გრძნობას ამყარებს, მაგრამ მთავარია, არ გადააჭარბოთ. თქვენ წყნარი და გაწონასწორებული ადამიანი შეგეფერებათ.
