სახელი: თეონა
გვარი: გეგელია
სამუშაო ადგილი: ტელეკომპანია „იმედი“
რომ არ ვყოფილიყავი ჟურნალისტი, ვიქნებოდი... არ ვიცი, არ მიფიქრია.
ყველაზე მეტად ჩემს პროფესიაში მომწონს... ადამიანების ინფორმირების შესაძლებლობა.
ყველაზე დასამახსოვრებელი გადაცემა... მახსოვს ის გადაცემები, რომლებითაც განსაკუთრებით უკმაყოფილო ვარ. ახლა ასეთი სამი მახსენდება. ზოგადად, ბოლომდე კმაყოფილი არც ერთი ეთერით არ ვარ.
ყველაზე მეტად ადამიანში ვაფასებ... სიკეთეს, თავმდაბლობას, გამარჯობის თქმის უნარს.
მჯერა, რომ... ბევრი რამის მჯერა.
რაც ყველაზე მეტად არ მომწონს საკუთარ თავში... ალბათ, სიფიცხე.
ის, რის გარეშეც ვერ წარმომიდგენია ცხოვრება, არის... ახლობელი ადამიანები.
ბავშვობაში ყველაზე მეტად მინდოდა, რომ... უამრავი რამ მინდოდა, აღარც მახსოვს.
ამ წამს ყველაზე მეტად მინდა, რომ ვიყო... ვინც ვარ.
ნიჭი, რომელსაც მინდა ვფლობდე... მათემატიკის ნიჭი.
წიგნი, რომლის ავტორიც ვიქნებოდი... რომ შემეძლოს, თავად დავწერდი, სხვისი წიგნის ავტორობა არ მინდა.
ვტირი მაშინ, როდესაც... ძალიან იშვიათად.
მრცხვენია მაშინ, როდესაც... ვცდილობ, ისე მოვიქცე, რომ არ შემრცხვეს.
რისი თქმაც ყოველთვის მინდოდა და ახლა ვამბობ... ყველაფერი ნათქვამი მაქვს, და თუ რამის თქმა მომინდა მომავალში, იმასაც ვიტყვი.
სიყვარული არის... სიკეთე.
ყველაზე ბედნიერი ვიყავი მაშინ... ბევრჯერ.
დღევანდელი დღე არის გარანტი იმისა... ასეთი გარანტიები არ არსებობს.
პირად ურთიერთობებში ვარ... ეს ჩემს მეგობრებს უნდა ჰკითხოთ.
შევცვლიდი... იმას, რისი შეცვლაც შესაძლებელია უკეთესობისკენ.
ოქროს თევზს ვთხოვდი... საყოველთაო მშვიდობას.
პრეზიდენტი, რომ ვიყო... გამორიცხულია!
ქალი უნდა იყოს... ადამიანი, ისევე როგორც კაცი.
თავისუფლება არის... დიდი ნებისყოფა, სხვების თავისუფლების პატივისცემა.
მშვიდობა არის... სიკეთე.
იყო პატრიოტი, ნიშნავს... ეს სიტყვა არ მიყვარს.
ჩემი საყვარელი სასმელი... თეთრი მშრალი ღვინო.
ჩემი დევიზია... დევიზები არ მაქვს.
მინდა დამიმახსოვრონ, როგორც... არ მაქვს პრეტენზია, რომ ვინმემ დამიმახსოვროს.
