1. რომელი კერძის მომზადება გეხერხებათ?
ა) ერბო კვერცხისა და სოსისის - 5
ბ) მწვადის - 1
გ) ნამცხვარ „ნაპოლეონის“ - 3
2. თქვენი ჩვეული საძილე პოზაა:
ა) კატასავით მოკუნტული - 1
ბ) დიაგონალური - 5
გ) თავისუფლად გაშლილი - 3
3. უადგილო ადგილას დაყრილი მისი წინდების დანახვისას, თქვენ:
ა) აღშფოთებისგან აკივლდებით - 5
ბ) მშვიდად ჩააწყობთ სარეცხის კალათაში - 1
გ) წინდების პატრონს სთხოვთ, თავის ნივთებს მიხედოს - 3
4. თქვენი აზრით, ოჯახური სამუშაოს შესრულება ევალება:
ა) ქალს, რადგან ის კერიის დარაჯია - 1
ბ) მას, ვინც უფრო ადრე ბრუნდება სამსახურიდან - 3
გ) ოჯახის ყველა წევრს, რიგრიგობით - 5
5. მეუღლემ გამოგიცხადათ, რომ დასვენების დღეებში დედამისი გესტუმრებათ. რას უპასუხებთ?
ა) „შესანიშნავია, მის საყვარელ კერძს მოვამზადებ“ - 1
ბ) „სამწუხაროდ, მეგობრებთან ერთად ქალაქგარეთ ვაპირებ წასვლას. ჩემგან მოკითხვა გადაეცი“ - 3
გ) „ოჰ, ოღონდ ამ უქმეებზე არა!..“ - 5
6. რჩეულთან იჩხუბეთ და განრისხებული…
ა) ჩემოდანს ალაგებთ და დედასთან გარბიხართ - 3
ბ) მის ბარგს ალაგებთ და დედამისთან ისტუმრებთ - 5
გ) სააბაზანოში გარბიხართ და ქვითინებთ - 1
7. ღამით თქვენი გულისსწორის ხვრინვა გაღვიძებთ. ძილი რომ შეიბრუნოთ:
ა) აღვიძებთ და სთხოვთ, გვერდი იცვალოს - 5
ბ) თავზე ბალიშს იფარებთ ან სხვა ოთახში გადიხართ - 3
გ) წარმოსახულ მატარებლებს ითვლით - 1.
7-15 ქულა - ცოლი
აბსოლუტურად მზად ხართ ოჯახური ცხოვრებისთვის. პასუხისმგებლობის გრძნობა და კომპრომისებზე წასვლის უნარი თქვენი უმთავრესი თვისებებია. თუმცა, არ ღირს ყველა პრობლემის ზურგზე წამოკიდება. დაე, მანაც იტვირთოს ზოგიერთი საოჯახო საქმე. არ დაგავიწყდეთ, რომ სახლის ისტერიული ლაგება, სადილების კეთება და ღვეზელების ცხობა ოჯახური ურთიერთობისთვის მთავარი სულაც არ არის.
15-25 ქულა - საცოლე
დარწმუნებული ხართ, რომ მამაკაცის მთავარი ამოცანა ქალზე ზრუნვაა. ძალიან ბევრს მოითხოვთ მისგან, მაგრამ იცოდეთ, სასიამოვნოა არა მხოლოდ მიღება, არამედ გაცემაც. ბევრი რამ გაღიზიანებთ თქვენს რჩეულში, მაგრამ მეტი მოთმინება გამოიჩინეთ და სამაგიეროდ ბევრს მოიგებთ.
25-35 ქულა - მეგობარი
დამოუკიდებლობა არაჩვეულებრივი თვისებაა, მაგრამ ოჯახურ ცხოვრებაში ის ზოგჯერ უადგილოა. თქვენი უმთავრესი პრობლემა ისაა, რომ უნარი არ შეგწევთ, ან არ გსურთ, პარტნიორს რაიმე დაუთმოთ. დაფიქრდით, იქნებ, ის თქვენი ოცნების რაინდი სულაც არ არის? მაშინ დროულად იმოქმედეთ – ნუღარც მას აწვალებთ და ნურც თავს იწვალებთ.
